Loma 14:14 - Livulu lya Shukulu Kalunga

¹⁴ Kulitombola kwange muli Mwene Yesu mwa vushunga cinanjizivukisa ngeci kukwesi vyakulya avyo lika vyakujwala, oloni nga munu akulaela ngeci vyakulya vimo vinapu vyakujwala, ngecivene, vipwa vyakujwala kuli ikeye.

Loma 14:14 Iomraidhean Croise

Mako 7:2

Vamwene ngeci vandongisi vendi vamo valile vyakulya vyavo kujeneka kujwela ku mavoko, kuvajwelele ngwe mu ngila ije ivendekele vaFaliseo ku vanu ngeci valingemo. (

Vilinga vya Miluwa 10:28

Co wendekele kuli vakevo ngwendi, “Yeni munazivuka ngweni kaYunda lishiko lyendi kulimutavesa kwendela nambe kulizema na ava kesi vaYunda. Oloni Njambi nanjimwesa yange ngeci kesi njiyongole munu umo ngwange wakujwala nambe ngwange wakujeneka kujela.

Loma 14:2

Kukulaela kwa munu umo kumutavesa kulya nkala cuma, oloni munu uje kanda akole mukukulaela ikeye alya lika visapa-sapa.

Loma 14:20

Kesi unyongese vije vyanalingi Njambi omwo akulya lika. Vyakulya vyoshe vasa kuvilya, oloni kesi mwamuvwa kulya cuma cimo cije casa kulingisa umo ngeci awile mu vuvi.

Loma 14:23

Oloni nga ikeye ali na vimata ali vije alya, co Njambi amuhisa omo avilya, omwo vilinga vyendi kuvyakundamene akukulaela. Omwo cuma coshe cije kucakundamene akukulaela cinapu vuvi.

1 Kolinte 10:25

Munapande kulya cuma coshe cakulandesa mu mwela wavulandeselo vwa situ, kesi mwihule vihula vimo omwo a citaku-taku ceni.

1 Kolinte 8:10

Omwo nga munu umo uje citaku-taku cendi cinazeye amona yove uli na “mana,” unatumbama mu kazangu ka tumponya ulinakulya, kuma mbunge yendi isimpa kulya vyakulya vyakukombelela ku tumponya ndi?

1 Kolinte 8:7

Oloni kesi ngwe vanu voshe vali na mana awa. Oloni vamo vanezilila tumponya nalelo lino omo valya vyakulya vyangacije vakayongola ngwe vyakundama ku kamponya, citaku-taku cavo cinazeye, co vayongola ngwe valinakulijwalesa omo valya vyakulya vyangacije.

1 Timateo 4:4

Omwo vyuma vyoshe vije vyanatanga Njambi vinapu vyavivwa, nacimo twasa kuvyana cai, oloni vyoshe twasa kuvitambula na lilombelo lyakukandelela,

Tito 1:15

Vyuma vyoshe vinajele kuli vaje vanajele, oloni kukwesi cuma cakujela kuli vaje vanalijwalesa, co lalo kesi vaka-kukulaela, omwo mana avo na citaku-taku cavo vinajwala.