Loma 2:5 - Livulu lya Shukulu Kalunga

⁵ Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 2:5 Iomraidhean Croise

2 Mizimbu 30:8

Kesi mukaluwise vimbunge vyeni ngwe muvalingile vakukulwila veni, oloni ononokeni Shukulu Kalunga, ijeni ku Njuvo yendi mu Yelusalema, ije yanajelesa Shukulu Kalunga Njambi yeni ku myaka yoshe, co mulemeseni ngeci vukalu vwendi vumitunde.

2 Mizimbu 36:13

Zendekiya watengulukilile Mwene Nevukaneza nakumulwisa, uje wamusindiiye alisinge mu lizina lya Njambi ngeci akapwe wa kulongwa. Oloni katavele, co welukile kuli Shukulu Kalunga, Njambi ya Isalele.

Yombi 21:30

A litangwa lyakuluvala kwa Njambi nakuhisa, vaka-vuvi vakevo vakasalao.

Myaso 110:5

Shukulu Kalunga ali ku livoko lyove lya cilyo, akafungulula vimyene a litangwa lya vukalu vwendi nakuvatsena tsenu-tsenu.

Myaso 95:8

“Kesi mukaluwise vimbunge vyeni, ngwe muje muvalingile vakukulwila veni ku Meliva, ngwe muje muvalingile a litangwa lije ku Masa mu mambo.

Kutuuka 14:17

Njikakaluwisa vimbunge vya vaka-Ingito ngeci vakavakave munima, co njikawana kasingimiko akuhyana kwange ali mwene, na mashwalale vendi, na makalu endi, na vaka-kuwendesa vendi.

Kutuuka 32:34

Ololo iluka, ukatwamenene vanu nakuvatwala ku mwela uje unjakulekele. Kenga, kangelo kange ikeye akakutwamenena, oloni simbu ikaija omo yange njikanyanyamesa vanu ava a vuvi vwavo.”

Kutuuka 8:15

Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.

Visimo 1:18

Oloni vanu vakufwa ngacije valinakulitela mweto vakevo vavenya, mweto muje muvakatsa vakevo vavenya.

Visimo 11:4

Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Visimo 28:14

Navezika munu uje akomoka Shukulu Kalunga simbu yoshe, oloni uje akaluwisa mbunge yendi akakala mu tuyando.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Muka-kwambulula 12:14

Njambi akasompa vyuma vyoshe vije tulinakulinga, nambe vyavivwa, nambe vyavivi, nameme vene vyuma vije vyakulingila mu vushweke.

Isaya 48:4

Njazivukile ngwange yeni mwapwa vanu vavakalu, vanu va vimbunge vyakukola ngwe vutale.

Njelemiya 40:3

ngecivene, ololo nalingi vije vyendekele ngwendi akavilinga. Vyoshe evi vinalingiwa, omwo vanu valingile vuvi ku mesho a Shukulu Kalunga, kuvamwononokele.

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 3:7

Oloni vanu va Isalele kuvakakutolilila, nameme yange kuvakanjitolilila. Voshe vapwa vanu vakukaluwa vimbunge na kaleulwizi.

Ndanyele 5:20

Oloni omo walyalesele nakukaluwisa mbunge, nakupwa wa muuka, co vamutundisile a litanda lyendi lya vumwene na kasingimiko kendi kahwile.

Hoziya 13:12

“Vuvi vwa Isalele na mulonga wendi vili mu mukanda, co mukanda ou vanautulika mwamuvwa.

Amose 3:10

Shukulu Kalunga alinakwendeka ngwendi, “Vanu ava vanashulisa vinjuvo vyavo na vyuma vanawana mu vingila vya muuka na vwizi. Vakevo kuvazivuka kulinga vushunga.

Loma 1:18

Omwo vukalu vwa Njambi vunasholoka kutunda mwilu omwo a vuvi naa vilinga vya kupenga-penga vyoshe vya vanu vaje vilinga vyavo vyavivi vivindika vushunga ngeci kesi vavuzivuke.

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 9:22

Co eci cinapu ca vushunga a vije vyanalingi Njambi. Njambi washakele kumwesa vukalu vwendi nakusholola nzili yendi. Oloni wasimpile nakuyanda ali vaje wakengele na vukalu, vaje wapandele kunyongesa.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Kwituluka mu Mashiko 2:30

“Oloni Mwene Sihone wa ku Heshevone katutavesele kwita mu lifuti lyendi embwe, omwo Shukulu Kalunga Njambi yeni wakaluwisile mbunge yendi, ngeci amukundike mu mavoko eni ngwe mucinapu lelo.

Kwituluka mu Mashiko 32:34

“Shukulu Kalunga alinakwanuka vije vivalingile vitozi vavo. Ikeye navandamena simbu yakuvahisa.

2 Tesalonika 1:5

Eci cinapu vukaleo ngeci kusompa kwa Njambi kukekwo kwa vushunga, co mukemuka va seo mu Vumwene vwendi, vuje vumulinakuyandela.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

VaHevelu 3:15

Visoneka vinendeka ngwavyo, “Lelo vene nga muziva lijwi lya Njambi, kesi mukaluwise vimbunge vyeni ngwe muvalingile vakukulwila veni omo vatengulukilile Njambi.”

VaHevelu 4:7

Ngecivene, cinasholoka ngeci Njambi nemika litangwa likwavo, eli vanatumbula ngwavo “Lelo.” Myaka yaingi kunima wendekele a litangwa eli kuli Ndaviti mu visoneka tunalava akamwa, ngwendi, “Lelo vene nga muziva lijwi lya Njambi, kesi mukaluwise vimbunge vyeni.”

Yakomba 5:3

Ngolinde yeni na siliva yeni vinaliwa ku n̄alawe, n̄alawe eyi ikapwa vukaleo kuli yeni, co vikalya situ yeni ngwe tuhya. Yeni munalilundikila vufuko mu matangwa ano akumanesela.

Yoshwa 11:20

omwo Shukulu Kalunga wakaluwisile vimbunge vyavo vyakulwisa vaIsalele, ngeci vavanyongese nakuvahisa na cihiso cakama nakujeneka kuvazivilako mema ku mbunge, ngwe muje mwashikile Shukulu Kalunga kuli Mosesa.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.

Yunda 1:6

Anukeni tungelo vaje kuvanyungile myela yavo na moko yavo, oloni vasezele mwela wavo, vanavakutiiya na malyenge a myaka yoshe mu lisusulungu lya kwisi, kuje kwanavanyungila Njasmbi noo ku Litangwa lije lyakama omo vakavahisa.

Kujombolola 2:21

Njinamwana simbu ngeci atenguluke ku vivi vyendi, oloni ikeye kashaka kutenguluka ku vupangala vwendi.

Kujombolola 6:17

Omwo litangwa lyakama lya vukalu vwavo linete, co iyajo asa kwimana?”

1 Samwele 6:6

Omwo vikajo mulinakukaluwisila vimbunge vyeni, ngwe mwalingile mwene wa Ingito na vaka-Ingito? Kesi mwivale muje Njambi mwavapwisile vilema noo vecelele vaIsalele kutunda mu Ingito.