Loma 12:8 - Livulu lya Shukulu Kalunga

⁸ nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

Loma 12:8 Iomraidhean Croise

Kushangumuka 18:19

Njamwangwile ngeci ashike vana vendi na vatekulwila vendi mukunjononoka nakulinga evi vyavivwa na vushunga. Nga vakevo vakacilinga, co njikalinga vyuma vyoshe vije njamukulaesele.”

Myaso 112:9

Munu ou muka-vushunga aana vyuma vyendi kuli vaje vanajeneka na mbunge yendi yoshe, co ngozi yendi kuyesi kwonwa, oloni akapwa muka-nzili na kasingimiko.

Myaso 37:21

Munu muka-vuvi akakumuna, oloni kesi kwilwisa, oloni munu wamuvwa wakala na ngozi nakwana vwana vwendi.

Visimo 22:9

Munu muka-mema ku mbunge akavezika, omwo alinakwana vyakulya vyendi ku tuutu.

Muka-kwambulula 11:6

Kuna mbuto yove mutondo, co twalao nakupanga noo cingwezi. Iyajo azivuka? Amo vipangi vyove vikapwa vyakuvezika, na vimbuto vyove vikamena nakwima vyakulya.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Isaya 32:5

Kukwesi munu akayongola ngeci vilema vakavasingimika, nambe kwendeka ngeci vaka-muuka vakapwa vanu va kulongwa.

Isaya 32:8

Oloni munu wa kasingimiko wapwa wa kulongwa mu vilinga, nakwimana mbe a vije vya vushunga.

Isaya 64:5

Yove ukakwasa vaje vajolela mukwononoka na mukulinga vyuma vya vushunga, vanu vaje vanuka kuyoya muje muushaka yove ngeci vayoyemo. Yove waluvalele netu, omwo twalingile vuvi, nameme wakele na vukalu vwakama, oloni yetu tunakala nakulinga vuvi kutunda ku san̄ulu.

Mateo 25:40

Co mwene akavakumbulula ngwendi, ‘Mwa vushunga njimileka ngwange, omo mwacilingile kuli umo wa ava vavandondo vasamba vange, mwacilingile kuli yange!’

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 13:12

Omo nguvulu wamwene vije vyalingiwile wakulaelele, omwo walikomokelele manene a vilongesa vya Mwene.

Vilinga vya Miluwa 13:15

Omo valavele Lishiko lya Mosesa na visoneka vya vaka-kwimanena, co vakulunu va sinangonge vatumine lijwi kuli vakevo ngwavo, “Vandolome, tumishaka ngeci mwendeke kuli vanu nga muli na lijwi lyakuvatakamesa.”

Vilinga vya Miluwa 15:32

Co Yundasa na Silasi vaje vapwile vaka-kwimanena, vendekele simbu yakama navo mu kuvasimpisa nakuvatakamesa.

Vilinga vya Miluwa 20:2

Co wetile mu mitambela ije nakutakamesa vanu na majwi amangi. Co waile ku Akaya,

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 4:36

Co Yosefa, kaLevi uje wasemukilile mu Sepulasi, uje miluwa vamutumbwile ngwavo Mbanambasa (kulumbunuka ngwavo, “Muka-kuzembeleka”),

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Loma 13:6

Omwo eci cikeco lalo mulinakufwetela lisimu, omwo vaka-kushwana valinakupangela Njambi omo vashulisa vipangi vyavo.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

1 Kolinte 14:3

Oloni vaje vambulula lijwi lya Njambi vendeka kuli vanu nakuvakwasa nakuvakolesa nakuvazembeleka.

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

2 Kolinte 9:11

Co ikeye lalo simbu yoshe akamipwisa vaka-kufuka vakupwamo ngeci mwane a simbu na simbu, ngeci vavangi vakakandelele Njambi a vwana vweni vuje vutunda kuli yetu.

2 Kolinte 9:13

Co omwo vukaleo vuje vwa vipangi vyeni vunasholoka, vavangi vakana vumpau kuli Njambi omwo kulongwa kweni ku muzimbu wauvwa wa Kilistu, uje umunatava, na vungulu vweni mukulipangela navo na voshe veka lalo.

2 Kolinte 9:7

Ngecivene, umo na umo napande kwana ngwe mwanayongwela, kesi ngwe kuvyana na vusiwa nambe ngwe akusindiya, omwo Njambi azema uje ana nakujolela.

Efeso 6:5

Eni vindungo, ononokeni kuli vashukulu veni va ano asi na lyova nakujaja, co lingeni eci na mbunge ya lyovwa-ovwa, ngwe vene mulinakupangela Kilistu.

Kwituluka mu Mashiko 15:14

Mukamwaneko ku vije vyanamivezikisa Shukulu Kalunga, vimanga, na vimbuto, na vinyu.

Kwituluka mu Mashiko 16:11

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje mulinakukala navo, na vaka-kwija, na visiwa, na vifwile vaje valinakukala akati keni. Mukalingila eci ku mwela uje wakaangula Shukulu Kalunga wakumulemesela.

Kolose 3:22

Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene.

1 Tesalonika 2:3

Kulombela kwetu kuli yeni kukwemanene a vutumbe vwakusevwisa nambe a matumbe amavi, nambe kukwisa munu umo.

1 Tesalonika 2:8

Omwo a cizemo cetu kuli yeni twalivwaeselele ngeci tulipangele neni amo, kesi lika Vin̄anda Vyavivwa vyakutunda kuli Njambi oloni na myonyo yetu lalo. Omwo yeni munapu vaje vatwazema manene!

1 Timateo 4:13

Ana simbu yove kukulava lijwi kuli vanu na kukwambulula na kukulongesa, noo njikaija.

1 Timateo 5:17

Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

1 Timateo 6:18

Vashike kulinga mwamuvwa, kupwa vaka-kufuka mu vipangi vyavivwa, vapwe vaka-kushemutuka nakulivwaesela kwanako vakwavo veka lalo.

VaHevelu 10:25

Kesi tulikele kulikungulula amolika, ngwe futisi ya vamo. Oloni tulikoleseni umo na mukwavo nakuhyana, omwo Litangwa lya Mwene lili muyehi.

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

VaHevelu 13:22

Njilinakumilomba vakwetu, ngwange, tolilileni nakusimpa ku lijwi eli lyakumikolesa, ou mukanda njamisonekela kesi majwi amalaja embwe.

VaHevelu 13:24

Aneni ciindu kuli voshe vantwama veni na kuli vaka-kukulaela voshe. Vakwetu va ku Itali vanatumu ciindu kuli yeni.

VaHevelu 13:7

Anukeni vantwama veni va ku san̄ulu, vaje vamilekele lijwi lya Njambi. Yongoleni vya kunima vati vakevo vayoyele na kutsa, co tembunwineni kukukulaela kwavo.