Loma 5:20 - Livulu lya Shukulu Kalunga

²⁰ Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

Loma 5:20 Iomraidhean Croise

Myaso 25:11

Omwo a lizina lyove yove Shukulu Kalunga, njisambese ku vuvi vwange, omwo vwavungi manene.

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Ezekiyele 16:52

Ngecivene, ololo, yove ukakala na shwamwa omwo wavangelele vandokazi vove. Vuvi vwove vwapwile vwa vunyengwe manene kutuvakana vuvi vwavo. Vakevo vanasholoka kupwa vakulongwa kutuvakana yove. Ngecivene, ukaziva shwamwa nakushauka omwo wapwisile vandokazi vove kupwa va kulongwa.”

Kulava 21:9

ngecivene, Mosesa wafulile linyoka wa vunengu wamushukikile ku manda. Ngeci munu woshe uje nashumuwa omwo akenga ku linyoka wa vunengu, co ayoya.

Mateo 20:9

Vanu vaje vashangumukile kupanga a simbu yamulikumi na viitanu na vivali wavafwetele umo na umo mbongo ya siliva.

Mateo 9:13

Yeni mukalilongese mwaya majwi a visoneka vati endeka, ngwawo, ‘Yange njishaka kutetela, kunjishaka n̄ombelo ya tusitu,’ omwo yange kunjezile mukusana vanu vaje vanalimono vakevo vavenya ngwavo vaka-vushunga, oloni vanu vaje vaka-vuvi.”

Luka 7:47

Njikuleka ngwange, vivi vyendi vyavingi vanavisambesa omwo namwesa cizemo cendi cakama. Oloni kuli uje vanecela vyavindondo, akamwesa cizemo cacindondo.”

Yowano 10:10

Mwizi akaija nakwiva lika nakutsiya nakunyongesa. Njinaija ngeci mukale na mwonyo, mwonyo waungi.

Yowano 15:22

Nga kunjezile nakwendeka kuli vakevo ngwe kuvakele na mulonga wa vuvi, oloni kuvasa kulyola malambi a vuvi vwavo.

Loma 4:15

Omwo lishiko linena vukalu vwa Njambi, oloni nga kukwesi lishiko, co kukwesi kujeneka kwononoka lishiko.

Loma 6:1

Ngecivene, vikajo twendeka? Tunapande kutwalelelao kuyoya mu vuvi ngeci kutetela kwa Njambi kutume ndi?

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.