Loma 6:13 - Livulu lya Shukulu Kalunga

¹³ Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 6:13 Iomraidhean Croise

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

Myaso 37:30

Majwi a munu wamuvwa apwa a mana, co ikeye akendeka vushunga simbu yoshe.

Visimo 12:18

Kwendeka majwi a lishamena avinjisa ku mbunge ngwe munu vativi moko ya mukwale, oloni majwi akwendeka mwamuvwa akahwimisa mbunge.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Ezekiyele 18:4

Mwonyo wa munu woshe wakundama kuli yange, mwonyo wa cisemi na mwonyo wa mwanike lalo. Munu uje alinga vuvi ikeye akatsa.

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Luka 15:24

Omwo ou munange watsile, oloni ololo alinakuyoya, wazimbalele, oloni ololo tunamuwana!’ Co vashangumukile kulisamba nakulinga ciwano.

Luka 15:32

Oloni tunapande kujolela nakuvwaelela, omwo ndolome yove watsile, oloni ololo alinakuyoya, wazimbalele, oloni ololo tunamuwana.’ ”

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Loma 1:29

Vanashulu na vyuma vyoshe vya kupenga-penga na vuvi na cipululu na cizindo, vanashulu na cipululu nakutsiya na lwozi na makuli na linyanyamena. Vafweya

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 6:11

Mu ngila eyi vene munapande kuliyongola yeni vavenya ngweni munatsi, kwesekesa na vuvi, oloni mulinakuyoya muli Njambi ali Kilistu Yesu.

Loma 6:16

Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Loma 6:19

(Njilinakupangesa majwi aasi kuwakwata omwo kuzeya kwa vimbunge vyeni vya vunu.) A simbu imo mwalikundikile muvamutunu kupwa vindungo va vyuma vya mazilo na ku kupenga-penga ngeci mulinge vyuma vya kupenga-penga. Mu ngila eyi vene ololo munapande kulikundika muvamutunu kupwa vindungo va vushunga ngeci mulinge vyuma vya kujela.

Loma 7:23

Oloni njimona lishiko lyeka lilinakupanga mu muvila wange, lishiko lije lilinakulwisa lishiko lije linjinatava mu mbunge yange. Linanjipwisa cinzinda ca lishiko lya vuvi lije lilinakupanga mu muvila wange.

Loma 7:5

Omwo twayoyele mu vusitu, mashungu a vuvi aje Lishiko lyashangumwine akele nakupanga mu mivila yetu, co vyoshe vitwapangele vyatwalele ku kutsa.

1 Kolinte 6:15

Mwazivuka ngweni mivila yeni inapu vilyo vya Kilistu. Kuma njasa kutundisa cilyo cimo ca muvila wa Kilistu nakucipwisa cilyo ca cikwizi ndi? Embwe kucitava!

1 Kolinte 6:20

Omwo wamilandele na ndando. Ngecivene, shangazaleni Njambi mu mivila yeni.

1 Kolinte 6:9

Mwa vushunga mwazivuka ngeci vaka-vuvi kuvakashwana Vumwene vwa Njambi. Kesi mulikwise yeni vavenya, vaka-vukwizi nambe vaka-kulemesa tumponya nambe vaka-vupangala nambe vaka-vundei

2 Kolinte 10:4

Vitwa vije tulinakupangesa mukulwa kwetu kesi ngwe vitwa vya kano kaye, oloni vitwa vya nzili ya Njambi, ije yasa kunyongesa vimbongi. Tulinakumanesa vimata vya makuli,

2 Kolinte 5:14

Omwo cizemo ca Kilistu cinatushwana, co ololo tunananguka ngeci munalume umo watsililile vanu voshe, eci cinalumbunuka ngeci vanu voshe vanatambula ku kutsa kwendi.

2 Kolinte 5:15

Co watsililile vanu voshe, ngecivene, vaje valinakuyoya kuvapandele kuliyoyela vakevo vavenya embwe, oloni vanapande kuyoyela kuli uje wavatsililile, co vamusangwile omwo yetu.

2 Kolinte 8:5

Kuvalingile ngwe mutwayongwele yetu! Oloni akulivanga valilambwile kuli Mwene, asinoni ku cizango ca Njambi, co valyanene vakevo vavenya kuli yetu.

Efeso 2:5

ngeci nambe omo twatsile ku munzinzime akujeneka kwononoka kwetu, watuyoyesele amo na Kilistu. Akutetela kwa Njambi ngeci munovoka.

Efeso 5:14

omwo cuma coshe cije cisholoka cipwa ceke. Omu mukemwo vakendeka ngwavo, “Tona, yove walala, co induka ku kutsa, Kilistu akakutwila ceke.”

Kwituluka mu Mashiko 25:16

Shukulu Kalunga wazinda vanu vakakukwisa.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Kolose 2:13

A simbu imo mwatsile ku munzinzime omwo a vuvi vweni, omwo mwapwile vaje kesi vaYunda vakujeneka Lishiko. Oloni ololo Njambi naminena ku mwonyo muli Kilistu. Njambi watusambesele vivi vyetu vyoshe,

Kolose 3:5

Ngecivene, munapande kutsiya mashungu a ano asi aje alinakupanga muli yeni, ngwe vupangala na mazilo na mashungu amavi na cizemo cacivi na cipululu (omwo eci cipululu cikeco cifwa cakulemesa tumponya).

2 Tesalonika 2:12

ngeci voshe vaje kuvakulaelele vushunga, oloni vanaungama lika mu vuvi, vakanyonga.

2 Timateo 2:15

Panga mwamuvwa ngeci utambule vukaleo vwavuvwa ku mesho a Njambi, ngwe muka-vipangi uje kesi na shwamwa ku vipangi vyendi, uje akalongesa mwamuvwa lijwi lya vushunga lya Njambi.

Yakomba 4:1

Kulilwisa kwoshe na vimata vyoshe akati keni vilinakutunda kuli? Vilinakutunda ku mashungu eni aje simbu yoshe alinakulwa mu mivila yeni.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

1 Yowano 1:9

Oloni nga tulitavela vivi vyetu kuli Njambi, co Ikeye anyunga cikulaeso cendi nakulinga vije vya vushunga, ikeye akatusambesa ku vivi vyetu nakutujelesa ku vilinga vyetu vyoshe vyavivi.