Loma 2:17 - Livulu lya Shukulu Kalunga

¹⁷ Oloni vati yove? Ulinakulitumbula yove vavenya ngwove nji kaYunda, wajendamena a Lishiko nakulishashela ali Njambi,

Loma 2:17 Iomraidhean Croise

Myaso 135:4

Omwo Shukulu Kalunga waangwile Yakomba, kupwa wendi, waangwile lalo vanu va Isalele kupwa vufuko vwendi.

Isaya 45:25

Yange Kalunga, njikapatula vatekulwila voshe va Yakomba, co vakanjishangazala.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Mateo 3:9

Kesi mulyendekese mu vimbunge vyeni ngweni muli na kukulwila yeni Avilahama. Mwa vushunga njimileka ngwange Njambi asa kutengulula mamanya awa nakuwapwisa vatekulwila va Avilahama!

Luka 10:28

Yesu wakumbulwile ngwendi, “Unendeka mwamuvwa, linga ngeci, co ukayoya.”

Yowano 5:39

Mulinakulilongesa Visoneka, omwo muyongola ngweni mu vikevyo muwanamo mwonyo wa myaka yoshe. Co visoneka evi vyambulula vukaleo vwange!

Yowano 5:45

Kesi muyongole ngweni njikamivangeya kuli Tate embwe. Mosesa vene uje imunakulaela ikeye akamivangeya.

Yowano 7:19

Kuma kesi Mosesa wamyanene Lishiko ndi? Oloni na umo wai akati keni ononoka Lishiko eli. Omwo vikajo mushaka kunjitsiya?”

Yowano 8:33

Vamukumbulwile ngwavo, “Yetu tu vatekulwila va Avilahama, kanda tupwe tu vindungo va munu umo embwe. Vika ulumbununa akwendeka ngwove, ‘Vakamipatula’?”

Yowano 8:41

Yeni mulinakulinga vije vyalingile ishweni.” Vakumbulwile ngwavo, “Njambi lika ikeye Tatetu, yetu tu vana vendi va vushunga.”

Loma 2:23

Ukalishasha a Lishiko lya Njambi, oloni kuwesi kuzivisa Njambi shwamwa omo upokola lishiko lyendi ndi?

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

Loma 9:32

Omwo vikajo? Omwo kuvajendamenene akukulaela oloni vajendamenene a vije vivalingile. Co vatanukile a “limanya lyakutanukisa”

2 Kolinte 11:22

Vakevo vanapu vaHevelu ndi? Co nange lalo munjinapu. Vanapu vaIsalele? Nange lalo munjinapu. Vanapu vaka-naanga ya Avilahama ndi? Nange lalo munjinapu.

Ngalatiya 2:15

Mwa vushunga, yetu tunapu tu vaYunda ku cisemwa kesi yetu “vaje kesi vaYunda vaka-vuvi,” ngwe muvali nakuvatumbula.

Efeso 2:11

Yeni kesi mu vaYunda ku cisemwa, vaje vatumbula ngwavo “vaka-kujeneka kutuuka” ngwe ku futisi ya vaYunda, vaje valitumbula ngwavo vaka-kutuuka (eci cilinakwinika vanu vivalinakulinga ku mivila yavo), anukeni vati mwafwile mu simbu yalaja.

Kujombolola 2:9

Njinazivuka tuyando twove, njinazivuka ngeci yove unapu kautu, oloni mwa vushunga unapu muka-kufuka! Njinazivuka kushaula kuje valinakukushaula vaje valitumbula ngwavo vanapu vaYunda oloni kesi vakevo embwe, vakevo vapwa vaka-munga yakundama kuli Satana!

Kujombolola 3:1

“Kuli kangelo wa ku cikungulukilo ca mu Salendisiya soneka ngwove, “Eli likelyo lijwi lyatundu kuli uje ali na minzinzime ya Njambi itanu na ivali na vingongonosi vitanu na vivali. Njinazivuka vije viwulinakulinga, njinazivuka ngeci uli na lizina ngeci ulinakuyoya, nameme ngoco unatsi laja.

Kujombolola 3:9

Tolilila! Ngwe ku munga ije yakundama kuli Satana, vaka-makuli vaje valitumbula vakevo vavenya ngwavo vanapu vaYunda oloni kesi vakevo embwe, njikavalingisa ngeci vakaije kuli yove nakukulama ku myanja yove. Voshe vakazivuka ngeci kuma njakuzema.