Loma 3:4 - Livulu lya Shukulu Kalunga

⁴ Mwa vushunga vene embwe! Njambi napande kupwa wa vushunga, nameme vanu voshe vapwa vaka-makuli. Ngwe muvyendeka visoneka ngwavyo, “Unapande kusholoka muka-vushunga omo wendeka, unapande kuhyana mulonga wove omo vakusompa.”

Loma 3:4 Iomraidhean Croise

Yombi 36:3

Kuzivuka kwange cinatuvakana, njipangesa vije njizivuka, mukumwesa ngeci Njambi, Ishamatanga wange wapwa wa vushunga.

Yombi 40:8

Kuma yove ulinakweseka kunjiwanena mulonga ngeci yange njihye yove usambe ndi?

Myaso 100:5

Omwo Shukulu Kalunga wapwa wamuvwa, na cizemo cendi cije kucesi kutenguluka cakala ku myaka yoshe, na kulongwa kwendi lalo kwakala ku myaka yoshe.

Myaso 116:11

Nameme omo njakele na lyova, njendekele ngwange, “Naumo wai njasa kukulaela.”

Myaso 119:160

Majwi ove oshe apwa a vushunga, mashiko ove oshe apwa a vushunga ku myaka yoshe.

Myaso 138:2

Njikalemesa ku Njuvo yove yakujela, nakushangazala lizina lyove, omwo cizemo cove cije kucesi kutenguluka na kulongwa kwove, omwo unaalesa mashiko ove, kutuvakana lizina lyove.

Myaso 51:4

Njinavulumuna kuli yove, kuli yove lika njinavulumuna, co njinalingi vyavivi ku mesho ove. Ngeci yove ushungamese omo unjisompa nakwendeka ngeci njili na mulonga.

Myaso 62:9

Vanu voshe vanapu ngwe muku, naumo wai napu wa seo. Kuvapeselesa voshe kuvesi na vulemu, vanapu vavehu ngwe muku.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Mateo 11:19

Omo Muna Munu wezile, ikeye walile nakunwa, co vanu vendekele ngwavo, ‘Kengeni ou munalume! Watsa akulya na akunwa vinyu, musamba wa vaka-kutambula lisimu na vaka-vuvi!’ Oloni mana a Njambi anasholoka kupwa a vushunga a vilinga vyawo.”

Luka 20:16

Akaija nakutsiya vaje vanu nakwana cije citungu ku vaka-kupanga veka.” Co omo vanu vazivile evi, vendekele ngwavo, “Mwa vushunga vene kesi ngoco embwe!”

Yowano 3:33

Oloni woshe atambula muzimbu wendi amwesa ngeci Njambi wapwa muka-vushunga.

Loma 11:1

Njihula ngwange, kuma Njambi navyana vanu vendi ndi? Embwe kesi ngoco! Yange vene njapwa kaIsalele, mutekulwila wa Avilahama, njapwa wa ku muyati wa Mbenjemani.

Loma 11:11

Ngecivene, njihula ngwange, omo vaYunda vatanukile, kuma vawile nakunyonga ndi? Embwe kesi ngoco! Omwo valingile vuvi, kwamena kunaija kuli vaje kesi vaYunda, ngeci vaYunda vazivile lifuwa vaje kesi vaYunda.

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Loma 6:15

Vatijo twendeka? Tunapande kulinga vuvi, omwo kutwesi ku lishiko oloni tuli mu kutetela kwa Njambi ndi? Embwe kesi ngoco!

Loma 6:2

Embwe kesi ngoco! Tunatsi ku vuvi, co vatijo twasa kuyoyelamo?

Loma 7:13

Oloni kuma eci calumbunuka ngeci cije cacivwa cikeco canenele kutsa kuli yange ndi? Kesi ngoco embwe! Eci calingiwile omwo vuvi, akupangesa cije cacivwa, vuvi vwanenele kutsa kuli yange, ngeci cifwa cavwo cisholoke ngeci mwa vushunga vunapu vuvi. Co mu ngila yakushika oku vuvi vunasholoka kupwa vwavuvi manene.

Loma 7:7

Ngecivene, tunapande kwendeke ngwetu Lishiko likelyo lyapwa vuvi ndi? Kesi ngoco embwe! Oloni lyapwile lishiko lije lyanjilingisile ngeci njizivuke vuvi. Nga Lishiko kulyendekele ngwalyo, “Kesi uliveyele cuma ca mukweni,” nga kunjazivukile lishungu eli.

Loma 9:14

Vikajo twendeka? Kuma Njambi kesi muka-vushunga ndi? Embwe, kesi ngoco.

1 Kolinte 6:15

Mwazivuka ngweni mivila yeni inapu vilyo vya Kilistu. Kuma njasa kutundisa cilyo cimo ca muvila wa Kilistu nakucipwisa cilyo ca cikwizi ndi? Embwe kucitava!

2 Kolinte 1:18

Oloni Njambi wapwa muka-vushunga, majwi etu kuli yeni kuwapwile, “Eyo” nambe “Embwe.”

Ngalatiya 2:17

Oloni omo tushaka ngeci vatupwise vaka-vushunga ku mesho a Njambi muli Kilistu, co vanatuwana tunapu vaka-vuvi, ngwe vaje kesi vaYunda, kuma eci cinunguluka ngeci Kilistu alinakupangela nsina ya vuvi ndi? Embwe!

Ngalatiya 2:21

Kunjombwanesa kutetela kwa Njambi. Oloni nga munu vamupwisa muka-vushunga ku mesho a Njambi akunyunga Majwi a Lishiko, co cinalumbunuka ngeci Kilistu nevi vyatsililile vyai!

Ngalatiya 6:14

Ngwe ali yange, nameme ngoco, yange njikalyalesa lika a cilindakano ca Mwene yetu Yesu Kilistu, omwo a cilindakano cendi kaye kanatsi kuli yange, co yange lalo njinatsi ku kaye.

Kwituluka mu Mashiko 32:4

“Shukulu Kalunga ikeye cimpaka ceni ca nzili wakulambasa na kwoloka mu vingila vyendi vyoshe. Njambi yeni wapwa wa kulongwa na vushunga, akalingi mwamuvwa nakushungama.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

1 Yowano 5:10

Ngecivene, voshe vaje vanakulaela ali Muna Njambi vali na vukaleo ovu mu vimbunge vyavo, oloni voshe vaje kuvakulaelele Njambi, vanamupwisa ikeye muka-makuli, omwo vakevo kuvakulaelele vukaleo vuje vwendekele Njambi ali Munendi.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Kujombolola 3:7

“Kuli kangelo wa ku cikungulukilo ca mu Filandelufiya soneka ngwove, “Eli likelyo lijwi lyatundu kuli umo uje wakujela na vushunga. Nakwata sapi ije yakundamene kuli Ndaviti, co omo ashokolola lipito, naumo wai asa kulishoka, co omo alishoka, naumo wai asa kulishokolola.