Loma 14:10 - Livulu lya Shukulu Kalunga

¹⁰ Ngecivene, kuli yove ukali lika visapa-sapa, omwo vikajo uhisila mukweni? Co lalo yove ukali coshe-icoshe, omwo vikajo uyengwila mukweni? Yetu voshe tukemana ku mesho a Njambi nakutusompa.

Loma 14:10 Iomraidhean Croise

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Muka-kwambulula 12:14

Njambi akasompa vyuma vyoshe vije tulinakulinga, nambe vyavivwa, nambe vyavivi, nameme vene vyuma vije vyakulingila mu vushweke.

Mateo 7:1

“Kesi muhise vakweni, kutewa neni Njambi akamihisa.

Luka 18:9

Yesu watele cisimo eci lalo kuli vanu vaje vaka-kukulaela vushunga vwavo vavenya nakushaula vakwavo.

Luka 23:11

Helonde na mashwalale vendi vamushendumwine nakumulinga mwamuvi, co vamuzikile nanga yailaja yaivwa, co vamwilwisilile lalo kuli Pilato.

Yowano 5:22

Nambe Ishe kesi kusompa munu. Oloni naana Mwana moko yakusompa,

Vilinga vya Miluwa 10:42

Co watushikile ngeci twambulule lijwi kuli vanu nakwambulula vukaleo ngeci ikeye napu uje vene yavwavesele Njambi kupwa lyaako lya vaka-kuyoya na vatsi.

Vilinga vya Miluwa 17:31

Omwo nemika litangwa lije akasompa kaye koshe mu vushunga ali munalume uje yanaangula. Co a cuma eci naana vukaleo kuli munu woshe akusangula munalume uje ku vatsi!”

Vilinga vya Miluwa 4:11

Yesu ikeye uje visoneka vyendekele ali ikeye ngwavyo, ‘Limanya lije limwayeluwisile yeni vaka-kutunga likelyo linapu lya seo yakama kutuvakana oshe.’

Loma 2:16

Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.

1 Kolinte 4:5

Ngecivene, kesi musompe munu omwo simbu kanda yete. Kusompa kwakumanesela kunavandamena noo Mwene akaija, ikeye akaka a litanya vyuma vyakushweka mu lisusulungu nakusholola vizango vya mu vimbunge vya vanu. Asinoni voshe vakatambula kushangala kuli Njambi kuje kunavapande.

2 Kolinte 5:10

Omwo yetu voshe tunapande kukasholoka ku cisompeselo ca litanda lya Kilistu, ngeci umo na umo akatambule vije vyanapangele, vyavivwa nambe vyavivi, kupwisa ngwe mukuyoya kwa mwonyo wendi wa mu muvila.