Loma 14:20 - Livulu lya Shukulu Kalunga

²⁰ Kesi unyongese vije vyanalingi Njambi omwo akulya lika. Vyakulya vyoshe vasa kuvilya, oloni kesi mwamuvwa kulya cuma cimo cije casa kulingisa umo ngeci awile mu vuvi.

Loma 14:20 Iomraidhean Croise

Mateo 15:11

Kesi cije cikovela mu kanwa ka munu cikeco cimuviisa embwe, oloni cije cituuka mu kanwa, cikeco cimuviisa.”

Mateo 18:6

“Nga munu umo atanganesa mwanike wamundondo ngeci kesi akulaele kuli yange, mwamuvwa munu wangacije kumukutiiya limanya lyakama lyakulolela vunga mu mukoshi wendi nakumumbila a nzinga ya mema a kalunga.

Vilinga vya Miluwa 10:15

Co lijwi lyendekele kuli ikeye lalo ngwalyo, “Vije vyanajelesa Njambi kesi uvitumbule ngwove vya mazilo.”

Loma 14:2

Kukulaela kwa munu umo kumutavesa kulya nkala cuma, oloni munu uje kanda akole mukukulaela ikeye alya lika visapa-sapa.

Loma 14:21

Cuma cacivwa kulinga cinapu kujeneka kulya situ nakunwa vinyu, nambe kulinga cuma cimo ceka cije citanukisa mukweni.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

Tito 1:15

Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.