Loma 13:9 - Livulu lya Shukulu Kalunga

⁹ Mashiko ngwawo, “Kesi ulinge vupangala, kesi utsiye, kesi wive, kesi uliveyele cuma ca mukweni”, co vyoshe evi, na vyeka lalo, vanavipwisa lishiko limolika ngwavo, “Zema mukweni ngwe muwalizema yove vavenya.”

Loma 13:9 Iomraidhean Croise

VaLevi 19:18

Kesi ukalinge shambandinga vuvi ku vuvi, nambe likiti-kiti lya kumuzinda, oloni zema mukweni ngwe muwalizema yove vavenya. Yange Kalunga.

VaLevi 19:34

Kaleni navo mwamuvwa ngwe mumuli nakukala na vakweni vaIsalele, vazemeni ngwe mumwalizema yeni vavenya. Anukeni ngweni neni lalo mwapwile vaka-kwija mu lifuti lya Ingito. Yange njapwa Kalunga Njambi yeni.

Mateo 22:39

Co lishiko lyamucivali lalo lyakufwa ngwe eli ngwalyo, ‘Unapande kuzema mukweni ngwe muwalizema yove vavenya.’

Mako 10:19

Yove uzivuka mashiko ngwawo, ‘Kesi utsiye, kesi ulinge vupangala, kesi ukaive, kesi ukavangele mukweni vukaleo vwa makuli, kesi ukwise, singimika isho na vanyoko.’ ”

Mako 12:31

Lishiko likwavo lyamucivali lyakama manene ngwe eli, ‘Unapande kuzema mukweni ngwe muwalizema yove vavenya.’ Kukwesi mashiko eka lalo akutuvakana awa avali.”

Luka 10:27

Co uje munalume wakumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na nzili yove yoshe, na mana ove oshe, co zema mukweni ngwe muwalizema yove vavenya.”

Luka 18:20

Yove uzivuka mashiko ngwawo, ‘Kesi ulinge vupangala, kesi utsiye, kesi ukaive, kesi ukavangele mukweni vukaleo vwa makuli, singimika isho na vanyoko.’ ”

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.