Loma 12:6 - Livulu lya Shukulu Kalunga

⁶ Ngecivene, tunapande kupangesa vwana vwetu vwakulyangunuka ngwe ku mema ku mbunge a Njambi aje anatumwesa. Nga vwana vwetu vunapu vwakwambulula lijwi lya Njambi, co tunapande kwambulula kupwisa ngwe nakukulaela kwetu tulinakwo,

Loma 12:6 Iomraidhean Croise

Mateo 23:34

Ngecivene, njimileka ngwange, njikamitumina vaka-kwimanena na vaka-mana, na valongisi va majwi a Lishiko, vamo mukavatsiya, co vakwavo mukavashukika a cilindakano, veka lalo mukavapupanga makote mu masinangonge eni, co mukavasheka ku nganda na nganda.

Mateo 25:22

“Na uje ngamba watambwile vimbongo vyakupwa 2,000 nendi lalo wezile, co wendekele ngwendi, ‘Shukulu, mwanjanene vimbongo vyakupwa 2,000. Kengeni! Njinawanao lalo vimbongo vyeka vyakupwa 2,000.’

Luka 11:49

A cuma eci Mana a Njambi anendeka ngwawo, ‘Njikavatumina vaka-kwimanena na miluwa, vakatsiya vamo vavo, co vamo vakavayandesa.’

Vilinga vya Miluwa 13:1

Mu cikungulukilo ca ku Antyoke kwakele vamo vaka-kwimanena na valongisi, Mbanambase na Simyoni (uje vatumbwile ngwavo Wakuzivala), na Lusiyasi (uje watundile ku Silene) na Manaene, (uje uvalelelele amo na Nguvulu Helonde), na Saulu.

Vilinga vya Miluwa 15:32

Co Yundasa na Silasi vaje vapwile vaka-kwimanena, vendekele simbu yakama navo mu kuvasimpisa nakuvatakamesa.

Vilinga vya Miluwa 2:17

‘Njambi alinakwendeka ngwendi, Evi vikevyo njikalinga ku matangwa akukotoka, njiketila Munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co vakwenje veni vakamona vimona, co tukulukazi veni vakalota vinjozi.

Vilinga vya Miluwa 21:9

Co wakele na vana vendi vawana va vanakazi vazike vaje vakele nakwambulula muzimbu wa Njambi.

Loma 1:11

Omwo njishaka manene kumimona, njakumyane vwana vwa vivezikiso vya munzinzime mukumitakamesa.

Loma 12:3

Omwo vwana njinatambula vwa mema ku mbunge a Njambi njilinakwendeka kuli yeni voshe ngwange, kesi muliyongole yeni vavenya kupwa muvakama manene kutuvakana omu mumunapu. Oloni, munapande kulikeesa mu viyongola vyeni, liiluleni yeni vavenya ngwe kukukulaela kweni kuje kwanamyana Njambi.

1 Kolinte 12:18

Ngecivene, ngwe omo muvinapu, Njambi naaka vilyo vyoshe vyakuliseza-seza mu muvila ngwe mwayongwele.

1 Kolinte 13:2

Co nambe njili na vwana vwakwambulula nakuzivisisa vyuma vyakushweka, co nga njili nakukulaela kwoshe ngeci njase kushwenyesa minkinda, oloni nga kunjesi na cizemo njinapu wangoco.

1 Kolinte 14:1

Ngecivene, munapande kushakezeka cizemo. Akeni vimbunge vyeni ku mavwana a munzinzime, manene a vwana vwakwambulula lijwi lya Njambi.

1 Kolinte 14:24

Oloni nga voshe valinakwambulula lijwi lya Njambi omo vamo vaka-kujeneka kukulaela nambe vanu veka vakovelamo, vimbunge vyavo vikavasholwela vuvi vwavo a vyuma vije vanazivi. Vyoshe vije vaziva vikavahisa,

1 Kolinte 14:29

Vavali nambe vatatu vaje vavanaana kwambulula lijwi lya Njambi vanapande kwendeka, simbu oyo vakwavo valinakwilula vije valinakwendeka.

1 Kolinte 3:5

Apolo ikeye iya? Co Paulu ikeye iya? Tunapu vangamba va Njambi, ali yetu vene yeni mwakulaelele. Yetu tulinakupanga vipangi vije vyatwanene Mwene ngeci tuvilinge,

1 Kolinte 7:7

Nameme ngoco njishaka ngwange muva voshe mufwe ngwe yange, oloni munu na munu ali na vwana vuje vwanamwana Njambi, ou na vwana vwendi, mukwavo lalo na vwana vweka.

2 Kolinte 8:12

Omwo nga yeni muli na cizango cakwana, co Njambi akatambula vwana vweni ali vije mulinavyo kuvihana, oloni kesi ali vije kumwesi navyo.

Efeso 3:5

Mu simbu ya kunima vanu kuvavalekele visin̄iko evi, oloni Njambi navisholola ololo ali Munzinzime wendi kuli miluwa vendi vakujela na kuli vaka-kwimanena vendi.

Efeso 4:11

Ou ikeye uje “waanene vwana kuli vanu”. Wemikile vamo kupwa miluwa, vakwavo kupwa vaka-kwimanena, vakwavo kupwa vaka-kwambulula, vakwavo kupwa tunyungi na valongisi.

Filipu 3:15

Yetu voshe tunakolo mu vyuma vya munzinzime tunapande kukala na mbunge yangacije. Oloni nga vamo veni vali na cifwa ca muyati weka, Njambi akasholola mwamuvwa cuma eci kuli yeni.

1 Tesalonika 5:20

kesi mwombwanese lijwi lya Njambi.

2 Petulu 1:20

Nameme ngoco, akamwa ya vyoshe evi, anukeni ngeci naumo wai wetu asa ikeye vavenya kunungulula a lijwi lya vuka-kwimanena mu Visoneka.