Loma 15:26 - Livulu lya Shukulu Kalunga

²⁶ Omwo vikungulukilo mu Masendoniya na mu Akaya vanayongola kujeneka kuvaleka kwana mulambu mukukwasa tuutu akati ka vanu va Njambi vali mu Yelusalema.

Loma 15:26 Iomraidhean Croise

Visimo 14:21

Nga ushaka vivezikiso, kala na ngozi kuli muka-kuutwa, capwa vuvi kuyeluwisa vakweni.

Visimo 14:31

Nga uyandesa vanu vakuutwa, co ulinakushaula Njambi uje wavatangele, oloni nga uzivila ngozi tuutu, ulinakumusingimika.

Visimo 17:5

Uje ashendumuna tuutu alinakushaula Njambi uje wavatangele, uje avwaelela a tuyando twa vakwavo vakamuhisa.

Zakaliya 11:11

Ngecivene, cikumiiyo eci cazimanganene a litangwa lije. Vaje valandele nakulandesa vimanga vanjimwene, co vazivukile ngwavo Shukulu Kalunga ikeye wendekele mu vije vinjalingile.

Zakaliya 11:7

Vaje valandele nakulandesa vaje vimanga vanjikumwine, co njapwile kanyungi ka vimanga vaje vavatwalele mukuvatsiya. Co njanonele milamu ivali, umo njaulukile “Ngozi,” co ukwavo njaulukile “Vumo.” Co njanyungile vutanga.

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Mateo 26:11

Omwo tuutu muli navo simbu yoshe, oloni yange kunjikakala neni simbu yoshe embwe.

Luka 14:13

Oloni omo ulinga ciwano, lanyako vaka-kuutwa na vaka-kujenduka na vilema na tupuputwa,

Luka 6:20

Yesu wakengele vandongesi vendi, co wendekele ngwendi, “Mwavezika yeni vaka-kuutwa, omwo Vumwene vwa Njambi vunapu vweni!

Vilinga vya Miluwa 16:12

Co kutunda kuje twaile ku Filipu, nganda yamutambela wakulivanga mu lifuti lya Masendoniya, ikeyo lalo yapwile nganda ya vaLoma. Co twakele muje mu nganda matangwa amo.

Vilinga vya Miluwa 16:9

Co ku vutsiki vuje vene Paulu wamwene cimona muje wamwene munalume umo wa ku Masendoniya nemana nakumulomba ngwendi, “Ija kuno ku Masendoniya wakutukwase!”

Vilinga vya Miluwa 18:12

Oloni omo Ngaliyo wapwile nguvulu wa vaLoma mu Akaya, vaYunda valikungulwile amo vakwatele Paulu nakumutwala ku mbanja yakusompela.

Vilinga vya Miluwa 19:21

Munima ya vyuma evi, Paulu watengulwile viyongola vyendi ngeci aye kutuvakana mu Masendoniya na Akaya nakuya ku Yelusalema. Wendekele ngwendi, “Omo njinai laja kuje, njinapande kumona lalo na kuLoma.”

Vilinga vya Miluwa 9:13

Oloni Ananiyasi wakumbulwile ngwendi, “Mwene, vanu vavangi vananjileka vyowo munalume na vyuma vyavingi vyavikalu vyanalingi ku vanu vove mu Yelusalema.

1 Kolinte 16:15

Munazivuka Setefanase na naanga yendi, vakevo vaka-Yesu vakulivanga kutenguluka mu Akaya, co vanalyana vakevo vavenya kupangela vanu va Njambi. Njimilambelela, vavusamba vange,

1 Kolinte 16:5

Njikaija kuli yeni omo njineti laja mu Masendoniya, omwo yange njinapande kwita mu Masendoniya.

2 Kolinte 1:16

Njayongwele kumisikamesa a vungenzi vwange vwakuya ku Masendoniya, co lalo akwilukamo, ngeci njiwane ngila yakunjikwasa a vungenzi vwange vwakuya ku Yundeya.

2 Kolinte 11:9

A simbu ije njakele neni kunjamiyandesele mukujeneka kwange vimbongo, omwo vandolome vaje vatundile ku Masendoniya vanjitikile vyoshe ngwe kukujeneka kwange. Ngwe matangwa a kunima, ngecivene, na kulutwe, kunjikamitwiki citele!

2 Kolinte 2:13

Oloni njalinyengele manene omo kunjawanene ndolome yetu Tito. Ngecivene, njendekele kuli vakevo ngwange saleniho yeni voshe, co njaile ku Masendoniya.

2 Kolinte 7:5

Nambe omo twetele mu Masendoniya kutwasele kuhwima. Kwoshe-ikwoshe kwakele vipakeso na vimata na vyeka lalo na lyova mu vimbunge vyetu.

2 Kolinte 9:12

Omwo vipangi vije mulinakupana kesi ngwe vikwasa lika vanu va Njambi, oloni cinasholola lalo kushemutuka kwa kukandelela kwakama kuli Njambi.

2 Kolinte 9:2

Njazivuka ngeci muli na cizango cakukwasa, co njalyalesele ali yeni kuli vanu va mu Masendoniya. Njendekele ngwange, “Vakwetu vali mu Akaya vanalivwaesela cimweja kukwasa kutunda ku mwakawali.” Kunyanyama kweni kunatakamesa vavangi.

2 Kolinte 9:4

Nameme ngoco, nga va ku Masendoniya vaija amo nange, co vakuwana kanda mulivwaesele cimweja, twakuziva shwamwa, naumo wai akendeka a shwamwa yeni, omwo vaziva laja lutsimo lweni!

Filipu 4:15

Co neni lalo vaka-Filipu mwazivuka mwamuvwa ngweni omo njatundile ku Masendoniya mu matangwa akulivanga akwambulula Vin̄anda Vyavivwa, kuvanga vaka-cikungulukilo ceni lika mwanjikwasele, kuvanga yeni lika vamo mwalipangelele nganyo yange nakujeneka kwange.

1 Tesalonika 1:7

Ngecivene, yeni mwapwile cimweso kuli voshe vaka-kukulaela mu Masendoniya na mu Akaya.

1 Tesalonika 1:8

Omwo kesi lika ngwe lijwi lya Mwene lyatundile kuli yeni mu Masendoniya na mu Akaya embwe, oloni lutsimo lwa kukulaela kweni kuli Njambi lunashandokela kwoshe-ikwoshe. Ngecivene, nacimo cai citwasa kwendeka.

1 Tesalonika 4:10

Co munakala nakulinga ngeci kuli vaka-kukulaela voshe mu Masendoniya mwoshe. Ngecivene, tumilomba vakwetu, wezeleleniko manene.

1 Timateo 1:3

Njishaka yove ukale mu Efeso, ngwe muje njakusindiiye aje njaile vungenzi ku Masendoniya. Vanu vamo kuje valinakulongesa vilongesa vya makuli, co unapande kuvashika ngeci valikele.

Filimoni 1:5

Omwo njilinakuziva cizemo cove kuli vanu va Njambi voshe nakukulaela kwove ulinakwo muli Mwene Yesu,