Loma 16:26 - Livulu lya Shukulu Kalunga

²⁶ Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Loma 16:26 Iomraidhean Croise

Kushangumuka 21:33

Avilahama wakunine muti wa tamalisiki mu Mbeleshemba, co walemesele Shukulu Kalunga Njambi wa ku myaka yoshe.

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Vilinga vya Miluwa 10:43

Kuli ikeye vaka-kwimanena voshe vendekele vyendi ngwavo munu woshe akulaela kuli ikeye vakamusambesa ku vivi vyendi a lizina lyendi lya nzili.”

Vilinga vya Miluwa 6:7

Co lijwi lya Njambi lyashandokele. Co vungi vwa vandongisi mu Yelusalema vapwile vavangi, co mbunga yakama ya vaka-kukombelela vakulaelele.

Loma 1:2

Vin̄anda Vyavivwa vavikulaesele ku san̄ulu kuli Njambi muli vaka-kwimanena vendi, ngwe muvanasoneka mu Visoneka Vyakujela.

Loma 1:20

Tunde aje Njambi watangele kaye, vifwa vyendi vije kutwasa kumona, nzili yendi ya myaka yoshe na cifwa cendi ca vu Njambi, vinasholoka mwamuvwa, vanu vasa kuvizivukila mu vyuma vije vyanalingi Njambi. Ngecivene, vanu ava kuvasa kulisambesa embwe!

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 15:18

Omwo njikasimpa nakwendeka vije lika vyanalingi Kilistu muli yange mukutwamenena vaje kesi vaYunda ngeci vononoke Njambi. Nalingi evi a majwi ange na a vilinga vyange,

Loma 15:4

Vyuma vyoshe vije vivasonekele mu Visoneka vavisonekele mukutulongesa, ngeci tukale na cinyangavili cakutunda ku lukakateya nakukutakamesa kuje kutunda ku Visoneka.

Loma 3:21

Oloni ololo ngila ya Njambi yakulingisa vanu ngeci vapwe vaka-vushunga ku mesho endi inasholoka. Kuyesi nacimo akulinga lishiko, nameme Lishiko lya Mosesa na vaka-kwimanena vaanene vukaleo vwalyo.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 2:20

Neni lalo vanamitungu a luvula luje luvajalele miluwa na vaka-kwimanena, limanya lije lya mu mbango likelyo Kilistu Yesu vavenya.

Kwituluka mu Mashiko 33:27

Njambi simbu yoshe wapwa cimpaka ceni, simbu yoshe mavoko endi kuwesi kujuka kumivungutiya. Ikeye washekele vitozi veni kulutwe lweni, co wamilekele ngeci muvanyongese voshe njwa.

Kolose 1:26

cije capwile cisin̄iko cakushweka ku myaka ya kunima kushwekela vanu voshe, oloni ololo nacisholola kuli vanu vendi.

1 Timateo 1:17

Kuli Mwene wa myaka yoshe, uje kesi kutsa uje kutwasa kumona, endi lika Njambi, kuli ikeye kukale kasingimiko na vumpau ku myaka yoshe! Ewa.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

2 Timateo 1:10

oloni ololo vanacisholola kuli yetu akwija kwa Muyoyesi wetu, Kilistu Yesu. Ikeye namanesa nzili ya kutsa, co a muzimbu nasholola mwonyo uje kuwesi kutsa.

VaHevelu 13:8

Yesu Kilistu ikeye umolika na izau na lelo na ku myaka yoshe.

VaHevelu 9:14

Omwo eci capwa ca vushunga, maninga a Kilistu anapanga manene! Ali Munzinzime wa myaka yoshe walyanene ikeye vavenya kupwa n̄ombelo yakujela kuli Njambi. Maninga endi anatujelesa ku citaku-taku ca futisi yetu yangoco ngeci tupangele Njambi wakuyoya.

1 Yowano 5:20

Twazivuka ngwetu Muna Njambi naija, co natwana kuzivisisa ngeci tuzivuke Njambi wa vushunga. Tulinakuyoyela muli Njambi wa vushunga, muli Munendi Yesu Kilistu. Ou ikeye Njambi wa vushunga, co ou ukewo mwonyo wa myaka yoshe.

Kujombolola 1:17

Omo njamumwene, njawililile ku myanja yendi ngwe munu wa kutsa. Co wakambekele livoko lyendi lya cilyo ali yange, co wendekele ngwendi, “Kesi uzive lyova! Yange wakulivanga na wakukotokela.

Kujombolola 19:10

Co njawililile ku myanja yendi ngeci njimulemese, oloni wendekele kuli yange ngwendi, “Kesi ulinge ngeci! Yange njinapu ngamba ngwe yove na vakweni lalo voshe vaje vakakateya ku vushunga vuje vwasholwele Yesu. Lemesa Njambi!” Omwo vushunga vuje vwasholwele Yesu vukapangesa vaka-kwimanena.