Loma 11:22 - Livulu lya Shukulu Kalunga

²² Ano tumona cizemo ca Njambi nakukaluwa kwendi. Ikeye napu muka-kukaluwa kuli vaje vanau, oloni napu muka-cizemo kuli yeni, nga mutwalao mu cizemo cendi. Oloni nga kumulingimo, co neni lalo vakamijokolako.

Loma 11:22 Iomraidhean Croise

Myaso 31:19

Mwa vushunga ngozi yove yakama, ije iwunatulikila vaje vakukomoka, ije iwunapangela vaje vavanda muli yove, ku mesho a vana va vanu!

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Ezekiyele 18:24

“Oloni nga muka-vushunga alikela kulinga mwamuvwa, co ashangumuka kulinga vuvi, na vyuma vyoshe vya vunyengwe vije vivakalingi vaka-vuvi, munu ou napande kutwalao kuyoya ngacije ndi? Embwe! Nacimo cai cacivwa calingile civakanuka. Akatsa omwo akujeneka kulongwa kwendi na a vuvi vwendi.

Ezekiyele 3:20

“Nga muka-vushunga alinga vuvi, nga njimwakela citanukiso ngeci awe, ikeye atsa nga kuumunangula, atsa omwo vuvi vwendi, co kunjikanuka lalo vilinga vyendi vyavivwa vije vyalingile, oloni mulonga wa kutsa kwendi ukakala ali yove.

Luka 8:15

Co vimbuto vije vyawililile ku livu lya vwilo vinemanena vaje vaziva lijwi nakulinyunga na mbunge yaivwa yakwononoka, co vakakateya noo vaima vushuka.

Yowano 15:2

Ikeye ateta munango woshe uli muli yange uje kuwimi vushuka, co munango woshe wima vushuka awunonga ngeci wime vushuka vwavungi.

Yowano 8:31

Ngecivene, Yesu wendekele kuli vaje vamukulaelele ngwendi, “Nga mwononoka vilongesa vyange, mwa vushunga munapu mu vandongisi vange,

Vilinga vya Miluwa 11:23

Omo Mbanambase wetele kuje wamwene muje vati Njambi navezikisilamo vanu, wavwaelelele nakuvalambelela voshe ngeci vapwe va kulongwa na vaka-vushunga kuli Mwene na vimbunge vyavo vyoshe.

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Loma 11:21

Omwo nga Njambi katetelele vaYunda, vaje vanalifu ngwe minango ya cisemwa, muyongola ngweni akamitetela ndi?

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

1 Kolinte 15:2

Uje ukewo muzimbu, lijwi lije njambulwile kuli yeni. Munovoka a muzimbu nga mukakateyao mbe, kuvanga amo eci munakulaela cinapu cangoco.

Ngalatiya 6:9

Ngecivene, kesi tujuke mukulinga mwamuvwa embwe, omwo nga kutujuka, simbu ikaija omo tukateja.

1 Tesalonika 3:5

Eci cikeco cinjatuminine Timateo. Omwo kunjasele kutwalao lalo, ngecivene, njamutumine akumone vati kukulaela kweni mucinafu. Mwa vushunga vene kucapwile ngeci Liyavola namyeseka, co vipangi vyetu vyoshe vinai mwangoco!

1 Tesalonika 3:8

omwo ololo tulinakuyoya nga yeni mwimana mbe mukuyoya kweni muli Mwene.

VaHevelu 10:23

Co tukakateyeni mbe ku cinyangavili cije tunatava, omwo tunakulaela ngwetu Njambi nanyungu cikulaeso cendi.

VaHevelu 3:14

Omwo tunatambula kuli Kilistu nga tukakateya na ku shongo kusimpa kuje twakele nakwo akulivanga.

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

1 Yowano 2:19

Mwa vushunga vene, vanu ava kuvakundamene ku mbunga yetu, omu mukemwo muvatundilile kuli yetu, nga vakevo vakundamene ku mbunga yetu, nga vali netu amo. Oloni vatusezele ngeci cipwe cakutungukwa ngeci naumo wai wavo wakundamene ku mbunga yetu.

Kujombolola 2:5

Anuka kuje kuunawila! Tenguluka ku vivi vyove nakulinga vije viwalingile akulivanga. Nga shove kutenguluka ku vivi vyove, co yange njikaija kuli yove nakutundisa citumbikilo ca ndeya yove mu mwela waco.