Loma 3:20 - Livulu lya Shukulu Kalunga

²⁰ Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Loma 3:20 Iomraidhean Croise

Yombi 15:15

Kenga, Njambi kakulaelele tungelo twendi vakujela, na melu kapwile akujela ku mesho endi.

Myaso 130:3

Nga yove Shukulu Kalunga ukalava milonga yetu, co iyajo akovoka?

Myaso 143:2

Kesi usompese yange ngamba yove, omwo kukwesi umo wa kulongwa kuli yove.

Vilinga vya Miluwa 13:39

Co munapande kuzivuka ngeci woshe uje akulaela kuli ikeye napatuka ku vivi vyoshe kuje Lishiko lya Mosesa kulyasele kumipatuka.

Loma 2:13

Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko.

Loma 3:28

Omwo twayongola ngeci munu vamupwisa muka-vushunga ku mesho a Njambi akukulaela lika, kesi ku vilinga vya majwi a Lishiko.

Loma 4:13

Omo Njambi wakulaesele Avilahama na vatekulwila vendi ngeci vakashwana kaye, walingile eci, kesi ngwe omo Avilahama wononokele Lishiko embwe, oloni omo wakulaelele, co Njambi wamulaveleleco kupwa muka-vushunga.

Loma 4:15

Omwo lishiko linena vukalu vwa Njambi, oloni nga kukwesi lishiko, co kukwesi kujeneka kwononoka lishiko.

Loma 5:13

Vuvi vwakele mu kaye simbu kanda vaane Lishiko, oloni kuje kukwesi lishiko, vuvi kuvavulava nalumo lwai.

Loma 5:20

Lishiko lyasholokele ngeci vilinga vya kupenga-penga vitume, oloni kuje vuvi vwatumine, kutetela kwa Njambi kwatumine manene.

Loma 7:11

Omwo vuvi vwawanene mwela, co vuvi vwanjikwisile nakunjitsiya.

Loma 9:32

Omwo vikajo? Omwo kuvajendamenene akukulaela oloni vajendamenene a vije vivalingile. Co vatanukile a “limanya lyakutanukisa”

1 Kolinte 15:56

Kutsa cilinakutambula nzili yaco ku vuvi, co vuvi vulinakutambula nzili yavwo ku Lishiko.

Ngalatiya 2:16

Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Ngalatiya 2:19

Omwo njatsile ku Majwi a Lishiko ngeci njiyoye muli Njambi.

Ngalatiya 5:4

Vaje veni veseka kulipwisa vaka-vushunga ku mesho a Njambi akwononoka Mashiko vanavatukiya vakevo vavenya nakutunda kuli Kilistu. Munatundu ku kutetela kwa Njambi.

VaHevelu 7:19

Omwo Lishiko lya Mosesa kulyasele kupanga cuma cacivwa. Co ololo tuli na cinyangavili cacivwa cije vanatunenelaco a cikeco twasa kushwenya kuyehi na Njambi.