Loma 14:6 - Livulu lya Shukulu Kalunga

⁶ Woshe uje ayongola seo ya litangwa limo napande alinge ngeci mukusingimika Mwene, woshe uje alya cuma coshe-icoshe napande kucilya mukusingimika Mwene, omwo akandelela kuli Njambi a vyakulya. Woshe uje avyana kulya vyakulya vimo avyana mukusingimika Mwene, co akandelela kuli Njambi.

Loma 14:6 Iomraidhean Croise

Kutuuka 12:14

Munapande kulisamba a litangwa eli omwo likapwa lya ciwano ca Kalunga mukumyanukisa a vyuma evi vinjalingile yange Kalunga. Eci cikapwa canukiso mu visemwa vyeni vyoshe vya kulutwe.”

Kutuuka 12:42

Vukevwo vutsiki vuje vwavanyungile Shukulu Kalunga omo wavatuwisile mu Ingito. Ovu vukevwo vutsiki vumo vwakulikundika kuli Shukulu Kalunga ku visemwa vyoshe vya kulutwe, vutsiki vuje vaIsalele vanapande kuvunyunga.

Kutuuka 16:25

Co Mosesa wendekele ngwendi, “Lyeni evi lelo, omwo lelo linapu Litangwa Lyakuhwima livanakundika kuli Shukulu Kalunga, co kumukawana lalo vyakulya anja ya cilombo embwe.

Isaya 58:5

Omo mulikela, mulinakuliyandesa lika yeni vavenya, akukulamesa manene mitwe yeni ngwe muti wakujendama, nambe akuzala cikeleya nakutumbama mu lito. Oku kukekwo mutumbula ngweni kulikela kulya ndi? Kuma muyongola ngweni njikasa kuvwaelela na vyuma evi ndi?

Zakaliya 14:21

Vindeo vyoshe vya mu Yelusalema na mu Yunda mwoshe vakavyangunwina kwavyo lika nakuvipangesa mukulemesa Shukulu Kalunga Muka-nzili yoshe. Co vanu vaje vakombelela vin̄ombelo vakavipangesa akutelekamo situ yakukombelela. Omo simbu ije iketa, kukukakala muka-kulandesa mu Njuvo ya Shukulu Kalunga Muka-nzili yoshe.

Mateo 14:19

Asinoni washikile vanu vatumbame asi a mwila, co watambwile ije mikasha ya makende itanu na visi vavali, wakengele mwilu, co wakandelelele kuli Njambi. Wapazwile ije mikasha ya makende wayanene kuli vandongisi vendi, co vandongisi vapangezelele vimbunga vya vanu.

Mateo 15:36

Asinoni watambwile ije mikasha ya makende itanu na ivali amo na vaje visi, co wakandelelele kuli Njambi, wavipazwile, waanene kuli vandongisi vendi, co vandongisi vapangezelele vanu.

Yowano 6:28

Asinoni vamwihwile ngwavo, “Vikajo twasa kulinga ngeci tulinge vije vyashaka Njambi?”

Ngalatiya 4:10

Yeni mukanyunga-nyunga matangwa amo na vingonde na visimbu na myaka.