Loma 6:22 - Livulu lya Shukulu Kalunga

²² Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

Loma 6:22 Iomraidhean Croise

Kushangumuka 50:17

watushikile kulomba kuli yove ngwendi, ‘Mwane, sambesa mulonga wa vandolome vove uje valingile muje vakulingile mwamuvi.’ Ololo mwane tusambese ku kupenga-penga kuje yetu vangamba va Njambi ya isho twalingile.” Yosefa walilile manene omo watambwile lijwi eli.

Yombi 1:8

Shukulu Kalunga wehwile Satana ngwendi, “Unamono ngamba yange Yombi ndi? Kukwesi umo ano a kaye muka-vushunga na kulongwa, nakukomoka Njambi nakulitenga ku vuvi ngwe Yombi.”

Myaso 143:12

Omwo cizemo cove kuli yange, cije kucesi kutenguluka tsiya vitozi vange, nakunyongesa voshe vaje vaka-kunjiyandesa, omwo yange njapwa nji ngamba yove.

Myaso 86:2

Njamene, omwo njakuzema, njamene yange ngamba yove uje wakulaela kuli yove.

Myaso 92:14

nakwima vushuka a simbu yayo, co simbu yoshe izivuluka nakukala na nzili.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Ndanyele 3:26

Ngecivene, Nevukaneza waile ku cikolo ca litende lya tuhya, wasanene ngwendi, “Shandelaki! Meshake! Ambendenengo! Vasamba va Njambi wa Akamwa ya Akamwa! Tuukenimo!” Co aje vene vatuukilemo.

Ndanyele 6:20

Omo washwenyele kuyehi, watambekele na lijwi lya vusiwa ngwendi, “Ndanyele, ngamba ya Njambi wakuyoya! Njambi uje iwapangela na kulongwa manene nakwamena ku tunwa twa vindumba ndi?”

Kulava 23:10

Iya asa kulava vatekulwila va Yakomba, vapwa ngwe lishen̄avu nameme kulavulula mutambela umo wa vanu va Isalele? Njitave njitse kutsa kwa vanu va Njambi, co kutsa kwange kupwe kwa kwoloka ngwe kwa vaka-vushunga!”

Mateo 13:40

Ngwe omo muvakungulwile shaku nakuyenyeka, ngecivene, mukemwo muvakalinga akuhwa kwa kaye.

Mateo 13:43

Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!

Mateo 19:29

Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe.

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Yowano 4:36

Uje ateja valinakumufweta, co alinakukungulula vimbuto vya mwonyo wa myaka yoshe, ngecivene, muka-kukuna na muka-kuteja voshe vakavwaelela amolika.

Yowano 8:32

co mukazivuka vushunga, co vushunga vukamipatula.”

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.

Loma 6:18

Co vamipatwile ku vuvi, munapu vindungo va vushunga.

Loma 6:21

Oloni vikajo mwawaneneo akulinga vyuma vije ololo mulinakuvizivila shwamwa? Fweto ya vyuma vije inapu kutsa!

Loma 7:25

Kukandelela kuli Njambi ali Mwene yetu Yesu Kilistu! Ngecivene, omu mukemwo munjinafu, ange lika njasa kupangela lishiko lya Njambi na mbunge yange lika, oloni vusitu vwange vupangela lishiko lya vuvi.

Loma 7:4

Neni lalo cifwa cimo, vakwetu. Neni lalo munatsi omwo munapu vilyo vya muvila wa Kilistu, co ololo munakundama kuli ikeye, uje ivasangwile ku vatsi ngeci tupangele Njambi vipangi vyavivwa.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

2 Kolinte 3:17

Co ololo lijwi “Mwene” mu majwi awa linemanena Munzinzime, co kuje kuli Munzinzime wa Mwene, kukekwo kuli kupatuka.

Ngalatiya 1:10

Kuma eci cimwesa ngwe njilinakushaka vanu ngeci vanjishangale ndi Njambi? Indi njishaka kuvwaelelesa vanu ku vimbunge? Nga yange njilinakushaka kuvwaelelesa vanu, kunjapandele kupwa ngamba ya Kilistu.

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Ngalatiya 5:22

Oloni vushuka vwa Munzinzime vunapu cizemo, kujolela, kwoloka, lukakateya, ngozi, vuvwa, kulongwa,

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 4:17

Kesi ngwe yange njishaka lika vwana kuli yeni embwe, oloni njishaka kumona nganyo yakuwezelela ku mbango yeni.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

Tito 1:1

Mukanda wakutunda kuli yange Paulu, ngamba ya Njambi na muluwa wa Yesu Kilistu. Vanjangwile nakunjituma mukukwasa kukulaela kwa vanu va Njambi vakwangula nakuvatwamenena ku vushunga vuje vuvavalongesele ku futisi yakulemesa Njambi,

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

Yakomba 1:1

Mukanda wakutunda kuli yange Yakomba, ngamba ya Njambi na Mwene Yesu Kilistu. Viindu kuli vanu voshe va Njambi vaje vanashandokela mu kaye mwoshe.

1 Petulu 1:9

omwo mulinakutambula kwovoka kwa myonyo yeni, kukekwo kwapwa vutumbe vwakukulaela kweni.

1 Petulu 2:16

Yoyeni ngwe vanu vakupatuka, ngecivene, kesi mupangese kupatuka kweni ngwe cuma cakufwika vuvi embwe, oloni yoyeni ngwe vindungo va Njambi.

Kujombolola 7:13

Co umo wa vaje vakulunu wanjihwile ngwendi, “Veya ava vanu vanazala vuzalo vwakutoka, co vanatundu kuli?”