Loma 2:1 - Livulu lya Shukulu Kalunga

¹ Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Loma 2:1 Iomraidhean Croise

Luka 12:14

Yesu wamukumbulwile ngwendi, “Musamba wange, iyajo nanjipwisa muka-kusompa nambe muka-kumipangela vufuko akati keni?”

Luka 19:22

Co Shukulu yendi wamulekele ngwendi, ‘Ove ngamba wamuvi! Njikakuhisa na majwi akutunda mu kanwa kove! Ngwange wanjizivukile ngwove yange nji munu wa mukalu, njikanono cije kesi cange, nakuteja cije kunjakuvile.

Luka 6:37

“Kesi muhise vakweni, kutewa neni Njambi akamihisa, kesi mupaye vakweni, kutewa neni Njambi akamipaya, sambeseni vakweni, co Njambi akamisambesa.

Loma 14:22

Kukulaela kuje mulinakwo akati keni vavenya na Njambi, navezika munu uje kalizivi kupaya omo alinga cuma cimo namono ngwendi cacivwa!

Loma 2:2

Twazivuka ngeci Njambi wapwa wa vushunga omo ahisa vanu vaje vakalingi vyuma ngwe evi.

Loma 2:3

Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi?

Loma 3:9

Vationi? Kuma yetu vaYunda tunapu tuvavavwa kutuvakana vaje kesi vaYunda ndi? Kesi ngoco embwe! Omwo njamilekele laja ngwange vaYunda na vaje kesi vaYunda voshe vali mu nzili ya vuvi.

Loma 9:20

Oloni yove iyajo, musamba wange, ulikumbulule na Njambi? Ndeo ya vuma kuyasa kwihula munu uje waishongele ngwayo, “Omwo vikajo wanjimungila ngacije?”

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

1 Kolinte 7:16

Ove munakazi muka-Yesu wazivuka vati ngwove wasa kwovola munalume wove? Nambe wazivuka vati ove munalume muka-Yesu ngwove wasa kwovola munakazi wove?

Yakomba 2:20

Ove cilema! Kuma ushaka vakumwese ngeci kukulaela kukwesi na vipangi kunapu kwangoco ndi?

Yakomba 4:11

Vasamba vange, kesi mulizungise umo na mukwavo. Woshe uje afweya nambe asompa mukwavo muka-Yesu alinakuzungisa Lishiko nakulisompa. Nga usompa Lishiko, co yove lalo kuwapwile u munu muka-kwononoka Lishiko, oloni unapu u muka-kulisompa.