Loma 2:16 - Livulu lya Shukulu Kalunga

¹⁶ Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

Loma 2:16 Iomraidhean Croise

Kushangumuka 18:25

Kuukasa kunyongesa vaka-vushunga amolika na vanu vaka-vuvi. Omwo ni kucitava! Kuukasa kulinga ngacije embwe! Nga cikafwa ngacije, vaka-vushunga vakavasompe ngwe vaka-vuvi. Nga ngoconi, co cacikalu. Yove u muka-kusompa wa ano asi oshe, co ukalingi mwa vushunga.”

Myaso 50:6

Melu asholola vushunga vwa Njambi, omwo Njambi vavenya wapwa lyaako!

Myaso 96:13

ku mesho a Shukulu Kalunga, omwo aija nakusompa vanu voshe vali ano asi. Akasompa kaye na vanu mu vushunga.

Myaso 98:9

omwo akaija nakusompa vanu voshe vali ano asi. Shukulu Kalunga akashwana vanu voshe vali ano asi mu vushunga.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Muka-kwambulula 12:14

Njambi akasompa vyuma vyoshe vije tulinakulinga, nambe vyavivwa, nambe vyavivi, nameme vene vyuma vije vyakulingila mu vushweke.

Muka-kwambulula 3:17

Njalyendekesele mu mbunge yange ngwange, “Njambi asompa vaka-vushunga na vaka-vuvi mumolika, omwo vyuma vyoshe na vilinga vyoshe, vikalingiwa a simbu yavyo ivavimikila.”

Mateo 16:27

Omwo Muna Munu akaija mu vumpau vwa Ishe amo na tungelo twendi, co asinoni akana kuli munu na munu fweto yendi kupwisa ngwe ku vipangi vyendi.

Luka 8:17

“Cuma coshe cakushweka kuvanga cisholoke, na cuma coshe cakufwika kuvanga vaciwane nakucifukula.

Yowano 12:48

Woshe anjivyana, co katambula majwi ange, kwali umo uje akamusompa. Majwi aje njinendeka akewo akapwa lyaako lyendi a litangwa lyakukotoka!

Vilinga vya Miluwa 10:42

Co watushikile ngeci twambulule lijwi kuli vanu nakwambulula vukaleo ngeci ikeye napu uje vene yavwavesele Njambi kupwa lyaako lya vaka-kuyoya na vatsi.

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Loma 16:25

Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 2:5

Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka.

Loma 3:6

Kesi ngoco embwe! Nga Njambi kesi muka-vushunga, vatijo asompa vaka-kaye?

1 Kolinte 15:1

Co ololo njishaka kumyanukisa, vavusamba vange, a Vin̄anda Vyavivwa vije njambulwile kuli yeni, vije mwatambwile, a vikevyo kukulaela kweni kunemanao mbe.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.

Ngalatiya 1:11

Njilinakumileka, vakwetu ngwange, muzimbu njilinakwambulula kuwapwile wakutunda kuli vanu embwe.

1 Timateo 1:11

Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.

2 Timateo 2:8

Anuka vya Yesu Kilistu, uje ivasangwile ku vatsi, uje wapwile mutekulwila wa Ndaviti, ngwe muvanalongesa mu Vin̄anda Vyavivwa vije njilinakwambulula.

2 Timateo 4:1

Ku mesho a Njambi na Kilistu Yesu, uje akasompa vaka-kuyoya na vatsi, co omwo alinakwija mukushwana kupwa Mwene, njikushika ngwange

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

VaHevelu 9:27

Munu woshe napande kutsa lumo, co asinoni vakamusompa kuli Njambi.

1 Petulu 4:5

Oloni vakalyambulwila vakevo vavenya kuli Njambi, uje akasompa vaka-kuyoya na vatsi.

2 Petulu 2:9

Ngecivene, Mwene azivuka vati amena vanu vaka-vushunga kutunda ku vyeseko vyavo, co lalo vati anyunga vaka-vuvi akuvanyanyamesa a Litangwa Lyakusompa,