Loma 12:1 - Livulu lya Shukulu Kalunga

¹ Ngecivene, vakwetu, omwo mema ku mbunge a Njambi akama manene kuli yetu, njimilambelela ngwange, lilambuleni yeni vavenya kuli Njambi ngwe n̄ombelo yakuyoya, likundikeni ku vipangi vyendi nakumuvwaelelesa. Oku kukekwo kulemesa kwa vushunga kuje munapande kulinga.

Loma 12:1 Iomraidhean Croise

Myaso 116:12

Cuma mukajo cinjikana kuli Shukulu Kalunga, omwo avivezikiso vyendi vyoshe kuli yange?

Myaso 19:14

Majwi ange na viyongola vyange, vipwe vyavivwa ku mesho ove Shukulu Kalunga, limanya lyange na numbi yange ya lukule milonga!

Isaya 56:7

“Njikamitwala ku Siyone, lilundu lyange lyakujela, co njikavajolesa mu Njuvo yange yakulombelela, co njikatambula vin̄ombelo vije vimukombelela a mutula wange. Co Njuvo yange vakaitumbula Njuvo yakulombelela miyati yoshe.”

Njelemiya 6:20

Omwo vikajo vanjinenela insense yakutunda ku Shemba, nambe n̄undu yakutunda ku lifuti lya kulyala? Kunjikatambula vin̄ombelo vyavo nambe kuvwaelela navyo.

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Kulava 7:21

Walambwile lalo muna ngombe wa nkomba umo, na lijamba lya manga umo, co na muna manga umo wa mwaka umo kupwa mulambu wa kwenyeka.

Luka 7:47

Njikuleka ngwange, vivi vyendi vyavingi vanavisambesa omwo namwesa cizemo cendi cakama. Oloni kuli uje vanecela vyavindondo, akamwesa cizemo cacindondo.”

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 15:16

akupwa ngamba ya Kilistu Yesu akupangela vaje kesi vaYunda. Njilinakupanga ngwe muka-kukombelela mukwambulula Vin̄anda Vyavivwa vya Njambi, ngeci n̄ombelo ya vaje kesi vaYunda Njambi aitambule, ije Munzinzime Wakujela nakundika kuli ikeye.

Loma 15:30

Njimilambelela vakwetu, ali Mwene yetu Yesu Kilistu na a cizemo ca Munzinzime ngwange, likumbasaneni amo nange mukunjilombelela manene kuli Njambi.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Loma 6:13

Nambe vilyo vyeni kesi muvyecele ku vuvi mukuvipangesa mu vyuma vya kupenga-penga. Oloni likundikeni kuli Njambi, ngwe vanu vaje vavanatundisa ku kutsa nakuvatwala ku mwonyo, co kundikeni vilyo vyeni vyoshe kuli Njambi ngeci vavipangese mu vyuma vya vushunga.

Loma 6:16

Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Loma 6:19

(Njilinakupangesa majwi aasi kuwakwata omwo kuzeya kwa vimbunge vyeni vya vunu.) A simbu imo mwalikundikile muvamutunu kupwa vindungo va vyuma vya mazilo na ku kupenga-penga ngeci mulinge vyuma vya kupenga-penga. Mu ngila eyi vene ololo munapande kulikundika muvamutunu kupwa vindungo va vushunga ngeci mulinge vyuma vya kujela.

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

1 Kolinte 1:10

Njimilambelela vavusamba vange, na moko ya Mwene yetu Yesu Kilistu ngwange, lizivasaneni mu vyoshe vimwendeka, ngeci kesi kukakale kulyangunuka akati keni. Oloni litomboleni mwamuvwa, na viyongola vimo na cizango cimo.

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

2 Kolinte 4:1

Njambi mukutetela kwendi natwana vipangi evi, ngecivene, kutwasa kujuka.

2 Kolinte 4:16

Omwo cuma eci kutwasa kwombwa nambe muvila wetu ulinakunyonga, oloni munu wetu wa mukati akatulingisa vuhwa a litangwa na litangwa.

2 Kolinte 5:20

Ngecivene, omo tuli ano, tulinakwendeka vya Kilistu, ngwe ikeye vavenya Njambi alinakumilanya ali yetu. Tulinakumilambelela ali Kilistu ngwetu, lyambeni na Njambi!

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Efeso 5:10

Esekeni kulilongesa vije vivwaelelesa Mwene.

Kwituluka mu Mashiko 14:2

Omwo yeni mwapwa mu vanu va Shukulu Kalunga Njambi yeni, ikeye wamyangwile ngeci mupwe vanu vendi, akati ka miyati yoshe eyi yakala ano asi.

Filipu 1:20

Cizango cange cakama na cinyangavili cange ngeci kunjikajuka mu vipangi vyange, oloni ku visimbu vyoshe, vunene vene a simbu ino, njikashula nakusimpa kwoshe, ngeci muvutunu vwange vwoshe njikane kasingimiko kuli Kilistu, nambe njitsa nambe njiyoya.

Filipu 2:17

Nambe nga vetila maninga ange ngwe mulambu wa a n̄ombelo ije yakukulaela kweni kuli Njambi, njivwaelela nakujolela amo neni voshe.

Filipu 4:18

Ngecivene, njilinakutuma vukaleo vwa vyuma vyoshe vije mwatumine kuli yange, vikevyo vyajawisa kujeneka kwange kwoshe! Ololo njili nevi vyoshe njishaka omwo Epafolonditu nanjinenela vwana vweni vwoshe. Vukevwo vunapu ngwe mulambu wakunika lwengo lwaluvwa kuli Njambi, n̄ombelo ije yatambula nakumuvwaelelesa ikeye.

1 Tesalonika 4:1

Mukumanesela, vasamba vetu, mwalilongesele kuli yetu vati munapande kuyoya ngeci muvwaelelese Njambi. Mwa vushunga vene, omu mukemwo mumunakala nakuyoya. Co ololo tumilomba nakumisindiya mu lizina lya Mwene Yesu ngwetu muwezeleleko manene.

1 Tesalonika 4:10

Co munakala nakulinga ngeci kuli vaka-kukulaela voshe mu Masendoniya mwoshe. Ngecivene, tumilomba vakwetu, wezeleleniko manene.

1 Tesalonika 5:12

Vakwetu, tumilomba ngwetu aneni kasingimiko kakavwa kuli vaje valinakupanga akati keni, vaje vamitwamenena nakuminangula mukuyoya kwa vuka-Yesu.

1 Timateo 2:3

Evi vinapu vyavivwa, co vivwaelelesa Njambi Muyoyesi wetu,

1 Timateo 5:4

Oloni nga fwile ali na vana nambe vatekulu, vanapande akulivanga vanapande kulilongesa kupanga vipangi vyakukulalela kwavo ku naanga yavo, co mu ngila eyi vakevo lalo vanapande kukwasa visemi vavo na vakukulwila vavo, omwo omu mukemwo mukavwaelelesa Njambi.

Filimoni 1:10

Ngecivene, njikulambelela ali Onesimasi, uje napu munange muli Kilistu, omo njakele mu kamenga njapwile nji ishe mu munzinzime.

Filimoni 1:9

Oloni omwo cizemo cange kuli yove, njilinakukulambelela. Njilinakulinga evi nambe yange Paulu vene, katumwa wa Kilistu Yesu na simbu ino vene njinapu cinzinda cendi omwo lizina lyendi.

VaHevelu 13:22

Njilinakumilomba vakwetu, ngwange, tolilileni nakusimpa ku lijwi eli lyakumikolesa, ou mukanda njamisonekela kesi majwi amalaja embwe.

1 Petulu 2:20

Vikajo muwanao nga mukakateya mukumipupa omwo munalingi mwamuvi? Oloni nga mukakateya mukuyanda nambe omo munalingi mwamuvwa, Njambi akamivezikisa a cuma eci.

1 Petulu 2:5

Co akupwa ngwe mamanya akuyoya, vamitunge mupwe njuvo ya munzinzime, kuje mukapange ngwe vaka-kukombelela vakujela mukukombelela vin̄ombelo vya munzinzime vije vyatambula Njambi ali Yesu Kilistu.