Loma 3:8 - Livulu lya Shukulu Kalunga

⁸ Co vikajo kumwendeka ngweni, “Tulingeni vuvi ngeci vuvwa vusholoke?” Mwa vushunga, vanu vamo valinakunjishaula nakunjivangela ngwavo njinendeka cuma eci! Vakavahisa ngwe mucinapande.

Loma 3:8 Iomraidhean Croise

Njelemiya 40:16

Oloni Ngendaliya wamukumbulwile ngwendi, “Embwe, kesi utsiye Ishimela! Evi ulinakwendeka ali ikeye vinapu vya makuli!”

Mateo 5:11

“Munavezika omo vamishaula nakumiyandesa nakumivangela vya makuli vyeka na vyeka omwo yange.

Loma 5:20

Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

Loma 6:1

Ngecivene, vikajo twendeka? Tunapande kutwalelelao kuyoya mu vuvi ngeci kutetela kwa Njambi kutume ndi?

Loma 6:15

Vatijo twendeka? Tunapande kulinga vuvi, omwo kutwesi ku lishiko oloni tuli mu kutetela kwa Njambi ndi? Embwe kesi ngoco!

Loma 7:7

Ngecivene, tunapande kwendeke ngwetu Lishiko likelyo lyapwa vuvi ndi? Kesi ngoco embwe! Oloni lyapwile lishiko lije lyanjilingisile ngeci njizivuke vuvi. Nga Lishiko kulyendekele ngwalyo, “Kesi uliveyele cuma ca mukweni,” nga kunjazivukile lishungu eli.

2 Kolinte 11:15

Ngecivene, eci kesi cikeco cuma cakukomokesa nga vangamba va Liyavola valisholola vakevo vavenya ngwe vangamba va vushunga. Oloni akukotoka vakatambula fweto yavo ngwe ku vilinga vyavo.

2 Kolinte 6:8

Valinakutusingimika nakutwombwanesa, valinakutushaula nakutushangazala. Valinakutupangesa ngwe tu vaka-makuli, kuma yetu twendeka vushunga,

Yunda 1:4

Omwo vanu vamo vaka-kujeneka kukulaela vanakovela mu vushweke akati ketu, vanu vaje vaka-kutengulula lijwi a kutetela kwa Njambi ngeci valisambese vakevo vavenya mu mashungu avo amavi, co vanavyana Yesu Kilistu, Shukulu yetu na Mwene yetu. Ku san̄ulu Visoneka vyambulwile cihiso cije civanatambula.