Loma 12:13 - Livulu lya Shukulu Kalunga

¹³ Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

Loma 12:13 Iomraidhean Croise

2 Samwele 17:29

na vuki, na mavele, na vimanga, na mavele akutunda ku vingombe. Vavinenele kuli Ndaviti na vanu vendi ngeci valye, omwo vayongwele ngwavo, “Vanu vanajuka vali na njala na lihwila mu mambo.”

2 Vimyene 4:10

Tumutungile kamulili akamwa ya njuvo, twakemo vulili, na mesa, na citumbamo, na ndeya, co ase kukalamo oshe aje ezila nakutusikamesela.”

Myaso 41:1

Navezika munu uje ayongola ali vaka-kuzeya, Shukulu Kalunga akamukwasa a litangwa lya tuyando.

Visimo 31:20

Ikeye wakala na cizemo kuli vaka-kuutwa, na kuli vaka-kujeneka.

Mateo 25:35

Omwo njakele na njala, co mwanjilisile, njakele na lihwila, co mwanjinwisile, njapwile nji mungenzi, co mwanjitambwile,

Vilinga vya Miluwa 10:4

Co ikeye wakengele kuli uje kangelo shwii na lyova wendekele kuli ikeye ngwendi, “Vika, Mwene?” Co kangelo wendekele ngwendi, “Malombelo ove na vwana vwove vinete kuli Njambi, vinapu vyakukwanukilao.

Vilinga vya Miluwa 4:35

co vavyanene kuli miluwa, co vije vimbongo vavipangelele ku munu na munu ngwe kukujeneka kwendi.

Loma 12:8

nga vwakutakamesa vakwetu, co tunapande kulinga ngacije vene. Woshe uje muka-kwana vakwavo napande kucilinga na lyovwa-ovwa, co woshe uje muka-kushwana napande kupanga manene na nzili, woshe uje amwesa ngozi kuli vakwavo napande kucilinga na mbwase.

1 Kolinte 16:15

Munazivuka Setefanase na naanga yendi, vakevo vaka-Yesu vakulivanga kutenguluka mu Akaya, co vanalyana vakevo vavenya kupangela vanu va Njambi. Njimilambelela, vavusamba vange,

2 Kolinte 9:1

Kunjapandele lalo kumisonekela a ngila yakukwasa nakutuma vwana kuli vanu va Njambi vali mu Yundeya.

2 Kolinte 9:12

Omwo vipangi vije mulinakupana kesi ngwe vikwasa lika vanu va Njambi, oloni cinasholola lalo kushemutuka kwa kukandelela kwakama kuli Njambi.

Ngalatiya 6:10

Ngecivene, ngwe omo tuli na simbu, tunapande kulingila vuvwa kuli munu na munu, vunene vene kuli vaje vanakundama ku naanga yetu mukukulaela.

1 Timateo 3:2

Ntwama wa cikungulukilo napande kupwa munu wakujeneka mulonga, napande kupwa munalume wa munakazi umolika, kesi muka-kunwa vyakupendesa, muka-kulinyunga, muka-kulongwa, napande kujumbula vangenzi ku njuvo yendi, uje asa kulongesa vakwavo,

1 Timateo 5:10

co ali na lutsimo lwa vilinga vyavivwa, munakazi uje nalele vana vendi mwamuvwa, muka-kutambula vangenzi ku njuvo yendi, muka-kulinga vilinga vya kulikeesa kuli vakwavo vaka-Yesu, nakukwasa vaje vali mu tuyando nakulikundika ku vipangi vyavivwa.

Tito 1:8

oloni apwe muka-kujumbula vangenzi na muka-kuzema vyavivwa. Napande kupwa muka-kulinyunga, muka-kushungama, muka-kujela na muka-kwononoka.

Tito 3:14

Vanu vetu vanapande kulilongesa kukala na simbu yakulinga vipangi vyavivwa, ngeci kesi vajeneke cuma cimo, co kuvapandele kuyoya mu vyuma vyangoco-ngoco.

Filimoni 1:7

Cizemo cove, ndolome yange, cinanjinenela kuvwaelela kwakama nakunjitakamesa manene! Omwo yove unavwaelelesa vimbunge vya vanu va Njambi voshe.

VaHevelu 13:16

Kesi mwivale kulinga mwamuvwa nakulikwasa umo na mukwavo, omwo evi vikevyo n̄ombelo vivwaelelesa Njambi.

VaHevelu 13:2

Anukeni kutambula vangenzi mwamuvwa ku vinjuvo vyeni. Omwo kwakele vamo vacilingile, co vatambwile tungelo kujeneka kuzivuka.

VaHevelu 6:10

Omwo Njambi kesi kwonwa, ngeci evale vipangi vyeni vimwalingile, nambe cizemo cendi cimunamwesa omwo lizina lyendi, omo yeni mwakwasele vaka-kukulaela, na ololo mucili nakuvakwasa.

1 Petulu 4:9

Lijumbuleni umo na mukwavo kujeneka kungunguta.

1 Yowano 3:17

Nga yetu tunafuku, co tumona vakwetu vanajeneka, co tukala na vukundwisi mu vimbunge vyetu kujeneka kuvakwasa, vatijo twendeka ngwetu tulinakuzema Njambi?

3 Yowano 1:5

Musamba wange injazema, unapu wa kulongwa mu vipangi vyove ulinakulinga kuli vakweni vaka-Yesu, nameme omo vakevo vanapu vangenzi.