Loma 16:19 - Livulu lya Shukulu Kalunga

¹⁹ Omwo vanu voshe vanazivi kulongwa kweni ku muzimbu wauvwa, co a cuma eci njilinakuvwaelela ali yeni. Njishaka mupwe vaka-mana ku vyuma vyavivwa, oloni pweni mu vangoco ku vyuma vyavivi.

Loma 16:19 Iomraidhean Croise

Myaso 101:2

Njikayoya kuyoya kwakuvwa. Simbu ikajo ukaija kuli yange? Njikayoya mu njuvo yange na mbunge yakujela.

Njelemiya 4:22

Shukulu Kalunga alinakwendeka ngwendi, “Vanu vange vanapu vilema kuvanjizivuka. Vanafu ngwe vanike va vilema, vaje kuvesi na mana. Vazivuka manene kulinga vyavivi, oloni kuvazivuka kulinga vyavivwa.”

Mateo 10:16

“Kengeni, njilinakumituma ngwe vimanga akati ka tungunga. Ngecivene, nyanyameni ngwe manyoka, co likongomekeni ngwe mayembe.

Luka 10:3

Yeni! Njimituma ngwe vana va vimanga akati ka tungunga.

Loma 1:8

Akulivanga, njikandelela kuli Njambi yange ali Yesu Kilistu ali yeni voshe, omwo kukulaela kweni kunatsimana mu kaye mwoshe.

1 Kolinte 14:20

Vasamba vange, kesi mupwe ngwe mu vanike mu viyongola vyeni, pweni ngwe vanike mu vyuma vya vuvi, oloni pweni mu vakulunu mu viyongola vyeni.

Efeso 5:17

Ngecivene, kesi mupwe vilema, oloni lingeni vije vyashaka Mwene ngeci muvilinge.

Filipu 1:9

Njilombela ngwange cizemo ceni citwaleo mukukola manene, amo na mana a vushunga amo nakwangula kwa vushunga,

Filipu 2:15

ngeci mupwe vaka-kujeneka mulonga na vaka-kujeneka kapayo ngwe muvanapande kupwa vana va Njambi, vaje valinakuyoya mu kaye ka kupenga-penga na akati ka vanu vaka-vuvi. Yeni munapande kutwa ceke akati kavo ngwe vingongonosi vitwa ceke mwilu,

Kolose 3:16

Lijwi lya Kilistu likale muli yeni manene. Longeseni nakulinangula umo na mukwavo na mana oshe. Imbeni myaso ya ku san̄ulu na myaso na myaso ya munzinzime, imbeni kuli Njambi nakukandelela mu vimbunge vyeni.