Loma 15:8 - Livulu lya Shukulu Kalunga

⁸ Omwo njimileka ngwange Kilistu vamupwisile muka-kupangela vaYunda, mukusholola ngeci Njambi wapwa muka-vushunga, mukulingisa vikulaeso vyendi kuli vakukulwila vavo ngeci vipwe vya vushunga,

Loma 15:8 Iomraidhean Croise

Visimo 8:7

Simbu yoshe njikendeka vushunga, yange njazinda makuli.

Mika 7:20

Ukamwesa kulongwa kwove na cizemo cove cije kucesi kutengulula ku vanu vove, vatekulwila va Avilahama, na Yakomba, ngwe muwakulaesele vakukulwila vetu ku san̄ulu.

Mateo 15:24

Asinoni Yesu wavakumbulwile ngwendi, “Vanjitumine lika ku vimanga vakuzimbala va ku vanu va Isalele.”

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Yowano 1:11

Ikeye wezile ku lifuti lyendi, oloni vanu vendi kuvamutambwile.

Yowano 10:16

Co kuvali lalo vimanga veka vaje vanapu vange vakevo kesi va mu limba lino. Njinapande kuvanena lalo, vakaziva lijwi lyange, ngecivene, vakapwa vutanga vumo na kanyungi lalo umo.

Vilinga vya Miluwa 13:46

Oloni Paulu na Mbanambase vendekele nakusimpa ngwavo, “Cinapande ngeci lijwi lya Njambi valyendeke kuli yeni akulivanga. Oloni omwo mwalivyanene, co munaliyongola yeni vavenya ngweni kumwapandele kutambula mwonyo wa myaka yoshe, co tumiseza nakuya kuli vaje kesi vaYunda.

Loma 11:22

Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

Loma 11:30

Ngwe ali yeni kesi vaYunda, kumwononokele Njambi ku san̄ulu, oloni ololo munatambula mema ku mbunge a Njambi omwo akujeneka kwononoka kwa vaYunda.

Loma 15:16

akupwa ngamba ya Kilistu Yesu akupangela vaje kesi vaYunda. Njilinakupanga ngwe muka-kukombelela mukwambulula Vin̄anda Vyavivwa vya Njambi, ngeci n̄ombelo ya vaje kesi vaYunda Njambi aitambule, ije Munzinzime Wakujela nakundika kuli ikeye.

Loma 3:26

oloni ku simbu ino alinakuhisa vuvi vwa vanu, mukumwesa vushunga vwendi. Mu ngila eyi vene Njambi alinakumwesa ngeci ikeye vavenya napu muka-vushunga, co munu woshe uje akulaela kuli Yesu Njambi amupwisa muka-vushunga.

Loma 3:3

Oloni vatijo nga vamo vavo kuvapwile va kulongwa? Eci cinalumbunuka ngeci Njambi kesi muka-vushunga ndi?

Loma 4:16

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

1 Kolinte 1:12

Njilinakulumbununa ngwange, akati keni munu na munu alinakwendeka vyuma vyakulyangunuka. Umo endeka ngwendi, “Yange nji muka-Paulu”, mukwavo ngwendi, “Yange nji muka-Apolo”, weka ngwendi, “Yange nji muka-Petulu”, co weka ngwendi, “Yange nji muka-Kilistu.”

1 Kolinte 10:19

Kuma eci cinalumbunuka ngwange kamponya nambe vyakulya vyakukombelela ku kamponya vinakundama ku cuma cacivwa ndi?

1 Kolinte 10:29

eci kucapwile citaku-taku cove vavenya embwe, oloni ca munu uje nakuleka. Umo ehula ngwendi, “Omwo vikajo kupatuka kwange kwakulinga vyoshe njishaka vacivindike omwo a citaku-taku ca munu weka?

1 Kolinte 15:50

Eci njilumbununa, vavusamba vange, cikeco eci ngwange cije cinatundu ku situ na maninga kucasa kukovela mu Vumwene vwa Njambi, co cije cakuvola kucasa kuswana cije cakujeneka kuvola.

2 Kolinte 1:20

omwo wapwa “Eyo” ku vikulaeso vyoshe vya Njambi. Omwo a cuma eci muli Yesu Kilistu “Ewa” yetu tukaitumbula mukwana vumpau kuli Njambi.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.