Loma 12:9 - Livulu lya Shukulu Kalunga

⁹ Cizemo cinapande kutungukwa. Zindeni vyuma vyoshe vije vinapu vyavivi, kakateyeni kuli vije vyavivwa.

Loma 12:9 Iomraidhean Croise

Myaso 101:3

Kunjikalingi cuma cacivi, njizinda vilinga vya vaka-kujeneka kukulaela kuli Njambi, kunjikombuko mbunge kuli vakevo embwe.

Myaso 119:104

Mashiko ove anjipwise muka-kuzivisisa, ngeci njizinde vyuma vyoshe vyavivi.

Myaso 119:163

Njazinda makuli, oloni njazema mashiko ove.

Myaso 34:14

Atunde ku vuvi nakulinga vyuma vyavivwa, ashakezeke nakukavangeya kwoloka.

Myaso 36:4

Vakatumbu matumbe amavi oku vanalala a vulili vwavo, nacimo cacivwa civakalingi cai, co kuvesi kuvyana cuma cacivi.

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Myaso 55:21

Majwi endi apwile amavwa kutuvakana mavele akukonda, oloni mu mbunge yendi mwakele cizindo, majwi endi apwile amavwa kutuvakana mazi, oloni apwile akuvambuka ngwe vimoko vya mukwale.

Myaso 97:10

Yeni mwazema Shukulu Kalunga munapande kuzinda vuvi, Shukulu Kalunga akanyungu vanu vendi va kulongwa, nakuvapatula ku nzili ya vaka-muuka.

Visimo 26:25

Majwi endi asa kupwa amavwa, oloni kesi uwakulaele, omwo mbunge yendi inashulu manene na cizindo.

Visimo 8:13

Kusingimika Shukulu Kalunga kukekwo kuzinda vuvi, yange njazinda kulyalesa nakulyaka ku vukama, njazinda lalo vingila vya vuvi na majwi a makuli.

Ezekiyele 33:31

Ngecivene, vanu vange valikungulula nakuziva vije wendeka, oloni kuvashaka kulinga vije viwuvaleka ngeci vavilinge. Vapwisa majwi ove ngwe myaso ya cizemo, oloni vatwalao kulinga vingila vyavo vya cipululu.

Amose 5:15

Zindeni vije vyavivi, co zemeni vije vyavivwa, vushunga vusholoke mu mbanja. Amo Shukulu Kalunga akazivilako mema ku mbunge vanu va lifuti eli vaje vacili nakuyoya.

Mateo 26:49

Co Yundasa wetele washungamene vene ali Yesu, co wendekele kuli Yesu ngwendi, “Kwoloka kukale neni Mulongisi,” co wamutsembele.

Yowano 12:6

Ikeye wendekele ngeci, kesi ngwe omwo wazemene tuutu embwe, oloni omwo wapwile mwizi. Ikeye wanyungile cipau ca vimbongo, co wakele nakwiva-iva vije vyakelemo.

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

2 Kolinte 6:6

Akujela kwetu na mukuzivuka na mu lukakateya na mu kutetela twamwesele kupwa tu vangamba va Njambi, ali Munzinzime Wakujela, na a cizemo cakujeneka makuli,

2 Kolinte 8:8

Kesi ngwe njilinakwaka mashiko embwe. Oloni mukumimwesa vati veka vanakwasa, njilinakweseka kuwana mucinafu cizemo ceni.

1 Tesalonika 2:3

Kulombela kwetu kuli yeni kukwemanene a vutumbe vwakusevwisa nambe a matumbe amavi, nambe kukwisa munu umo.

1 Tesalonika 5:15

Kengeni ngeci kesi kukale umo elwisa vuvi ku vuvi, oloni simbu yoshe pweni vaka-kulinga mwamuvwa kuli umo na mukwavo na kuli vanu voshe.

1 Tesalonika 5:21

Pweni vaka-kweseka vyuma vyoshe, co nyungeni vije vinapu vyavivwa,

1 Timateo 1:5

Vutumbe vwa lishiko eli vutunda ku cizemo cakutuuka mu mbunge yakujela, na mu citaku-taku cakutungukwa,nakukukulaela kwa vushunga.

VaHevelu 1:9

Wazema vushunga, co wazinda vuvi. Ngecivene, Njambi, Njambi yove nakuvwavesa na mazi akujolela kuhyana vakweni.”

VaHevelu 12:14

Esekeni kukala mu kwoloka na vanu voshe, co lalo esekeni kuyoya na lyovwa-ovwa, omwo nga evi vyahi ku munu, co kakamono Mwene.

Yakomba 3:17

Oloni mana akutunda mwilu akulivanga apwa akujela, co apwa a kwoloka na vuvwa na vusamba, ashula na mema ku mbunge, co akasholola kuteja kwakuvwa kwa vilinga vyavivwa, co kuwakele na cizindo nameme na civembulu.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 4:8

Akamwa ya vyoshe evi, lizemeni umo na mukwavo na nzili, omwo cizemo cikafwiki vivi vyavingi.