Loma 5:21 - Livulu lya Shukulu Kalunga

²¹ Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

Loma 5:21 Iomraidhean Croise

Mateo 25:46

Co ava vakakovela mu tuyando twa myaka yoshe, oloni vaka-vushunga vakakovela mu mwonyo wa myaka yoshe.”

Yowano 1:14

Co Lijwi lyemukile munu, lyashulile na kutetela navushunga, co lyakele akati ketu. Twamwene vumpau vwendi, vumpau vuje vwaatambwile akupwa mwana umolika wa Ishe.

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Loma 4:13

Omo Njambi wakulaesele Avilahama na vatekulwila vendi ngeci vakashwana kaye, walingile eci, kesi ngwe omo Avilahama wononokele Lishiko embwe, oloni omo wakulaelele, co Njambi wamulaveleleco kupwa muka-vushunga.

Loma 5:12

Ngecivene, vuvi vwezile ano a kaye ali munu umolika, co vuvi vwendi vunanene kutsa. Co kutsa kunete ku miyati yoshe ya vanu omwo voshe vanalingi vuvi.

Loma 5:14

Oloni kutunda ku simbu ya Andama nakweta ku simbu ya Mosesa, kutsa kwashwanene a vanu voshe, nameme ali vaje kuvalingile vuvi ngwe mwalingile Andama omo kononokele lishiko lya Njambi. Andama wapwile cimweso ca uje akaija.

Loma 5:17

Mwa vushunga a vuvi vwa munu umolika kutsa kwashwanene omwo uje munu umolika. Oloni vyuma vije vinasholoka vyanalingi uje munu umolika, ikeye Yesu Kilistu vinahyana manene! Voshe vaje vanatambula kutetela kwa Njambi kwa myaka yoshe vanavapwisa vaka-vushunga ku mesho endi vakashwana mu mwonyo ali Kilistu.

Loma 6:12

Kesi mutave vuvi vushwane mu mivila yeni ije kuyesi kuyoya myaka yaingi, ngeci mwononoke mashungu avwo.

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.

Loma 6:16

Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

Loma 8:10

Oloni nga Kilistu ali muli yeni, nameme mivila yeni inapu ya kutsa omwo vuvi, oloni Munzinzime napu mwonyo muli yeni omwo vanamipwisa vaka-vushunga ku mesho a Njambi.

Tito 2:11

Omwo Njambi nasholola kutetela kwendi mukwamena vanu voshe.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.

1 Yowano 2:25

Co eci cikeco watukulaesele Kilistu vavenya kutwanaco, cikeco mwonyo wa myaka yoshe.