Loma 13:12 - Livulu lya Shukulu Kalunga

¹² Vutsiki ololo vukya, litangwa ololo lituuka. Tulikeleni kulinga vyuma vije vyakundama ku lisusulungu, co twambateni vitwa vyakulwa navyo mu mutanya.

Loma 13:12 Iomraidhean Croise

Myaso ya Solomoni 2:17

noo lihunzi lya mutondo lihuwa, co lisusulungu lihwa. Ilukamo, muka-cizemo cange pwa ngwe shonge, pwa ngwe muna nava wa a minkinda ya Mbetele.

Isaya 2:20

Omo litangwa lije lyeta, vanu voshe vakombila kuti tumponya twa ngolinde na tumponya twa siliva tuje tuvanalingi, co vakavisezela vin̄olo na vindima-ndima.

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

1 Kolinte 10:11

Vyuma vyoshe evi vyalingiwile kuli vakevo kupwa cimweso ngeci veka vamweneko, co vavisonekele mukutunangula yetu. Omwo tulinakuyoya a simbu ije ili kuyehi na mamaneselelo.

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

2 Kolinte 10:4

Vitwa vije tulinakupangesa mukulwa kwetu kesi ngwe vitwa vya kano kaye, oloni vitwa vya nzili ya Njambi, ije yasa kunyongesa vimbongi. Tulinakumanesa vimata vya makuli,

2 Kolinte 6:7

na a lijwi lyetu lya vushunga na a nzili ya Njambi. Vushunga tunavupwisa vitwa vyetu vwakulwisa navyo na vyakutwamena.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

Efeso 5:11

Kesi mulipandakane na vyuma vyangoco vije vivakalingi vanu, vyuma vije vinakundama ku lisusulungu. Oloni vishololeni ku ceke.

Efeso 5:8

Laja mwakele mu lisusulungu, oloni omo munapu mu vanu va Mwene, ololo muli mu ceke. Ngecivene, munapande kuyoya ngwe vanu vali mu ceke,

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

VaHevelu 12:1

Ngecivene, omwo tuli na mbunga ya vakaleo vavangi vanatuzengeleka. Tutuleni vyuma vyoshe vije vinatulemena, na vuvi vuje vunakakateya ali yetu mbe, co tushatukeni lumbisi na lukakateya seteko ije vanaka kulutwe lwetu.

Yakomba 1:21

Ngecivene, umbileni kuti vyuma vyoshe vije vinapu vya mazilo na vilinga vyavivi. Likeeseni kuli Njambi nakutambula lijwi lije akuna mu vimbunge vyeni, lije lyasa kumyovola.

Yakomba 5:8

Neni lalo pweni vaka-kusimpa! Nyungeni cinyangavili ceni ngeci ciye kulutwe, omwo litangwa lyakwija kwa Mwene lili kuyehi.

1 Petulu 2:1

Ngecivene, umbileni kuti vyuma vyoshe vyavivi, kesi mwendeke makuli lalo, nambe kulinga civembulu, nambe lifuwa, nambe vyendeka vyakushaula.

1 Petulu 4:7

Kukotoka kwa vyuma vyoshe kuli muyehi. Munapande kulinyunga nakukengelela, ngeci mwase kulombela.

2 Petulu 3:11

Omwo vyuma vyoshe evi vikanyonga mu cifwa eci vene, co yeni munapande kukapwa vanu va muyati uka? Kuyoya kweni kunapande kupwa kwakujela nakulikundika kuli Njambi,

2 Petulu 3:9

Mwene kesi kwishwala akulinga cije canakulaesa, ngwe muvakayongola vamo. Oloni muka-lukakateya ali yeni, omwo kashaka umo akanyonge, oloni ashaka ngeci voshe vatenguluke kutunda ku vivi vyavo.

1 Yowano 2:18

Vana vange vavandondo, eyi ikeyo simbu yakukotoka! Ngwe muvamilekele ngwavo Citozi ca Kilistu alinakwija, co ololo vitozi vavangi va Kilistu vanasholoka laja, co twazivuka ngwetu simbu yakukotoka ilimuyehi.

Kujombolola 1:3

Kuvwaelela kuli uje alinakulava eli livulu, co lalo kuvwaelela kuli vaje vatolilila ku majwi a muzimbu wa vuka-kwimanena nakwononoka vije vivanasoneka mu livulu eli! Omwo simbu ili muyehi omo vyoshe evi vikalingiwa.

Kujombolola 22:10

Co wendekele kuli yange ngwendi, “Kesi upwise cisin̄iko majwi a vuka-kwimanena a mu livulu eli, omwo simbu ili muyehi omo vyuma vyoshe evi vikalingiwa.