Loma 16:25 - Livulu lya Shukulu Kalunga

²⁵ Vumpau vukale kuli Njambi! Ikeye asa kumilingisa ngeci mwimane mbe mukukulaela kweni, ngwe ku Vin̄anda Vyavivwa vinjikambulula vya Mwene Yesu Kilistu, ngwe lalo kukujomboloka kwa vushunga vwakushweka vuje vuvashwekele tunde ku san̄ulu.

Loma 16:25 Iomraidhean Croise

Myaso 78:2

Njikendeka mu visimo na mu tusau a vyuma vije vyalingiwile ku san̄ulu,

Ndanyele 2:22

Akasholola vyuma vyakulova nevi vyakushwekesa, azivuka vije vyakuvanda mu lisusulungu, ceke camuzengeleka.

Amose 3:7

Mwa vushunga vene Shukulu Kalunga wa Akamwa ya Vyoshe kasa kulinga cuma cimo kujeneka kusholola vutumbe vwendi kuli vangamba vendi, vaka-kwimanena.

Mateo 13:17

Mwa vushunga njimileka ngwange vaka-kwimanena vavangi na vanu va Njambi vavangi vashakele manene kumona vije vimulinakumona, oloni kuvavimwene, co nakuziva vije vimulinakuziva, oloni kuvavizivile.

Mateo 13:35

Walingile evi mukushulisa vyendekele muka-kwimanena ngwendi, “Njikapangesa visimo omo njendeka kuli vakevo, njikavaleka vyuma vyakushwekesa tunde akutanga kwa kaye.”

Mateo 20:7

Vamukumbulwile ngwavo, ‘Omwo naumo wai natulanya ku vipangi.’ Ikeye wavalekele ngwendi, ‘Yeni mukapange mu lihya lyange lya mikolovozi ya vushuka vwa vinyu.’

Vilinga vya Miluwa 20:32

“Co ololo njilinakumikundika kuli Njambi ngeci aminyunge na muzimbu wa kutetela kwendi, uje wasa kumitungisa nakumyana vivezikiso vije vyali navyo Njambi vya vanu vendi voshe.

Vilinga vya Miluwa 9:20

Co waile ku masinangonge washangumukile kwambulula ngeci Yesu ikeye Muna Njambi.

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 14:4

Yove iyajo ngeci uhise ngamba yambala? Kuvanga uje shukulu yendi ikeye aangula nga uje ngamba alinga mwamuvwa nambe onwa. Co alinga mwamuvwa, omwo Mwene ikeye amulingisa ngeci alinge mwamuvwa.

Loma 16:24

Kutetela kwa Mwene yetu Yesu Kilistu kukale amo neni voshe. Ewa.

Loma 2:16

Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

1 Kolinte 1:23

Oloni yetu, tulinakwambulula Kilistu wakushukika a cilindakano, muzimbu uje unapu citanukiso kuli vaYunda na vulema kuli vaje kesi vaYunda,

1 Kolinte 2:7

Mana awa njambulula anapu mana a Njambi akushweka, aje vanashwekesela vanu, oloni Njambi waangwile laja ku vumpau vwetu simbu kanda vatange kaye.

1 Kolinte 4:1

Munapande kutuyongola ngwe tu vangamba va Kilistu, vaje vaka-kunyunga vya mu vushweke vya Njambi.

2 Kolinte 4:3

Oloni nga lijwi eli tulinakwambulula linapu lyakushweka, vanalishweka lika kuli vaje vanazimbala.

2 Kolinte 4:5

Omwo kesi ngwe yetu tulyambulula yetu vavenya embwe, oloni tulinakwambulula Yesu Kilistu ikeye Mwene, co netu tunapu tu vangamba veni a lizina lya Yesu.

Ngalatiya 2:2

Njaile omwo Njambi washolwele kuli yange ngeci njapande kuya. Omo twalikungulwile mu vushweke na vantwama, njanungulwile muzimbu uje njambulwile kuli vaje kesi vaYunda. Kunjashakele vipangi vyange vya kunima nambe vya ololo vyonwe embwe.

Efeso 1:9

Njambi walingile vije watumbwile kulinga, co watusholwelele vutumbe vwendi vwakushweka vuje vwayongwele laja ngeci vuhwile ali Kilistu.

Efeso 3:11

Njambi walingile eci ngwe ku vutumbe vwendi vwa myaka yoshe, vuje vwalingile muli Kilistu Yesu Mwene yetu.

Efeso 3:9

nakumwesa vanu voshe muje vutumbe vwa cisin̄iko ca Njambi vukalingiwa. Njambi uje Ishamatanga wa vyuma vyoshe, washwekele cisin̄iko cendi ku myaka yoshe ya kunima,

Efeso 6:19

Co nange lalo njilombeleleniko, ngeci Njambi anjane lijwi omo njalivwaesela kwambulula, ngeci njambulule nakusimpa nakusholola cisin̄iko ca muzimbu wauvwa.

Kolose 2:2

Njilinakulinga eci ngeci vashule nakulitakamesa, co valitunge amolika mu cizemo namukushula kwa vufuko vuje vunena kuzivisisa. Mu ngila eyi vene, vakazivuke cisin̄iko ca Njambi, cikeco cinapu Kilistu vavenya.

Kolose 4:3

Tulombeleleniko netu lalo, ngeci Njambi atwane simbu yaivwa yakwambulula lijwi lyendi, a vyakushweka vya Kilistu. Omwo a cuma eci ngeci yange njili mu kamenga ololo.

1 Tesalonika 3:13

Mu ngila eyi akamitakamesa, co mukapwa vakulambasa na vaka-kujela ku mesho a Njambi yetu na Tatetu omo Mwene yetu Yesu akaija na voshe vaje vanakundama kuli ikeye.

2 Tesalonika 2:14

Njambi wamisanene ngeci mulinge cuma eci a Vin̄anda Vyavivwa vije vitwambulwile kuli yeni, wamisanene ngeci mukafuke mutambela weni wa vumpau vwa Mwene yetu Yesu Kilistu.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:8

Anuka vya Yesu Kilistu, uje ivasangwile ku vatsi, uje wapwile mutekulwila wa Ndaviti, ngwe muvanalongesa mu Vin̄anda Vyavivwa vije njilinakwambulula.

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 7:25

Co asa kwamena vaje vaija kuli ikeye, omwo ayoya ku myaka yoshe mukuvaakwila.

1 Petulu 1:20

Njambi wamwangwile simbu kanda vatange kaye, co vamusholwele mu matangwa ano akukotoka omwo yeni.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

Kujombolola 10:7

Oloni omo uje kangelo wamucitanu na vavali akaimba lupembo lwendi, asinoni Njambi akasholola cisin̄iko ca vutumbe vwendi, ngwe muje mwambulwile kuli vangamba vendi vaka-kwimanena.”