Loma 4:14 - Livulu lya Shukulu Kalunga

¹⁴ Omwo nga vije vyakulaesa Njambi vavyana kuli vaje vononoka Lishiko, co kukulaela kwa munu kupwa kwangoco, co cikulaeso ca Njambi cinapu cakujeneka seo.

Loma 4:14 Iomraidhean Croise

Myaso 119:126

Simbu yove yakupanga inete Shukulu Kalunga, omwo vanu kuvesi nakwononoka mashiko ove.

Isaya 55:11

Omu mukemwo muwapwa majwi ange, majwi ange kuwakeluka kuli yange, kujeneka kulinga vije njawatumine ngeci awalinge.

Njelemiya 19:7

Mu mutambela uje njikatanganesa matumbe oshe a vanu va mu Yunda na vanu va mu Yelusalema. Njikecela vitozi vavo kuvalyatangela nakuvatsiila mu nzita. Co njikana mivila yavo ku tuzila na ku tusitu kupwa vyakulya vyavo.

Kulava 30:12

Oloni nga munalume wendi amuvindika kushulisa cisingo omo navizivi laja, co kucapandele lalo uje munakazi acinyunge embwe. Co Shukulu Kalunga akamusambesaco, omwo munalume wendi namuvindika kunyunga cije cisingo cendi,

Kulava 30:15

Oloni nga munalume wendi alimbulula cije cisingo omo kuneti matangwa na matangwa, co ngongo yendi vavenya.”

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Loma 4:16

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

1 Kolinte 1:13

Kuma Kilistu vanamwangununa ndi mu mitambela! Kuma Paulu ikeye wamitsililile a cilindakano ndi? Kuma vamimbwitikile mu lizina lya Paulu ndi?

Ngalatiya 2:21

Kunjombwanesa kutetela kwa Njambi. Oloni nga munu vamupwisa muka-vushunga ku mesho a Njambi akunyunga Majwi a Lishiko, co cinalumbunuka ngeci Kilistu nevi vyatsililile vyai!

Ngalatiya 5:4

Vaje veni veseka kulipwisa vaka-vushunga ku mesho a Njambi akwononoka Mashiko vanavatukiya vakevo vavenya nakutunda kuli Kilistu. Munatundu ku kutetela kwa Njambi.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.

VaHevelu 7:28

Lishiko lya Mosesa linemika vanu vaje vakuzeya kupwa vaka-kukombelela vakama, oloni cikulaeso ca Njambi cije valingile na cisingo, cezile munima ya Lishiko, cinemika Mwana, uje vanapwisa muka-vushunga ku myaka yoshe.