Loma 6:17 - Livulu lya Shukulu Kalunga

¹⁷ Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

Loma 6:17 Iomraidhean Croise

Ezela 7:27

Ezela wendekele ngwendi, “Vamushangazale Shukulu Kalunga, Njambi ya vakukulwila vetu! Ikeye nalingisa mwene kukala na cizango cangacije, ngeci avwaese Njuvo ya Shukulu Kalunga eyi ili mu Yelusalema.

Myaso 18:44

Vaka-kwija vatsikama kuli yange, omo vaziva lijwi lyange, co vanjononoka.

Vilinga vya Miluwa 11:18

Omo vazivile majwi awa, valikelele kumujokotesa, co valemesele Njambi vendele ngwavo, “Kuma Njambi naana lalo ava kesi vaYunda simbu yakutenguluka ngeci vayoye.”

Vilinga vya Miluwa 28:15

Co vaka-kukulaela va mu Loma omo vazivile ngwavo tunete vezile kutunda ku vinganda vyakulyala vya Vulandeselo vwa Apiyase na Vinjuvo Vitatu vya Vangenzi mukuliwana netu. Omo Paulu wavamwene, co wakandelelele kuli Njambi nakulitakamesa.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 1:8

Akulivanga, njikandelela kuli Njambi yange ali Yesu Kilistu ali yeni voshe, omwo kukulaela kweni kunatsimana mu kaye mwoshe.

Loma 15:18

Omwo njikasimpa nakwendeka vije lika vyanalingi Kilistu muli yange mukutwamenena vaje kesi vaYunda ngeci vononoke Njambi. Nalingi evi a majwi ange na a vilinga vyange,

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Loma 2:8

Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo.

1 Kolinte 1:4

Simbu yoshe njikakandelela kuli Njambi omwo yeni, omwo kutetela kuje kwanamyana Njambi ali Kilistu Yesu.

1 Kolinte 14:6

Ngecivene, omo njija kuli yeni, vavusamba vange, cikamikwasa vatijo nga njendeka mu vindaka vyeka? Kucinjikwasa embwe, kuvanga njimisholwele vimo vyakutunda kuli Njambi nambe mana amo nambe vuka-kwimanena nambe vimo vilongesa.

2 Kolinte 2:14

Oloni kukandelela kuli Njambi! Omwo muli Kilistu simbu yoshe ikeye natutwamenena ngwe mbunga ya vinzinda vaka-kuhyana muli Kilistu. Njambi akatupangesa mukulingisa Kilistu ashandoke ngwe lwengo lwaluvwa lwakumuzivuka kwoshe-ikwoshe.

Efeso 1:16

kunjalikelele kukandelela kuli Njambi omwo yeni. Njilinakumyaanuka mu malombelo ange,

1 Tesalonika 3:9

Ololo twasa kukandelela kuli Njambi omwo yeni. Tulinakumukandelela akujolela kuje tulinakwo ku mesho endi omwo yeni.

2 Tesalonika 1:3

Vakwetu, tunapande kukandelela kuli Njambi simbu yoshe omwo yeni. Eci cinapu cacivwa kuli yetu kulinga ngacije, omwo kukulaela kweni kulinakukola manene na cizemo cije mulinaco kuli umo na mukwavo cilinakwama manene.

2 Timateo 1:13

Kakateya mbe ku majwi a vushunga aje njakulongesele, apwe cimweso kuli yove mukuwakava, co unapande kukala mukukulaela na cizemo vije vinapu vyetu muli Kilistu Yesu.

Filimoni 1:4

Ndolome yange Filimoni, simbu yoshe omo njikalombela, njikakutumbula nakukandelela kuli Njambi yange.

VaHevelu 11:8

Akukulaela, Avilahama wononokele Njambi omo wamusanene, co watundile mu lifuti lyendi waile ku lifuti lije lyamukulaesele Njambi. Wasezele lifuti lyendi oloni kazivukile kuje kwaile.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 3:1

Mu cifwa cimo vene, yeni vanakazi munapande kwononoka kuli vanalume veni, ngeci nga umo wavo kakulaela lijwi lya Njambi, vilinga vyeni vikavakokela kukukulaela,

1 Petulu 4:17

Simbu inete ngeci kusompa kushangumuke, co vanu va Njambi vakevo vakalivanga kuvasompa. Nga kushangumukila kuli yetu, vatijo cikafwa akukotoka kuli vaje kuvakulaela ku Vin̄anda Vyavivwa vyakutunda kuli Njambi?

2 Yowano 1:4

Njavwaelelele manene omo njawanene ngeci vamo vana veni valinakuyoya mu vushunga, ngwe muje mwatushikile Tate.

3 Yowano 1:3

Njavwaelelele manene omo vamo vakwetu vaka-Yesu vetele nakunjileka vya lukakateya lwove ku vushunga, ngwe simbu yoshe yove wayoya mu vushunga.