Loma 6:5 - Livulu lya Shukulu Kalunga

⁵ Omwo nga tunapu umo nendi mu kutsa kwendi, mu ngila eyi vene tukapwa mumo nendi akusanguka kwendi.

Loma 6:5 Iomraidhean Croise

Myaso 92:13

Vanalifu na miti yakukuna mu Njuvo ya Shukulu Kalunga Njambi, ije ilinakukula mwamuvwa, mu Njuvo yetu ya Shukulu Kalunga,

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Njelemiya 2:21

Yange njakukunine kupwa mukolovozi wa vushuka vwa vinyu wauvwa, wa ku mbuto yaivwa manene. Cooni unatenguluka vatijo kupwa mukolovozi wakuvola wakujeneka seo?

Mateo 15:13

Ikeye wavakumbulwile ngwendi, “Vimbuto vyoshe vije Tate wa mwilu kavikunine vakavitukula.

Yowano 12:24

Mwa vushunga njimileka ngwange, kuvanga nona ya tiliku iwile mu livu na kutsa. Nga itsa, asinoni ima vinona vyavingi.

2 Kolinte 4:10

A simbu yoshe twambata kutsa kwa Yesu mu mivila yetu, ngeci mwonyo wendi usholoke mu mivila yetu lalo.

Kolose 2:12

Omo vamimbwitikile, vamitsindile amo na Kilistu, co akumimbwitika lalo vamisangwile amo na Kilistu akukulaela kweni ku nzili ya vipangi vya Njambi, uje wamusangwile ku kutsa.

Kolose 3:1

Nga munanguka amo na Kilistu, ngecivene, shakezekeni vyuma vije vili mwilu, kuje Kilistu natumbama a litanda lyendi ku livoko lya cilyo lya Njambi.