Loma 4:15 - Livulu lya Shukulu Kalunga

¹⁵ Omwo lishiko linena vukalu vwa Njambi, oloni nga kukwesi lishiko, co kukwesi kujeneka kwononoka lishiko.

Loma 4:15 Iomraidhean Croise

2 Vimyene 22:13

“Yeni mukanjihwileko kuli Shukulu Kalunga na vanu voshe va mu Yunda a vilongesa evi vili mu livulu eli livanawana. Shukulu Kalunga naluvala netu omwo vakukulwila vetu kuvasele kulinga vije vivasonekele mu livulu eli.”

Njelemiya 4:8

Ngecivene, zaleni vikeleya, co lileni nakumbolozoka omwo vukalu vwakukomokesa vwa Shukulu Kalunga, vuli ali Yunda.

Mbimbi 2:22

Yove walanyele vitozi vange ngwe ku litangwa lya ciwano, ngeci vanjizivise munjunju. Co naumo wai waputumukile a litangwa lya vukalu vwove. Vatsiile vana vange, vaje njalelele nakuvazema.

Ezekiyele 7:19

Vakombila ngolinde yavo na siliva mu vitapalo ngwe vishwashwa vyangoco, omwo siliva nambe ngolinde kuvyasa kuvaamena ku vukalu vwa Shukulu Kalunga. Kuvakavipangesa mukujawisa mashungu avo, nambe kushulisa mafu avo. Ngolinde na siliva vyavatwamenenene ku vuvi.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Kulava 32:14

Co yeni munengi mu mwela wa vaishweni, cisemwa caciha ca vanu vavavi vaje vashaka kunena vukalu vwa Shukulu Kalunga ali vanu va Isalele.

Yowano 15:22

Nga kunjezile nakwendeka kuli vakevo ngwe kuvakele na mulonga wa vuvi, oloni kuvasa kulyola malambi a vuvi vwavo.

Yowano 3:36

Woshe akulaela kuli Mwana ali na mwonyo wa myaka yoshe, woshe avyana Mwana kakala na mwonyo, oloni vukalu vukala ali ikeye.

Loma 1:17

Omwo muzimbu wauvwa usholola vati Njambi nalingisa vanu ngeci vapwe vaka-vushunga ku mesho endi, cinapu mukukulaela kutunda ku shongo nakweta ku mamaneselelo. Ngwe muvyendeka visoneka ngwavyo, “Munu uje ivanapwisa muka-vushunga ku mesho a Njambi akukulaela akayoya.”

Loma 5:13

Vuvi vwakele mu kaye simbu kanda vaane Lishiko, oloni kuje kukwesi lishiko, vuvi kuvavulava nalumo lwai.

1 Kolinte 15:56

Kutsa cilinakutambula nzili yaco ku vuvi, co vuvi vulinakutambula nzili yavwo ku Lishiko.

Ngalatiya 3:10

Omwo voshe vaje vanajendamena a Majwi Lishiko vali mwisi ya cisingo. Omwo visoneka vyendeka ngwavyo, “Woshe uje avyana kwononoka vyuma vyoshe vije vivanasoneka mu livulu lya Majwi a Lishiko ali mwisi ya cisingo ca Njambi!”

Ngalatiya 3:19

Ngecivene, Majwi a Lishiko apwile avikajo? Vawawezeleleleko omwo ya vuvi, noo akwija kwa mutekulwila wa Avilahama, muli ikeye muvalingilile cikulaeso. Majiw a Lishiko atundile kuli tungelo, munu wakele ngwe muka-kunungulula mukati kavo.

Efeso 5:6

Kesi mutave umo amikwise na majwi a makuli, omwo a vyuma evi vukalu vwa Njambi vukakala ali vaje vaka-kujeneka kumwononoka.

Kolose 3:6

Omwo a vyuma vya cifwa cangacije vukalu vwa Njambi vukashuluka ali vaje kuvesi kumwononoka.

1 Yowano 3:4

Woshe uje alinga vuvi ali na mulonga wakupokola lishiko lya Njambi, omwo vuvi vukevwo kupokola lishiko.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.