Loma 12:7 - Livulu lya Shukulu Kalunga

⁷ nga vwakupangela, co tunapande kupanga vene, nga vwakulongesa, tulongeseni vene,

Loma 12:7 Iomraidhean Croise

Myaso 34:11

Ijeni vana vange, njitolilileni, co njikamilongesa kukomoka Shukulu Kalunga.

Myaso 51:13

Asinoni njikalongese vaka-kuvulumuna mashiko ove, ngeci vakatengulukile kuli yove. Yove Njambi muyoyesi wange.

Muka-kwambulula 12:9

Oloni omwo Muka-kwambulula wapwile muka-mana, walongesele vanu vije vyazivukile. Ikeye walilongesele visimo, co welwile vushunga vwavyo.

Isaya 21:8

Muka-kunyunga wendekele ngwendi, “Mwane, njinemana simbu yoshe nakunyunga mutanya na vutsiki.”

Mateo 28:19

Ngecivene, yeni oni, ku miyati yoshe nakuvapwisa vandongisi vange, vambwitikeni mu lizina lya Tate, na Mwana, na Munzinzime Wakujela.

Yowano 3:2

Munalume ou waile kuli Yesu vutsiki, co wendekele kuli ikeye ngwendi, “Mulongisi, twazivuka ngwetu yove u mulongisi wakutunda kuli Njambi. Omwo naumo wai asa kulinga vizivukiso viwulinakulinga kuvanga Njambi akale amo nendi.”

Vilinga vya Miluwa 13:1

Mu cikungulukilo ca ku Antyoke kwakele vamo vaka-kwimanena na valongisi, Mbanambase na Simyoni (uje vatumbwile ngwavo Wakuzivala), na Lusiyasi (uje watundile ku Silene) na Manaene, (uje uvalelelele amo na Nguvulu Helonde), na Saulu.

Vilinga vya Miluwa 20:20

Mwazivuka ngweni kunjalikelele kulinga cuma cimo cije capwile cakumikwasa omo njambulwile nakulongesa mu mbunga na mu vinjuvo vyeni.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 6:1

Munima yevi, omo vandongisi vakele nakupwa vavangi, kwakele vaYunda vaje vendekele ndaka ya ciNgiliki valingile vimata na vaYunda vaje vendekele ndaka ya ciHevelu. VaYunda vaje vendekele ndaka ya ciNgiliki vendekele ngwavo vifwile vavo kuvakele nakuvana vimbongo vya na litangwa na litangwa.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

1 Kolinte 12:5

Kuvili vingila vyavingi vyakupanga, oloni Mwene umolika ivalinakupangela.

1 Kolinte 14:26

Evi vikevyo njendeka, vavusamba vange. Omo mukunguluka amo nakulemesa, munu umo ali na mwaso, weka ali na cilongesa, weka asholola vya Njambi, weka ali na lijwi mu vindaka vyeka, co weka lalo anungulule vije vanendeka. Vyuma vyoshe vinapande kukwasa cikungulukilo.

Ngalatiya 6:6

Munu uje valinakulongesa lijwi lya vuka-Yesu napande kulipangela vyuma vyoshe vyavivwa vije alinavyo na mulongisi wendi.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

Kwituluka mu Mashiko 33:10

Vakevo vakalongesa vanu vove, kwononoka mashiko ove, vakakombelela vin̄ombelo a mutula wove.

Kolose 4:17

Co lekeni Acipase ngweni, “Kenga ngwove unamanesa vipangi vije vivakwanene mukupangela Mwene.”

1 Timateo 2:7

omwo eci cikeco cuma vanjangwilile kupwa muluwa na mulongisi kuli vaje kesi vaYunda, nakwambulula lijwi lyakukulaela na lya vushunga. Kunjendeka makuli embwe, njilinakumileka vushunga!

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 4:16

Linyunge yove vavenya, co lalo ilula vilongesa vyove. Twalao nakulinga vyuma evi, omwo nga yove ulinga vyuma evi, ukalyamena yove vavenya na vaje vakakutolilila.

1 Timateo 5:17

Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

2 Timateo 2:2

Tambula vilongesa vije wazivile kuli yange omo njambulwile ku mesho a vakaleo vavangi, co vikundike ku vanu vavavwa, vaje vasa kulongesa vakwavo veka lalo.

2 Timateo 2:24

Ngwe ngamba ya Mwene, kuwapandele kupwa muka-vimata. Unapande kupwa muka-ngozi kuli voshe, mulongisi wamuvwa wa lukakateya,

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

1 Samwele 12:23

Ngwe ali yange ni, cikale kulyala nange kesi njivulumune kuli Shukulu Kalunga, njilikele kumilombelela. Oloni, njikamilongesa vije vyavivwa vyakushungama.