Loma 14:22 - Livulu lya Shukulu Kalunga

²² Kukulaela kuje mulinakwo akati keni vavenya na Njambi, navezika munu uje kalizivi kupaya omo alinga cuma cimo namono ngwendi cacivwa!

Loma 14:22 Iomraidhean Croise

Vilinga vya Miluwa 24:16

Ngecivene, njilinakulinga na nzili yange yoshe ngeci njikale na citaku-taku cakutungukwa ku mesho a Njambi na ku mesho a vanu.

Loma 14:14

Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

Loma 14:2

Kukulaela kwa munu umo kumutavesa kulya nkala cuma, oloni munu uje kanda akole mukukulaela ikeye alya lika visapa-sapa.

Loma 14:23

Oloni nga ikeye ali na vimata ali vije alya, co Njambi amuhisa omo avilya, omwo vilinga vyendi kuvyakundamene akukulaela. Omwo cuma coshe cije kucakundamene akukulaela cinapu vuvi.

Loma 14:5

Munu umo ayongola ngeci litangwa limo lili na seo kutuvakana matangwa akwavo, co mukwavo weka lalo ayongola ngeci matangwa oshe afwa mumolika. Munu na munu napande kukolesa ngeci vije vyanayongola vinapu vyavivwa.

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Loma 7:15

Kunjizivuka vinjilinga, omwo kunjesi kulinga vije vinjishaka kulinga, oloni njikalingi vije njazinda.

Loma 7:24

Yange munu wakuvindama! Iyajo akanjamena ku muvila ou wa kutsa?

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

Ngalatiya 6:1

Vakwetu, nga munu umo vanamuwana na mulonga umo wa kupenga-penga, vaje veni vanakolo mukukulaela vanapande kumushungamesa, oloni munapande kucilinga mu ngila yaivwa. Oloni liiluleni yeni vavenya, kutewa neni mukakala mu ceseko lalo.

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

1 Yowano 3:21

Ngecivene, vasamba vange vanjazema, nga citaku-taku cetu kucituvayesa, co tulikolesa ku mesho a Njambi.