Loma 11:2 - Livulu lya Shukulu Kalunga

² Njambi kavyanene vanu vendi, vaje vaangwile kutunda ku san̄ulu. Yeni mwazivuka muvinendeka visoneka mu mutambela kuje vendeka Elinja alambelela Njambi ali Isalele ngwendi,

Loma 11:2 Iomraidhean Croise

Kushangumuka 44:15

co Yosefa wendekele kuli vakevo ngwendi, “Vika mwalingi? Kuma kumwazivukile ngeci munu wakufwa ngwe yange asa kuwana cuma eci akutaa ndi?”

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Myaso 94:14

Shukulu Kalunga kakavyana vanu vendi, nameme kwivala muyati wendi uje wanaangula.

Kutuuka 32:1

Omo vanu vamwene ngeci Mosesa kezile vwasi kutunda ku munkinda oloni wakakele kuje simbu yakama manene, co vakungulukilile kuli Alone nakwendeka kuli ikeye ngwavo, “Kutuzivuka cuma mukajo cinalingiwa kuli ou munalume Mosesa, ou watutwamenenene kututundisa mu Ingito, oloni yove unapande kutupangela njambi ngeci atutwamenene.”

Njelemiya 31:37

Nga citava melu vaweseke, nambe kweta a luvula, co njikavyana muyati wa Isalele, omwo a vuvi vuje vuvanalingi. Mwanendeka Shukulu Kalunga.

Kulava 16:15

Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”

Mako 12:26

Co, ngwe akusanguka kwa vatsi, kuma kumwalavele mu Livulu lya Mosesa alije liputa lyakele nakwenya ndi? Vanasoneka ngwavo Njambi wendekele kuli Mosesa ngwendi, ‘Yange Njambi ya Avilahama, Njambi ya Isake na Njambi Yakomba.’

Luka 4:1

Yesu akushula na Munzinzime Wakujela, watundile ku Ndonga ya Yondau, co Munzinzime wamutwamenenene mu mambo,

Yowano 4:11

Co munakazi wendekele ngwendi, “Shukulu, kuwesi na cuma cakutekwisa mema, lisima lyalova. Kulijo ukawana mema a mwonyo?

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Vilinga vya Miluwa 15:18

Mukemwo mwalinakwendeka Shukulu Kalunga, uje washolwele vyuma evi ku san̄ulu.’ ”

Vilinga vya Miluwa 3:17

“Co ololo vakwetu, njinazivuka ngeci vije mwalingile kuli Yesu yeni na vantwama veni vyapwile nzimba.

Vilinga vya Miluwa 7:40

Ngecivene, vendekele kuli Alone ngwavo, ‘Tumungile vinjambi vatutwamenene. Kutuzivuka cuma muka cinalingiwa kuli Mosesa uje watutundisile ku Ingito.’

Loma 6:16

Mwa vushunga mwazivuka ngeci omo mulikundika yeni vavenya ngwe vindungo kukwononoka munu umo, munapu mu vindungo va uje shukulu imulinakwononoka, nambe ku vuvi, vuje vunena kutsa, nambe akwononoka, kuje kunena kumipwisa vaka-vushunga ku mesho a Njambi.

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

Loma 9:6

Kunjendeka ngwange cikulaeso ca Njambi cinonwa embwe, omwo kesi vanu voshe va Isalele vanapu vanu va Njambi embwe.

1 Kolinte 6:2

Kuma kumwazivukile ngweni vanu va Njambi vakasompa vaka-kaye ndi? Co nga mukasompa vaka-kaye, kuma kumwasa kusompa vin̄anda vyavindondo ndi?

1 Kolinte 8:3

Oloni nga munu azema Njambi nendi vanamuzivuka kuli Njambi.

Filipu 1:22

Oloni nga mukuyoya njasa kuwezelelako ku vipangi vyavivwa, co kunjasa kuzivuka cuma muka njinapande kwangula.

VaHevelu 1:1

Ku san̄ulu Njambi wendekele kuli vakukulwila vetu ali vaka-kwimanena visimbu vyavingi na mu vingila vyeka na vyeka,

1 Petulu 1:2

Yeni vamyangwile ku cizango ca Njambi Tatetu, co vamijelesele na Munzinzime wendi ngeci mwononoke kuli Yesu Kilistu nakumijelesa na maninga endi. Kutetela na kwoloka vikale amo neni.