Loma 11:33 - Livulu lya Shukulu Kalunga

³³ Vufuko vwa Njambi vwapwa vwavungi manene! Kuzivuka kwendi na mana endi vyapwa vyakulova manene! Iyajo asa kulumbununa matumbe endi? Iyajo asa kuzivuka vingila vyendi?

Loma 11:33 Iomraidhean Croise

Esita 2:22

Molendekai wazivile cuma eci, co walekele Lishano Esita, co Esita wakalekele mwene vije vyamulekele Molendekai.

Yombi 10:13

Oloni ololo njazivuka ngeci visimbu vyoshe vije wakele na vutumbe vwa mu vushweke vwakunjivulumuna.

Yombi 15:8

Kuma yove wazivile matumbe akushwekesa alingile Njambi ndi? Kuma mana a vanu akala lika kuli yove ndi?

Yombi 23:14

Ikeye akashulisa vutumbe vuje watumbile ali yange, vutumbe vuje vunapu vumo vwa matumbe amangi aje alinawo,

Yombi 26:14

Oloni evi vinapu lika viyongola vya nzili yendi, twavizivile lika na lijwi lyakuyeveta. Iyajo asa kuzivuka mu vushunga muvwapwa vukama vwa Njambi?”

Yombi 33:13

Omwo vikajo wana mulonga Njambi, akujeneka kukumbulula kukulinyenyeta kwa munu?

Yombi 37:19

Tulongese mutukendekela kuli Njambi, mana etu apwa amupulungwa, kutwesi na vimo vyakwendeka.

Yombi 37:23

Nzili ya Njambi inapu yakama ngeci kutwasa kushwenya kuli ikeye, napu wa kulongwa na vushunga mukupanga kwendi na vanu.

Yombi 5:9

Ikeye lika asa kulinga vyuma vyakama vije kutwasa kuzivuka na vyuma vyakukomokesa vije kutwasa kuvizivisisa.

Yombi 9:10

Kutwasa kuzivisisa vyuma vyakama vije vyakalingi, na vikomokesa vyendi vyavingi vije naumo wai asa kuvilava.

Myaso 139:6

Mana ove ali yange anapu akulova, kunjasa kuwazivisisa.

Myaso 145:3

Shukulu Kalunga wapwa wakama, co vanapande kumushangazala manene, naumo wai asa kuzivuka vukama vwendi.

Myaso 36:6

Vushunga vwove vunapu ngwe minkinda yakama, kusompa kwove kwalova manene ngwe mema a kalunga. Yove Shukulu Kalunga wanyunga vanu na tusitu.

Myaso 40:5

Unatulingila vyuma vyavingi yove Shukulu Kalunga Njambi yetu, kukwesi weka lalo wakufwa ngwe yove! Yove unatulingila matumbe amangi akukomokesa, aje kunjasa kuwatumbula oshe, anapu amangi manene.

Myaso 77:19

Wendele a mankimba, wajavukile mema a kalunga, oloni myanja yove kuyasholokele.

Myaso 92:5

Yove Shukulu Kalunga! Vipangi vyove vyapwa vyakama! Na viyongola vyove vyapwa vyakulova!

Myaso 97:2

Mashelwa na lisusulungu vinamuzengeleka, co kushungama na vushunga vikevyo vyapwa luvula lwa litanda lyendi.

Visimo 25:2

Tusingimika Njambi a vyuma vije vyakushweka, tusingimika vimyene akutunungulwila vyuma vije vyakushweka.

Visimo 25:3

Kuwasa kuzivuka vije vyayongola mwene, viyongola vyendi kesi vikevyo viyongola vyetu, viyongola vya mwene vinapu ngwe akamwa ya melu nambe ngwe nzinga ya mema a kalunga.

Muka-kwambulula 3:11

Njambi naaka simbu yaivwa ya vyuma vyoshe. Co lalo nalingisa vanu kuyongola vyuma vya kulutwe, oloni nameme ngoco, munu kasa kuzivuka vije vyanapanga Njambi kutunda akulivanga kweta na ku mamaneselelo.

Muka-kwambulula 7:24

Vatijo munu asa kuwana muwanungulukila mwonyo? Capwa cacikalu manene kucizivisisa.

Muka-kwambulula 8:17

co kunjazivisisile vije vyakele nakulinga Njambi. Nameme uundangana na nzili, navimo viwuwana vyai. Vaka-mana vakeseka kuzivuka, oloni kuvesi kuzivuka vyoshe.

Isaya 28:29

Mana oshe awa atunda kuli Shukulu Kalunga Muka nzili yoshe. Matumbe oshe akalingi Njambi apwa akushungama, co simbu yoshe apwa amavwa.

Isaya 40:28

Kuma kumuzivuka ndi? Kuma kuvamilekele ndi? Shukulu Kalunga ikeye Njambi wa ku myaka yoshe, ikeye watangele kaye koshe. Kesi kujuka nambe kuzeya. Naumo wai asa kuzivisisa viyongola vyendi.

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Loma 2:4

Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke.

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

1 Kolinte 2:10

Oloni Njambi natusholwela vyakushwekesa ali Munzinzime wendi. Munzinzime akashakezeka vyuma vyoshe, nameme vizango vya Njambi vyakulova.

Efeso 1:7

Omwo tunapatuka a maninga a Kilistu, ngeci na vuvi vwetu vanavusambesa, kutetela kwa Njambi kunapu kwakama,

Efeso 2:7

Walingile evi kupwa cimweso ku visimbu vyoshe vije vikaijako akumwesa vukama vwa kutetela kwendi kuje kutwasa kuseteka mu cizemo cije catumwesele muli Kilistu Yesu.

Efeso 3:10

ngeci mu simbu ino iliko, ya cikungulukilo, tungelo vaka-kuswana na vaka-nzili mu lifuti lya mwilu ngeci valilongese muwafwa mana a Njambi na muje mwalitepesela.

Efeso 3:16

Njilomba kuli Njambi a vufuko vwa vumpau vwendi ngeci amyane nzili ali Munzinzime wendi ngeci mukale na nzili mukati ka mivila yeni,

Efeso 3:18

ngeci ali yeni, amo lika na vanu va Njambi voshe, mukakale na nzili yakuzivuka mwamuvwa vukama na vulaja vwa asi na kutunuka na kulova mu mucinapu cizemo ca Kilistu.

Efeso 3:8

Yange njapwa wamundondo kutuvakana voshe vanu va Njambi, oloni Njambi wanjanene vwana ovu vwakutwala Vin̄anda Vyavivwa vya vufuko vuje vwa myaka yoshe vwa Kilistu kuli vaje kesi vaYunda,

Kolose 1:27

Vutumbe vwa Njambi vunapu kusholola cisin̄iko eci kuli vanu vendi. Cisin̄iko cije cinapu vufuko na vumpau canavwaesela vanu voshe. Co cisin̄iko cikeco eci, Kilistu ali muli yeni, kulumbunuka ngeci yeni mukalipangele vumpau vwa Njambi.