Loma 16:15 - Livulu lya Shukulu Kalunga

¹⁵ Viindu kuli Filolongase na Njulya na Nelyase na ndokazi yendi na kuli Olimpase na kuli vanu voshe va Njambi vaje vali amo navo.

Loma 16:15 Iomraidhean Croise

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Mateo 5:47

Co nga mukendwisa lika vasamba veni, kumwalingile cuma cacivwa kutuvakana vakweni voshe. Kuma nameme vaka-kujeneka kukulaela kuvesi kulinga ngoco ndi?

Vilinga vya Miluwa 9:13

Oloni Ananiyasi wakumbulwile ngwendi, “Mwene, vanu vavangi vananjileka vyowo munalume na vyuma vyavingi vyavikalu vyanalingi ku vanu vove mu Yelusalema.

Loma 1:7

Ngecivene, njilinakusonekela kuli yeni voshe muli mu Loma vaje vaazema Njambi nakumisana ngeci mupwe mu vanu vendi. Njambi Tatetu na Mwene Yesu Kilistu vamyane kutetela na kwoloka.

Loma 16:14

Viindu kuli Asinikilitase na Felengone na Helemese na Patolombase na Helemase na vakwetu voshe muli Yesu vali amo navo.

Loma 16:2

ngeci mumutambule mu lizina lya Mwene, ngwe muje muvakalingi vanu va Njambi, co mukwaseni vyoshe vije ashaka kuli yeni, omwo ikeye vavenya wapwa musamba wamuvwa kuli vanu vavangi na kuli yange lalo.

Efeso 1:1

Mukanda wakutunda kuli yange Paulu, ku cizango ca Njambi njinapu muluwa wa Kilistu Yesu. Njilinakusonekela kuli vanu va Njambi vaje vali mu Efeso, kuli vaje vaka-kukulaela kuli Kilistu Yesu.

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.