Loma 2:3 - Livulu lya Shukulu Kalunga

³ Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi?

Loma 2:3 Iomraidhean Croise

2 Samwele 10:3

vantwama va vaAmoni vendekele kuli mwene ngwavo, “Kuma wayongola ngwove cinapu kasingimiko kuli isho omo Ndaviti natumu vanu vendi kuli yove nakukulilisa ndi? Kesi ngoco embwe! Navatumu kuno nakunenga nakwilula nganda, ngeci akatufungulule!”

Yombi 35:2

“Yombi kesi mwamuvwa kuli yove kwendeka ngwove yove unapu u wa kulongwa ku mesho a Njambi,

Myaso 50:21

Vyuma vije vyoshe viwunalingi, yange njolokele kuluu, yove wayongwele ngeci yange njafwa ngwe yove. Oloni njikakwendekela nakukunungulwilavyo citona-mesho.

Myaso 56:7

Vahise omwo a vuvi vwavo yove Njambi, fungulula vanu na vukalu vwove!

Visimo 11:21

Zivukeni ngeci vaka-vuvi vakavahisa, oloni vaka-vushunga vakovoka.

Visimo 16:5

Shukulu Kalunga wazinda munu woshe uje muka-kulyalesa, mwa vushunga vene akavahisa.

Ezekiyele 17:15

Oloni mwene wa mu Yunda watengulukilile Mbambilone, co watumine tutumwa twendi ku Ingito kukashaka tuvalu, na mbunga ya mashwalale yakama. Kuma asa kuhyana ndi? Kuma asa kupatuka akulinga ngacije ndi? Kasa kupokola cikumiiyo kujeneka kumunyanyamesa!

Ezekiyele 17:18

Wapokwele cikumiiyo cendi na lizivasano lije lyalingile. Walingile vyuma vyoshe evi, co ololo kasa kuputumuka embwe.”

Ndanyele 10:19

Co wendekele lalo ngwendi, “Njambi wakuzema, ngecivene, cuma cimo kesi cikupese nambe kukuzivisa lyova embwe.” Omo wendekele evi, njazivile nzili yakama manene, co njendekele ngwange, “Shukulu, njileke viwushaka kwendeka. Ololo njili na nzili oni.”

Mateo 23:33

Eni manyoka na vana va manyoka! Vatijo mutewa kusompa kwakuya ku tuhya twa myaka yoshe?

Mateo 26:53

Kuma kuuzivuka ngeci yange njasa kulomba Tate ngeci anjikwase? Co vwasi-vwasi asa kunjitumina vimbunga vya mashwalale va tungelo likumi na vivali ndi?

Luka 12:14

Yesu wamukumbulwile ngwendi, “Musamba wange, iyajo nanjipwisa muka-kusompa nambe muka-kumipangela vufuko akati keni?”

Luka 22:58

Omo kwetile kasimbu kakandondo munalume weka lalo wamwene Petulu, co wendekele ngwendi, “Nove lalo uumo wavo!” Oloni Petulu wakumbulwile ngwendi, “Embwe, kesi yange!”

Luka 22:60

Oloni Petulu wamukumbulwile ngwendi, “Ove munalum yange kunjizivuka evi ulinakwendeka!” Co aje vene, omo wakele nakwendeka, ndemba watambekele.

Loma 1:32

Vazivuka ngeci lishiko lya Njambi lyendeka ngwalyo vanu vaje vayoya mu ngila eyi vanapande kutsa. Kesi vyuma evi lika vivalinakulinga embwe, oloni valizivasana na vaje valinakuvilinga.

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Loma 2:2

Twazivuka ngeci Njambi wapwa wa vushunga omo ahisa vanu vaje vakalingi vyuma ngwe evi.

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

VaHevelu 12:25

Ngecivene, nyanyameni kesi mukanangane uje alinakwendeka kuli yeni. Vaje vavyanene kumutolilila uje wendekele majwi a Njambi ano asi kavasele kuputumuka, co yetu tukaputumuka vati, nga tukengesa nima kuli ou alinakwendeka mwilu?

VaHevelu 2:3

Ngecivene, vatijo tukaputumuka ku vyuma evi nga kutwakele vimbunge vyetu ku kwovoka kwakama kwa ngacije? Akulivanga Mwene ikeye wambulwile kwovoka oku, co vaje vazivileko vasholwele kuli yetu ngeci vukaleo ovu vunapu vwa vushunga.