Loma 12:2 - Livulu lya Shukulu Kalunga

² Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 12:2 Iomraidhean Croise

Ezela 10:11

Ngecivene, ololo, litaveleni vuvi vweni kuli Shukulu Kalunga, Njambi ya vakukulwila veni, nakulinga vije asshaka. Lyangunukeni na vanu va mu lifuti lino, co lalo lyangunukeni na vanakazi vaje kesi vaYunda.”

Myaso 119:103

Majwi ove apwelelela mu kanwa kange, apwelelela manene kutuvakana ngenga ya vuki!

Myaso 119:128

Njikakava vilongesa vyove vyoshe, oloni njazinda vingila vyoshe vya kupenga-penga.

Myaso 119:174

Njikuvandamena ngeci unjamene Shukulu Kalunga, mashiko ove anjivwaelelesa.

Myaso 119:72

Lishiko lyakutunda mu kanwa kove lyalivwa manene kuli yange, kutuvakana vufuko vwoshe vwa ano asi.

Myaso 119:97

Yange njazema manene mashiko ove! Co njikawayongola litangwa lyoshe.

Myaso 34:8

Kengeni mumone ngeci Shukulu Kalunga wapwa wamuvwa! Navezika munu uje atewela muli ikeye.

Myaso 51:10

Yove Njambi, tanga mbunge yakujela muli yange, co aka cizemo caciha cije kucesi kutenguluka muli yange.

Kutuuka 23:2

Kesi mulizivasane na vanu vavangi omo vakevo valinga mwamuvi nambe omo vendeka vukaleo vwakutengulula vushunga.

Ezekiyele 18:31

Sezeni vuvi vwoshe vuje munakele nakulinga, co kaleni na mana amaha na vimbunge vyaviha. Omwo vikajo yeni vaIsalele mushaka kutsa?

Ezekiyele 36:26

Njikamyana vimbunge vyaviha na mana amaha. Njikatundisa vimbunge vyeni vyakukaluwa vya mamanya nakumyana vimbunge vyakwononoka.

Mateo 13:22

Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka.

Mako 4:19

oloni akulishoshomwena kwa ano asi, nakuzema vufuko, na vyeka lalo vyavingi vya mashungu akuliseza-seza vivazengeleka vitinikisa lijwi, co kuvasa kwima vushuka.

Yowano 14:30

Kunjesi na kwendeka neni vyavingi ololo, omwo muka-kushwana wa ano a kaye alinakwija. Kesi na nzili ali yange,

Yowano 15:19

Nga mwapwile vaka-kaye, asinoni nga vaka-kaye vamizema ngwe mu vavo. Oloni omwo njamyangwile akati ka vaka-kaye, co kumwakundamene ku vaka-kaye, ngecivene, mukemwo vaka-kaye vamizindi.

Yowano 17:14

Njavanene muzimbu wove, co vaka-kaye vavazindile, omwo vakevo kesi vaka-kaye, ngwe omo yange kesi nji muka-kaye.

Yowano 7:7

Vaka-kaye kuvasa kumizinda, oloni vazinda yange, omwo njilinakuvaleka ngwange vingila vyavo vinapu vyavivi.

Loma 12:1

Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 13:14

Oloni zaleni vitwa vya Mwene Yesu Kilistu, kesi mwanuke lalo cifwa ceni ca vusitu nakukavangeya mashungu aco embwe.

Loma 7:12

Ngecivene, Lishiko likelyo lyapwa lyakujela, co nakushika kwapwa kwakujela na vushunga na vuvwa.

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

Loma 7:22

Omwo njivwaelela mu Lishiko lya Njambi mukati ka muvila wange.

1 Kolinte 3:19

Omwo vije vayongola vaka-kaye ngwavo vinapu vya mana, ku mesho a Njambi vinapu vya vulema. Ngwe muvyendeka visoneka ngwavyo, “Njambi akakwata vaka-mana mukunyanyama kwavo”,

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Ngalatiya 1:4

Uje walyecele ikeye vavenya omwo vuvi vwetu, ngeci atwamene ku simbu ino yaivi, ngwe ku cizango ca Njambi Tatetu,

Efeso 1:18

Njilomba lalo ngeci atonese mesho a vimbunge vyeni ngeci mumone ceke cendi, ngeci mwase kuzivuka cinyangavili cije wamisaneneco, muzivuke vufuko vuje vwakukomokesa vwa vivezikiso vije akulaesa vanu vendi,

Efeso 2:2

A simbu ije mwakavangeyeye vingila vya vuvi vwa ano a kaye, mwononokele ku mwene wa vushwana vwa mu mukambwila, ku munzinzime ou ololo alinakutwamenena vanu vaje kuvesi nakwononoka Njambi.

Efeso 5:17

Ngecivene, kesi mupwe vilema, oloni lingeni vije vyashaka Mwene ngeci muvilinge.

Kolose 1:9

Omwo a cuma eci, simbu yoshe tukamilombelela, tunde aje twazivile vya ali yeni. Tulomba Njambi ngeci amishulise na mana a cizango cendi, na mana oshe nakuzivisisa kwoshe kuje kwanamyana Munzinzime wendi.

Kolose 3:10

co munazala vunu vwavuhwa. Ovu vunapu vunu vwavuhwa vuje Njambi, Ishamatanga wavwo alinakuvutungulula mu cifwa cendi vavenya, ngeci amishwenyese kukushula kwa mana akumuzivuka.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 4:3

Njambi ashaka ngeci mupwe vakujela nakupatuka ku vupangala.

Tito 3:5

ikeye watwovwele. Kesi ngwe ku vilinga vyetu vavenya vyakushungama vitwalingile embwe, oloni omwo ku kutetela kwendi vavenya ngeci watwovwele, ali Munzinzime Wakujela uje natwana kusemuka kwakuhwa na mwonyo wauha akutukusha.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

Yakomba 4:4

Yeni vanu vakwonwa kulongwa! Kuma kumuzivuka ngweni vusamba na kaye vwapwa vutozi kuli Njambi ndi? Woshe uje ashaka kulipwisa musamba wa kaye nalipwisa ikeye vavenya citozi ca Njambi.

1 Petulu 1:14

Pweni vaka-kwononoka kuli Njambi, co kesi mutave kuyoya kweni vacendese ku vizango vije mwakele navyo omwo mwakele ku nzimba.

1 Petulu 1:18

Omwo mwazivuka ndando ije ivamipatwile nayo mukumitundisa ku mwonyo wangoco uje mwatambwile kuli vakukulwila veni. Kucapwile cuma cije casa kunyonga ngwe siliva nambe ngolinde,

1 Petulu 2:3

Ngwe muvyendeka visoneka ngwavyo, “Omwo munamakela ku ngozi.”

1 Petulu 4:2

Ngecivene, kutunda ano kutwala kulutwe, munapande kuyoya yoyesi yeni ya ano asi ku nzili ya vutumbe vwa cizango ca Njambi, kesi ku mashungu a vunu embwe.

2 Petulu 1:4

Mu ngila eyi vene ikeye natwana vwana vwakama vwa seo vuje wakulaesele, ngeci a vwana ovu mwase kutunda ku lishungu lije linyongesa lije lili muno mu kaye, ngeci mwije mulipangele cifwa ca vuNjambi.

2 Petulu 2:20

Omwo nga vanu vanaputumuka ku vinzili vyakuviya vya kaye a mana avo ali Mwene yetu na Muyoyesi wetu Yesu Kilistu, co lalo vakwatiwa ku vikevyo nakuvafungulula, vanu va cifwa cangacije kuviya kwavo kwakukotoka kukatuvakana manene kuje kwakulivanga.

1 Yowano 3:13

Ngecivene, vasamba vange, kesi mukomoke nga vanu vaka-kaye vamizinda.

1 Yowano 5:19

Twazivuka ngwetu tunakundama kuli Njambi nambe kaye koshe kali mu nzili ya Uje Liyavola.

Kujombolola 12:9

Co uje canza-ngombe wakama vamumbilile asi, uje linyoka wa ku san̄ulu vatumbula ngwavo Liyavola, uje wakwisile kaye koshe. Vamumbilile asi amo na tungelo twendi voshe.

Kujombolola 13:8

Vanu voshe vakala ano asi vakamulemesa, kuvanga lika vaje mazina avo vawasonekele simbu kanda vatange kaye mu livulu lya mwonyo lya Muna Manga uje ivatsiile.