Loma 4:6 - Livulu lya Shukulu Kalunga

⁶ Eci cikeco catumbwile Ndaviti omo wendekele akuvezika kwa munu uje Njambi namupwisa muka-vushunga, kujeneka cuma cimo cije calinga uje munu,

Loma 4:6 Iomraidhean Croise

Myaso 112:1

Shangazaleni Shukulu Kalunga! Navezika munu uje akomoka Shukulu Kalunga, munu uje avwaelela nakwononoka mashiko endi.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Njelemiya 22:6

“Kuli yange, lipela lya vumwene vwa Yunda linapu lyalivwa manene ngwe lifuti lya Ngilyande, co ngwe lalo Minkinda ya Lembanone, oloni njikalipwisa ngundu muje naumo wai akakalamo.

Njelemiya 33:16

Vanu va mu Yunda na vanu va mu Yelusalema vakapatuka nakuyoya mwamuvwa. Co nganda ya Yelusalema vakaitumbula ‘Shukulu Kalunga Ikeye Kwamena Kwetu.’

Ndanyele 9:24

“Visimbu vitanu na vivali vya myaka makumi atanu na avali inapu simbu yanemika Njambi yakupatula vanu vove na nganda yove yakujela ku vuvi na ku kupenga-penga. Ngecivene, vuvi vakavusambesa, co vushunga vukakala ku myaka yoshe, co cimona na vuka-kwimanena vikapwa vya vushunga, na Njuvo ya Shukulu Kalunga yakujela vakayikundika lalo.

Mateo 25:19

“Omo kwetile matangwa amangi, co uje shukulu ya vangamba vaje welukile, walavele amo navo vije vimbongo vyendi.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

Loma 4:24

Vawasonekelele lalo yetu vavalavela kupwa vaka-vushunga, vaje vanakulaela kuli ikeye uje wasangwile Mwene yetu Yesu ku vatsi.

Loma 4:5

Oloni munu uje nemana lika akukulaela kwendi, kesi a vilinga vyendi, co uje akulaela kuli Njambi muka-kusambesa muka-kapayo kupwa wakujeneka mulonga, kunapu kukulaela kwendi kuje Njambi ayongola ngeci amupwise muka-vushunga ku mesho endi.

Loma 4:7

“Vanavezika vanu vaje Njambi navasambesa ku kupenga-penga kwavo, vanu vaje vivi vyavo vanavifwiki!

Loma 4:9

Kuma kuvezika kuje kwendekele Ndaviti kwakundama lika kuli vaka-kutuuka ndi? Mwa vushunga vene embwe! Kunakundama lalo na kuli vaje vaka-kujeneka kutuuka. Omwo tunamono laja mu visoneka ngwavyo, “Avilahama wakulaelele kuli Njambi, co omwo akukulaela kwendi Njambi wamulaveleleco kupwa muka-vushunga.”

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

2 Kolinte 5:21

Kilistu kalingile vuvi, oloni Njambi wamupwisile vuvi omwo yetu, co akukala muli ikeye, vanatupwisa vaka-vushunga vwa Njambi.

Ngalatiya 3:14

Kilistu walingile eci ngeci vivezikiso vya Njambi vyakulaesele kuli Avilahama vavyane kuli vaje kesi vaYunda ali Kilistu Yesu, ngeci akukulaela tutambule Munzinzime uje watukulaesele Njambi.

Ngalatiya 4:15

Mwavwaelelele manene! Vikajo vinalingiwa? Yange njasa kwendeka ngwange nga mwasele, nga mwacakuvwile mesho eni, nakunjanawo.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”

2 Petulu 1:1

Mukanda wakutunda kuli yange Simoni Petulu, ngamba na muluwa wa Yesu Kilistu. Njilinakusoneka kuli vaje, a vushunga vwa Njambi yetu na Muyoyesi wetu Yesu Kilistu vanavana kukulaela kwa seo yakama manene ngwe yetu vene.