Loma 12:11 - Livulu lya Shukulu Kalunga

¹¹ Pangeni manene na nzili kesi mupwe volwa. Pangeleni Mwene nakulyakako na mbunge yoshe.

Loma 12:11 Iomraidhean Croise

Kutuuka 5:17

Co mwene wavakumbulwile ngwendi, “Yeni mu volwa kumushaka lika kupanga, ngeci mulinakunjilomba ngweni njimitave muye nakukombelela kuli Shukulu Kalunga.

Visimo 10:26

Kesi utume mulwa akupangele cuma cimo, ikeye napu ngwe vinyu vyakungangamena ku mayo ove, nambe ngwe vwisi vutapata mu mesho ove.

Visimo 13:4

Mulwa nameme ashaka vati cuma oloni kakaciwana, oloni muka-kuundangana manene akawana vyuma vyoshe vije vyashaka.

Visimo 18:9

Muka-kupanga vipangi vyendi na vulwa, napu kavushoko ka munu muka-kushangumuna vukalu.

Visimo 22:29

Nga upanga vipangi vyove mwamuvwa, co ukapangela vimyene, kuukapangela vanu vangoco embwe.

Visimo 31:15

Enduka omo kanda litangwa lituuke, mukuvwaesela naanga yendi vyakulya, nakuleka vangamba vendi va vambanda vije vivanapande kupanga.

Muka-kwambulula 9:10

Panga na nzili mu vyuma vyoshe vije viwulinga, omwo ulinakuya ku vukalo vwa vatsi kuje kukwesi vipangi lalo vyai, kukwesi kuyongola, kukwesi kuzivuka, kukwesi mana.

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Mateo 24:12

Co omwo vuvi vunatumu, cizemo ca vanu ku vakwavo vanu cikatonola.

Mateo 25:26

Oloni shukulu yendi wamukumbulwile ngwendi, ‘Ove ngamba wamuvi wa vulwa! Wanjizivukile ngwove yange njikateje kuje kunjakuvile, nakukungulula kuje kunjashandwelele?

Vilinga vya Miluwa 18:25

Vamunangwile laja mu ngila ya Mwene, co wakele na ntwima yakwambulula nakulongesa mwamuvwa vyuma vya ali Yesu. Nameme ngoco, wazivukile lika vyakumbwitika kwa Yowano.

Vilinga vya Miluwa 20:19

Nakulilumbilisa kwoshe amo na misozi njapangele vipangi vyange ngwe ngamba ya Mwene mu visimbu vyakukaluwa vije vyezile kuli yange omwo a matumbe a vaYunda akunjilwisa.

1 Kolinte 7:22

Omwo ndungo uje ivanasana kuli Mwene napu munu wa Mwene wakupatuka, mu ngila imo vene, uje munu wakupatuka ivanasana kuli Kilistu napu ndungo yendi.

Efeso 4:28

Munu uje wevile kapandele lalo kwiva, napande kushangumuka kupanga, ngeci ayoye mwamuvwa ikeye vavenya, co ase kukwasa lalo tuutu.

Kolose 4:1

Eni vashukulu, lingeni mwamuvwa na vushunga kuli vindungo veni. Anukeni ngweni neni muli na Shukulu.

1 Timateo 5:13

Co lalo vanalilongesa kumbila simbu yavo mukwendangana ku njuvo na njuvo, oloni nameme ngoco, vanalilongesa lufwe nakulikovelesa mu vyuma vyambala, nakwendeka vyuma vije kuvyavapandele kuvyendeka.

VaHevelu 12:28

Ngecivene, tukandeleleni omwo tukatambula vumwene vuje kuvwesi kujaja. Tukandeleleni nakulemesa Njambi na ngila ije yasa kumuvwaelelesa na kalemeso na lyova,

Yakomba 5:16

Ngecivene, litaveleni vivi vyeni kuli umo na mukwavo, co lilombeleleni umo na mukwavo, ngeci vamikangwise. Lilombelo lya munu muka-vushunga lili na nzili manene mukupanga.

1 Petulu 1:22

Ololo munalijelesa akwononoka ku vushunga, co muli na cizemo cacivwa kuli vasamba veni vaka-kukulaela, lizemeni umo na mukwavo na vimbunge vyeni vyoshe.

1 Petulu 4:8

Akamwa ya vyoshe evi, lizemeni umo na mukwavo na nzili, omwo cizemo cikafwiki vivi vyavingi.

Kujombolola 2:4

Oloni kuli cuma cimo njalinyenge ali yove, kuwesi nakunjizema ngwe muje muwanjizemene akulivanga.