Loma 15:18 - Livulu lya Shukulu Kalunga

¹⁸ Omwo njikasimpa nakwendeka vije lika vyanalingi Kilistu muli yange mukutwamenena vaje kesi vaYunda ngeci vononoke Njambi. Nalingi evi a majwi ange na a vilinga vyange,

Loma 15:18 Iomraidhean Croise

Visimo 25:14

Vanu vaje vakakulaela vwana vuje kuvesi kwana, vanapu ngwe mashelwa na lihunzi, vije kuvyesi kunena nyonzi.

Mateo 25:16

Uje ngamba watambwile vimbongo vyakupwa 5,000 waile nakukasekasana, wawaneneo lalo vimbongo vyakupwa 5,000.

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Vilinga vya Miluwa 14:27

Omo vetele mu Antyoke vakungulwile amo vanu vaka-cikungulukilo nakuvaleka vyuma vyoshe vije vyalingile Njambi navo na muje Njambi mwashokolwele ngila kuli vaje kesi vaYunda ngeci vakulaele.

Vilinga vya Miluwa 15:12

Mbunga yoshe volokele kuluu omo vazivile Mbanambase na Paulu vaana vukaleo vwoshe vwa vizivukiso na vikomokeso vije vyalingile Njambi muli vakevo ali vaje kesi vaYunda.

Vilinga vya Miluwa 15:4

Omo vetele mu Yelusalema, cikungulukilo na miluwa na vakulunu vavatambwile, co vambulwile vyoshe vije vyalingile Njambi ali vakevo.

Vilinga vya Miluwa 21:19

Omo Paulu wavendwisile nakuvaleka vukaleo vwa vyuma vyoshe vije vyalingile Njambi akati ka vaje kesi vaYunda a vipangi vyendi.

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.

Loma 1:5

Muli ikeye Njambi wanjanene vije vyanjipande mukupwa muluwa omwo ali Kilistu, mukutwamenena miyati yoshe kukukulaela nakukwononoka.

Loma 16:26

Oloni nameme ngoco ololo vushunga vuje vanavusholola mutanya mwelu mu visoneka vya vaka-kwimanena, nakushika kwa Njambi wa myaka yoshe vanavusholola ku miyati yoshe, ngeci voshe vakulaele nakwononoka.

Loma 6:17

Oloni tukandelela kuli Njambi! Omwo nambe laja mwapwile mu vindungo va vuvi, munononoka na vimbunge vyeni vyoshe vushunga vuli mu vilongesa vije vimwatambwile.

2 Kolinte 11:31

Njambi na Ishe ya Mwene Yesu, lizina lyendi lipwe lyakuvezika ku myaka yoshe, azivuka ngeci kunjesi nakwendeka makuli.

2 Kolinte 12:6

Nga njashakele kulyalesa, ngwe kunjalipwisile nji cikolokomba, omwo nga njinendeka vushunga. Oloni kunjilyalesa, omwo kunjishaka umo ayongole vyakama ali yange kutuvakana omo nanjimono njipanga nakunjiziva omo njendeka.

2 Kolinte 3:5

Omwo muli yetu kumwesi cuma cimo cai cije citulingisa ngeci kwambulula kwetu kunapu kwakwasi. Kukwasa kwetu kulinakutunda kuli Njambi.

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Ngalatiya 2:8

Omwo a nzili ya Njambi vanjipwisile muluwa kuli vaje kesi vaYunda, ngwe muvapwisile Petulu muluwa kuli vaYunda.

Kolose 3:17

Co vyuma vyoshe mulinga nambe mwendeka, munapande kuvilinga mu lizina lya Mwene Yesu, omo mulinakukandelela Njambi Tate ali ikeye.

2 Tesalonika 2:17

amitakamesa nakumikolesa mukulinga nakwendeka vije vinapu vyavivwa simbu yoshe.

VaHevelu 11:8

Akukulaela, Avilahama wononokele Njambi omo wamusanene, co watundile mu lifuti lyendi waile ku lifuti lije lyamukulaesele Njambi. Wasezele lifuti lyendi oloni kazivukile kuje kwaile.

VaHevelu 5:9

Omo vamupwisile muka-kujela, wemukile nsina yakwovoka kuje kwa myaka yoshe kuli voshe vaje vamwononoka,

Yakomba 1:22

Kesi mulikwise yeni vavenya mukupwa vaka-kuziva lijwi lyendi lika, oloni pweni vaka-kulipangesa.

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.

Yunda 1:9

Nameme uje kangelo wakama Mingeli kacilingile eci. Mukulikanangana kwendi na Liyavola, omo valizungilile muvila wa Mosesa, Mingeli kashukile kwendeka kuli Liyavola na majwi akumushaula, oloni wendekele kuli ikeye ngwendi, “Mwene akuvindike!”