Loma 2:4 - Livulu lya Shukulu Kalunga

⁴ Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Loma 2:4 Iomraidhean Croise

Myaso 10:11

Muka-vuvi endeka mu mbunge yendi ngwendi, “Njambi nevala, nakenge kweka, co kasa kunjimona!”

Myaso 104:24

Yove Shukulu Kalunga unatanga vyuma vyavingi! Wavitangele vyoshe na mana ove! Kaye kanashulu na vije viwatangele.

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Myaso 78:38

Oloni Njambi wapwile muka-mema ku mbunge ku vanu vendi, wavasambesele kukuvulumuna kwavo, co kavanyongesele embwe. Visimbu vyoshe watutumwisile ku vukalu vwendi, co kavumwesele embwe.

Myaso 86:15

Oloni yove Shukulu Kalunga u muka-kuzivila mema ku mbunge wapwa u Njambi wa ngozi na cizemo, kuwesi kuluvala vwasi, washula na cizemo cije kucesi kutenguluka, u Njambi wa vushunga.

Myaso 86:5

Omwo yove Shukulu Kalunga wapwa uwamuvwa kuli yetu u muka-kusambesa, washula na cizemo cije kucesi kutenguluka kuli voshe vaje valombela kuli yove.

Kutuuka 34:6

Asinoni Shukulu Kalunga wetile kulutwe lwendi, co walitumbwile lizina lyendi ngwendi, “Yange Kalunga, njapwa Njambi uje washula na kutetela na mema ku mbunge, uje kesi kuluvala vwasi, muka-kulongwa na muka-kumwesa cizemo cije kucesi kutenguluka.

Muka-kwambulula 8:11

Omwo vikajo vanu vakalingi milonga yaingi? Omwo kuvesi kuhisa milonga vwasi.

Isaya 30:18

Ngecivene, Shukulu Kalunga namivandamena ngeci amizivileko mema ku mbunge. Ikeye alinakumizivila ngozi omwo simbu yoshe akalingi vya vushunga. Vanavezika vaje vakulaela muli Shukulu Kalunga.”

Njelemiya 7:10

Mulinakulinga vyuma vije vinjazinda, co mwija nakwimana ku mesho ange mu Njuvo yange, nakwendeka ngweni, ‘Tunovoka!’

Ezekiyele 11:19

Njikavana vimbunge vyaviha na mana amaha. Njikatundisa vimbunge vyavo vyakukola ngwe mamanya, co njikavana vimbunge vyakwononoka.

Ezekiyele 16:63

Njikasambesa kupenga-penga kwove kwoshe kuwalingile, oloni ukavyanuka, co ukakala na shwamwa manene yakuvyendeka na kanwa kove.” Mwanendeka Shukulu Kalunga wa Akamwa ya Vyoshe.

Hoziya 3:5

Oloni simbu ikaija omo vanu va mu Isalele vakeluka lalo kuli Shukulu Kalunga Njambi yavo, na kuli mutekulwila wa Ndaviti mwene yavo. Co vakakomoka Shukulu Kalunga, co vakatambula vivezikiso vyendi vyavivwa.

Yona 4:2

Co walombelele kuli Shukulu Kalunga ngwendi, “Yove Shukulu Kalunga, kuma omu kesi mukemwo munjendekele omo njakele kwimbo lyetu? Evi vikevyo vinjatewelele vwasi-vwasi ku Tashishi! Omwo njazivukile ngeci yove wapwa u Njambi wa ngozi na mema ku mbunge, kuwesi kuluvala vwasi, visimbu vyoshe u muka-kutetela na cizemo cije kucesi kutenguluka, simbu yoshe watava kutengulula viyongola vyove kujeneka kunyanyamesa.

Kulava 14:18

‘Yange Kalunga kunjesi kuluvala vwasi embwe. Njashula na cizemo cije kucesi kutenguluka nakusambesa vuvi vwavo nakutengulukila kwavo. Oloni kunjikonwa kunyanyamesa vana na vatekulwila a vuvi vwa vaishavo ku cisemwa camucitatu neci camuciwana.’

Loma 10:12

Omwo eci cinendeka a vanu voshe, omwo kukwesi kwangula akati ka vaYunda na vaje kesi vaYunda, Njambi napu umo Shukulu Kalunga wa voshe, ikeye akavezikisa voshe vaje vatambeka kuli ikeye.

Loma 11:22

Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

Loma 11:33

Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Loma 3:25

Njambi wamupwisile n̄ombelo, ngeci a n̄ombelo ya kutsa kwendi akapwe ciingo cakusambesa vuvi vwa vanu akukulaela kwavo kuli ikeye. Njambi walingile cuma eci mukumwesa ngeci napu muka-vushunga. Ku san̄ulu Njambi wasimpile, co kombileko mbunge ku vuvi vwa vanu,

Loma 6:1

Ngecivene, vikajo twendeka? Tunapande kutwalelelao kuyoya mu vuvi ngeci kutetela kwa Njambi kutume ndi?

Loma 6:15

Vatijo twendeka? Tunapande kulinga vuvi, omwo kutwesi ku lishiko oloni tuli mu kutetela kwa Njambi ndi? Embwe kesi ngoco!

2 Kolinte 8:2

Vakevo visimbu vyavingi vanaveseka mu tuyando twatungi, oloni kujolela kwavo kwakama manene ngeci vakevo valambwile manene-nene, nambe vapwile vaka-kuutwa.

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Efeso 2:4

Oloni Njambi wapwa muka-mema ku mbunge, co na cizemo cendi kuli yetu capwa cakama manene

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Filipu 4:19

Co Njambi yange akamyana vyuma vyoshe vije mushaka ngwe kukujeneka kweni muli Kilistu Yesu.

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

1 Timateo 1:16

Oloni Njambi wanjizivilileko mema ku mbunge ngeci Kilistu Yesu anjimwese kushula kwa lukakateya lwendi ali yange, muka-kulinga vuvi kutuvakana voshe vaka-vuvi, ngeci njipwe cimweso kuli voshe vaje vakamukulaela munima vakawane mwonyo wa myaka yoshe.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Petulu 3:20

Eyi ikeyo minzinzime ya vaje vavyanene kwononoka Njambi omo wavandamenene na lukakateya a matangwa aje Nowa washongele vwato. Vanu vavandondo vaje vakele mu vwato, vapwile vatanu na vatatu, vakevo vovokele ku mema,

2 Petulu 1:11

Mu ngila eyi vene, vakamyana moko yakukovela mu Vumwene vwa Mwene yetu na Muyoyesi wetu Yesu Kilistu vuje vya myaka yoshe.

2 Petulu 3:15

Kengeni ku lukakateya lwa Mwene yetu ngwe ku simbu yanamyana ngeci mukovoke, ngwe muje mwamisonekelele Paulu musamba wetu itwazema, mukupangesa mana aje amwanene Njambi.

2 Petulu 3:3

Akulivanga, munapande kuzivisia cuma eci, ngweni a matangwa akukotoka kukasholoka vanu vaje vakayoya yoyesi yakwenda mu mashungu avo amavi. Vakamishendumuna,

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.

Kujombolola 2:21

Njinamwana simbu ngeci atenguluke ku vivi vyendi, oloni ikeye kashaka kutenguluka ku vupangala vwendi.

Kujombolola 3:20

Tolilila! Njinemana ku lipito nakutota, nga umo aziva lijwi lyange nakushokolola lipito, njikakovela mu njuvo yendi nakulya amo nendi, na ikeye lalo akalya amo nange.