Loma 6:16 - Livulu lya Shukulu Kalunga

¹⁶ Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Loma 6:16 Iomraidhean Croise

Kushangumuka 4:7

Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

Mateo 20:4

ngecivene, wavalekele ngwendi, ‘Neni lalo yeni mukapange ku lihya lyange, njikamifweta muyinapande fweto yeni.’

Mateo 6:24

“Munu naumo wai asa kupangela vashukulu vavali, kuvanga azindeo umo nakuzemao mukwavo, nambe apwa wa kulongwa ku umo nakushaula mukwavo. Co kuwasa kupangela Njambi nakupangela lalo vimbongo.

Yowano 8:34

Yesu wendekele kuli vakevo ngwendi, “Mwa vushunga njimileka ngwange, munu woshe alinga vuvi napu ndungo ya vuvi.

Loma 11:2

Njambi kavyanene vanu vendi, vaje vaangwile kutunda ku san̄ulu. Yeni mwazivuka muvinendeka visoneka mu mutambela kuje vendeka Elinja alambelela Njambi ali Isalele ngwendi,

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

1 Kolinte 3:16

Mwa vushunga mwazivuka ngeci munapu Njuvo ya Shukulu Kalunga na Munzinzime wa Njambi alinakuyoya muli yeni!

1 Kolinte 5:6

Kumwapandele kulyalesa embwe! Mwazivuka muvakendeka ngwavo, “Musima waundondo wasa kufutunwisa mukasha woshe wamutunu.”

1 Kolinte 6:2

Kuma kumwazivukile ngweni vanu va Njambi vakasompa vaka-kaye ndi? Co nga mukasompa vaka-kaye, kuma kumwasa kusompa vin̄anda vyavindondo ndi?

1 Kolinte 6:3

Kumuzivuka ngweni tukasompa tungelo ndi? Kuma kutwasa kuhyana mukusompa vyuma vya mwonyo ou ndi?

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

1 Kolinte 9:13

Mwa vushunga mwazivuka ngweni vanu vaje vakapanga mu Njuvo ya Shukulu Kalunga vakawana vyakulya vyavo ku Njuvo ya Shukulu Kalunga, co vaje lalo vakakombelela a mutula vakawana lalo mutambela wavo ku vije vanakombelela ndi.

1 Kolinte 9:24

Mwa vushunga mwazivuka ngweni mu vweho vwa vaka-kushatuka, vaka-kushatuka voshe vashatuka amo, oloni umolika wavo ikeye atambula fweto. Ngecivene, shatukeni, mu ngila eyi vene ngeci mutambule fweto.

Yoshwa 24:15

Nga kumwesi na cizango cakupangela Shukulu Kalunga, co anguleni ku litangwa lya lelo iyajo imukapangela, vinjambi vaje vavalemesele vakukulwila veni ku Mesopotamya, nambe vinjambi va vaAmoli, mu lifuti eli mumuli nakukala ololo. Oloni yange na naanga yange, tukapangela Shukulu Kalunga.”

2 Petulu 2:19

Vavakulaesa kupatuka, oloni vanapu vindungo va futisi yakunyonga, omwo tunapu tu vindungo va cuma coshe cije cinatushwana.