Loma 2:25 - Livulu lya Shukulu Kalunga

²⁵ Nga mwononoka Lishiko lya Njambi, kutuuka kweni kuli na seo, oloni nga kumwononoka Lishiko, mwamuvwa nga kumwatuukile.

Loma 2:25 Iomraidhean Croise

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Vilinga vya Miluwa 7:51

“Setefano wendekele kuli vakevo ngwendi, ‘Yeni vanu vakukaluwa! Yeni vanu va vimbunge vyakujeneka kukulaela, matwi eni anashoko ku lijwi lya Njambi! Yeni lalo mulinakuvyana Munzinzime Wakujela ngwe muvalingile vakukulwila veni.

Loma 2:13

Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko.

Loma 2:23

Ukalishasha a Lishiko lya Njambi, oloni kuwesi kuzivisa Njambi shwamwa omo upokola lishiko lyendi ndi?

Loma 2:26

Nga uje kesi kaYunda, uje katuukile, ononoka vije Lishiko lilinakushika, kuma Njambi kakamunyungu ngwe muka-kutuuka ndi?

Loma 2:27

Co yeni vaYunda vakamihisa kuli vaje kesi vaYunda omwo mukapokola Lishiko, nameme vene vanamisonekelalyo, co yeni mwatuuka, oloni vakevo valinakwononoka Lishiko, nambe kuvatuukile ku cisemwa.

Loma 2:28

A vyoshe evi, iya kaYunda wa vushunga, wakutuuka mwa vushunga? Kesi munu uje ikeye kaYunda anja lika embwe, uje kutuuka kwendi kunapu kwa muvila lika.

1 Kolinte 7:19

Omwo kutuuka nambe kujeneka kutuuka kucilingi cimo, cuma cakama kwononoka mashiko a Njambi.

Ngalatiya 6:13

Nameme vaje vatuuka kuvesi nakwononoka Lishiko, vashaka yeni mutuuke ngeci valyalese ngeci ngwavo yeni mwatava ku cilika eci ca cisemwa.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.