Loma 4:17 - Livulu lya Shukulu Kalunga

¹⁷ Ngwe muvyendeka visoneka ngwavyo, “Njinakupwisa cisemi ca miyati yaingi.” Ngecivene, cikulaeso cinapu cacivwa ku mesho a Njambi, uje yakulaelele Avilahama, Njambi uje muka-kusangula vatsi, uje akushika kwendi anena vyuma vije kuvyesiko ngeci vikaleko.

Loma 4:17 Iomraidhean Croise

Kushangumuka 17:16

Njikamuvezikisa, akakita mwana wa munalume. Co njikamuvezikisa, ngeci akapwe cisemi ca miyati, co mukati ka vatekulwila vendi mukakala vimyene.”

Kushangumuka 17:20

Njazivi kulomba kwove ali Ishimela, ngecivene, kenga njikamuvezikisa nakumwana vana vavangi nakutumisa vatekulwila vendi. Ikeye akapwa ishe ya vana va vimyene va vanalume likumi na vavali, co njikapwisa vatekulwila vendi muyati wakama.

Kushangumuka 28:3

Njambi Muka-nzili yoshe akavezikise vulo vwove nakukwana vana vavangi, ngeci ukapwe cisemi ca miyati yaingi!

Isaya 43:6

Njikaleka kunto na mbwela, kwecela vanu vange ngeci veluke kutunda ku mafuti a kulyala na ku mitambela yoshe ya mu kaye.

Isaya 44:7

Kuma kwali munu weka lalo nalingi vije vinjinalingi yange ndi? Kuma kuli umo asa kwendeka vije vyalingiwile laja? Nakwendeka lalo vije vikalingiwa kulutwe?

Isaya 48:13

Njatangele kaye na mavoko ange, nakujangumuna lilu. Lilu na kaye vyononoka kushika kwange kwoshe.

Isaya 49:12

Vanu vange vakatunda kulyala, vakatunda ku kunto na mu kangombe ka yambi, na ku Aswane mu mbwela.”

Isaya 51:2

Yongoleni kukulwila yeni Avilahama, na Sala, kuje kwatunda naanga yeni. Omo njasanene Avilahama, kakele na vana vai, oloni njamuvezikisile nakumwana vana, njatumisile manene vatekulwila vendi.

Isaya 55:12

Mukatunda mu Mbambilone nakujolela, vakamitwamenena mu kwoloka kutunda mu nganda. Minkinda na malundu vikaimba ngwe vanu omo mwita, na miti lalo ikatambeka nakujolela ngwe vanu.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Yowano 5:21

Ngwe omo Ishe akasangula vatsi nakuvana mwonyo, ngecivene, mu ngila eyi lalo Mwana akana mwonyo kuli vaje ashaka.

Yowano 5:25

Mwa vushunga njimileka ngwange, simbu ilinakwija, co inete laja, omo vatsi vakaziva lijwi lya Muna Njambi, co voshe vaje valiziva vakayoya.

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Vilinga vya Miluwa 15:18

Mukemwo mwalinakwendeka Shukulu Kalunga, uje washolwele vyuma evi ku san̄ulu.’ ”

Loma 3:29

Nambe Njambi kuma wapwa Njambi wa vaYunda lika ndi? Kuma kapwile Njambi wa vaje kesi vaYunda lalo ndi? Mwa vushunga wapwa wa voshe.

Loma 4:18

Avilahama wakulaelele nakukala na cinyangavili, nameme omo kukwakele cuma cakumulingisa cinyangavili, co wapwile “cisemi ca miyati yaingi.” Ngwe muvyendeka visoneka ngwavyo, “Ngecivene, vatekulwila vove vakatuma manene ngwe vingongonosi.”

Loma 4:2

Omwo nga ikeye vamupwisile muka-vushunga ku mesho a Njambi a vyuma vije vyalingile, nga wapandele kulishasha, oloni kalishashele ku mesho a Njambi.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

Loma 9:11

Omo kanda vasemuke nambe omo kanda valinge vyavivwa nambe vyavivi, ngeci cizango ca Njambi cakwangula citwaleleleo, kesi omwo vilinga embwe, oloni omwo kusana kwendi

Loma 9:26

Co ku mutambela kuje kuvavalekele ngwavo, ‘Kesi mu vanu vange,’ co kuje vene vakavatumbula vana va Njambi wakuyoya.”

1 Kolinte 1:28

Ikeye waangwile vije vivashawile vaka-kaye nakuviyeluwisa nakuviyongola ngeci vinapu vyangoco, ngeci anyongese vije vivayongola vaka-kaye ngwavo vinapu vya vulemu.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

1 Timateo 6:13

Ku mesho a Njambi, uje muka-kwana mwonyo ku vyuma vyoshe na ku mesho a Kilistu Yesu, uje waanene vukaleo vwendi ku mesho Pontiyu Pilato, njikushika ngwange,

VaHevelu 11:12

Nambe ikeye wakuluvalele manene kuyehi na kutsa, kuli munalume ou umo, kwasemunwininine vatekulwila ngwe vingononosi vya mwilu naumo wai asa kuvilava ngwe vinona vya lishen̄avu lya ku ngenge ya mema a kalunga.

VaHevelu 11:3

Akukulaela, tunazivuka ngeci vyuma vyoshe Njambi wavitangele na lijwi, ngecivene, vije twasa kumona vavitangele ku vyuma vije kutwasa kumona.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.

2 Petulu 3:8

Oloni kesi mwivale cuma cimo vasamba vange vanjazema! Ku mesho a Mwene litangwa limo linapu ngwe myaka yakupwa 1,000, co myaka yakupwa 1,000 kuli ikeye inapu litangwa limo.