Loma 14:18 - Livulu lya Shukulu Kalunga

¹⁸ Co woshe uje apangela Kilistu mu ngila eyi vene, avwaelelesa Njambi, co na vanu vamutava lalo.

Loma 14:18 Iomraidhean Croise

Kushangumuka 4:7

Nga walingile mwamuvwa ngwe njinatambula mulambu wove, oloni omwo walingi vuvi, vuvi vwakuvandamena ku cikolo ngwe ndumba. Vushaka kukunyongesa, oloni unapande kuvuhyana.”

Muka-kwambulula 9:7

Twalao kulya vyakulya vyove nakuvwaelela, nwa vinyu vyove na mbunge yakujolela, omwo Njambi wayongwele laja ngeci evi vikevyo unapande kulinga.

Mako 13:34

Eci cikapwa ngwe munu atunda ku njuvo yendi aya vungenzi, omo aseza njuvo yendi, mu mavoko a vangamba vendi, munu na munu wakele na vipangi vyendi vyalingile, co muka-kunyunga ku cikolo wamushikile ngwendi akengelele.

Yowano 12:26

Woshe uje ashaka kunjipangela napande kunjikava, co kuje kunjikakala, kukekwo lalo kwakala ngamba yange. Co Tate akasingimika woshe uje anjipangela.

Vilinga vya Miluwa 10:35

Oloni woshe amukomoka nakulinga vije vyavivwa vakamutambula kuli ikeye, kukwesi mulonga nambe ikeye wakundama ku muyati uka nambe uka.

Loma 12:11

Pangeni manene na nzili kesi mupwe volwa. Pangeleni Mwene nakulyakako na mbunge yoshe.

Loma 14:4

Yove iyajo ngeci uhise ngamba yambala? Kuvanga uje shukulu yendi ikeye aangula nga uje ngamba alinga mwamuvwa nambe onwa. Co alinga mwamuvwa, omwo Mwene ikeye amulingisa ngeci alinge mwamuvwa.

Loma 16:18

Omwo voshe vaje valinga vyuma evi kuvesi nakupangela Kilistu Mwene yetu embwe, oloni sholovya yavo lika. Co na majwi avo akukokweya na endekesi yavo yakuseveleka vakwisa vanu vakujeneka mulonga.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

2 Kolinte 4:2

Ngecivene, a vyuma vyoshe vyalaja vyakushwekesa tunavyumbila kuti, kutwesi nakupanga na vilinga lalo vyakukwisa, nambe kutanganesa lijwi lya Njambi. Oloni mu mutanya mwelu wa vushunga tulinakuyoyela ku mesho a Njambi nakweseka kulikundika yetu vavenya ku munu na munu mu vuvwa vwa citaku-taku cendi.

2 Kolinte 5:11

Tunazivuka muje mukwalumbunukila kukomoka Mwene, ngecivene, tulinakweseka kusindiya veka. Njambi atuzivuka mwamuvwa, co njayongola ngeci mwanjizivuka mwamuvwa mu vimbunge vyeni.

2 Kolinte 5:9

Kutuvakana manene vene, nameme ngoco, tushaka kumuvwaelelesa ikeye, nambe mu njuvo yetu kuno nambe kuje.

2 Kolinte 6:4

Mu ngila eyi vene, mu vyoshe vyuma tulinakupanga, tulinakusholola ngeci tunapu vangamba va Njambi, a lukakateya na mu tuyando, mu n̄avava na mukukaluwa na mu vitanga.

2 Kolinte 8:21

Cizango cetu cinapu akulinga vya vushunga, kesi lika ku mesho a Mwene embwe, oloni na ku mesho a vanu lalo.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

Filipu 4:8

Mukumanesa, vasamba vange, shuliseni viyongola vyeni na vyuma vije vyavivwa vije vasa kushangala, vyuma vije vinapu vya vushunga na kalemeso na kuvwaa na kujela na vuvwa na kasingimiko.

Kolose 3:24

Anukeni ngweni Mwene akamyana vushwana kupwa cikandelela ca vije vyanatulikila vanu vendi. Omwo Kilistu ikeye vene Shukulu wa vushunga uje imulinakupangela.

1 Timateo 2:3

Evi vinapu vyavivwa, co vivwaelelesa Njambi Muyoyesi wetu,

1 Timateo 5:4

Oloni nga fwile ali na vana nambe vatekulu, vanapande akulivanga vanapande kulilongesa kupanga vipangi vyakukulalela kwavo ku naanga yavo, co mu ngila eyi vakevo lalo vanapande kukwasa visemi vavo na vakukulwila vavo, omwo omu mukemwo mukavwaelelesa Njambi.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.

1 Petulu 2:20

Vikajo muwanao nga mukakateya mukumipupa omwo munalingi mwamuvi? Oloni nga mukakateya mukuyanda nambe omo munalingi mwamuvwa, Njambi akamivezikisa a cuma eci.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.

1 Petulu 3:16

oloni cilingeni na lyovwa-ovwa na kasingimiko. Citaku-taku ceni cipwe cakutungukwa, ngeci omo vamishaula, co vaje vendeka vyavivi a futisi yeni yaivwa akupwa vaka-kukava Kilistu vazive shwamwa ali vije vendeka.