Loma 11:31 - Livulu lya Shukulu Kalunga

³¹ Mu ngila eyi vene, omwo a mema ku mbunge a munatambula, co ololo vaYunda kuvesi nakwononoka Njambi, ngeci na vakevo ololo vatambule mema ku mbunge a Njambi.

Loma 11:31 Iomraidhean Croise

Loma 10:16

Oloni kesi voshe vanatambula Vin̄anda Vyavivwa embwe. Isaya vavenya alinakwendeka ngwendi, “Shukulu Kalunga, iyajo wakulaelele muzimbu wetu?”

Loma 11:15

Omwo nga vavayengwile, co vaka-kaye vavatengulwile mukujeneka kupwa vitozi va Njambi, co ololo vanapu vasamba va Njambi. Cikapwa vatijo omo vanavatambula? Cikapwa mwonyo ku vatsi!

Loma 11:25

Kuli vushunga vwakushwekesa, vakwetu, vuje vunjishaka ngeci muvuzivuke, omwo vukamivindika kuyongola ngweni munapu vakunyanyama. Oku kukaluwa kwa vimbunge vya vanu va Isalele kesi ngwe kwa myaka yoshe embwe, oloni kukakalako lika noo vaje kesi vaYunda vanapumo kwija kuli Njambi.

Loma 11:30

Ngwe ali yeni kesi vaYunda, kumwononokele Njambi ku san̄ulu, oloni ololo munatambula mema ku mbunge a Njambi omwo akujeneka kwononoka kwa vaYunda.

Loma 11:32

Omwo Njambi napwisa vanu voshe vinzinda vakujeneka kwononoka, ngeci amwese mema ku mbunge ku voshe.