Loma 10:2 - Livulu lya Shukulu Kalunga

² Omwo nji mukaleo wavo ngeci vakevo vanalyana manene kuli Njambi, oloni kulyana kwavo kesi kwa mana a vushunga.

Loma 10:2 Iomraidhean Croise

2 Vimyene 10:16

co wendekele ngwendi, “Tuye tuvavoshe ngeci ukamone munjalilambula kuli Shukulu Kalunga.” Co vaile amolika mu litemba ku Samaliya.

Myaso 14:4

Shukulu Kalunga wehwile ngwendi, “Kuma kuvazivuka ndi? Kuma voshe vaka-kulinga vuvi vali ku nzimba ndi? Valinakuyoyela akwivila vanu vange, co kuvesi kulombela kuli yange.”

Visimo 19:2

Kesi mwamuvwa kukala na ntwima mu mbunge kukala na mana, nambe kuzambula manene uzimbalesa ngila.

Isaya 27:1

A litangwa lije Shukulu Kalunga na moko yendi ya mukwale ya nzili yakama manene akanyanyamesa Levyatane linyoka wa lumbisi, wakulizenga-zenga, co akatsiya cikashama uje wakala mu mema a kalunga.

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

Vilinga vya Miluwa 21:20

Co omo vazivile evi, voshe vashangazalele Njambi. Co vendekele ngwavo, “Ndolome yetu Paulu, wasa kumona vaYunda vavangi-vangi vanapu vaka-kukulaela ololo, co vakevo lalo vanalikutiiya ku Lishiko.

Vilinga vya Miluwa 21:28

Co vatambekele ngwavo, “Eni vanalume va Isalele! Tukwaseniko! Ou ikeye munalume uje akai kwoshe-ikwoshe nakulongesa vanu voshe kulwisa vanu va Isalele na Lishiko lya Mosesa naino Njuvo ya Shukulu Kalunga. Co lalo ololo nanena vamo vaje kesi vaYunda muno mu Njuvo ya Shukulu Kalunga nakujwalesa ou mwela wakujela!”

Vilinga vya Miluwa 22:22

Vanu vatolililile kuli Paulu noo wendekele evi, oloni vashangumukile kutambeka manene ngwavo, “Kutwamushakele ou munalume! Mutsiyeni! Kapandele kuyoya!”

Vilinga vya Miluwa 22:3

“Yange nji kaYunda, njasemukilile ku Talisi mu Silisha, oloni vanjilelelele muno mu Yelusalema, co njalilongesele kuli Ngamalyele. Njatambwile mwamuvwa vilongesa mu Mashiko a vakukulwila vetu, co njalikundikile kuli Njambi ngwe mumunafu yeni voshe mulikuno litangwa lya lelo.

Loma 10:1

Vakwetu, njishaka manene na mbunge yange yoshe ngeci vanu vange vovoke! Njilinakuvalombelela manene kuli Njambi!

Loma 10:3

Omwo kuvazivukile ngila ije yakapwisa Njambi vanu ngeci vapwe vaka-vushunga ku mesho endi, oloni vakevo vaneseka kupangesa ngila yavo vavenya, ngecivene, kuvasele kulyana vakevo vavenya ku ngila ya Njambi ije yakapwisa vanu ngeci vapwe vaka-vushunga.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

2 Kolinte 4:6

Njambi uje wendekele ngwendi, “Mu lisusulungu mukatwa ceke!” Ikeye Njambi uje vene umolika watwisile ceke mu vimbunge vyetu, mukututwisila ceke ca vumpau vwa Njambi vuje vunatu mu cihanga ca Kilistu.

2 Kolinte 8:3

Mwa vushunga vene njimileka ngwange, vaanene ngwe kwasa kwavo, nambe kuhyana vije. Na cizango cavo coshe,

Ngalatiya 1:14

Njahyanene vakwetu vamo va vaYunda vaje twakolelele amo omwo njanyanyamene manene ku futisi ya vuYunda, co njalikundikile manene ku vilika vya vakukulwila vetu.

Ngalatiya 4:15

Mwavwaelelele manene! Vikajo vinalingiwa? Yange njasa kwendeka ngwange nga mwasele, nga mwacakuvwile mesho eni, nakunjanawo.

Filipu 1:9

Njilombela ngwange cizemo ceni citwaleo mukukola manene, amo na mana a vushunga amo nakwangula kwa vushunga,

Filipu 3:6

co njakele na ntwima yakama mukupakesa cikungulukilo. Ngwe munu asa kupwa muka-vushunga akwononoka Lishiko, yange kunjakele na mulonga.

Kolose 4:13

Yange vene njasa kupwa mukaleo wakushula kukuundangana kwendi omwo yeni na omwo vanu va mu Laondisiya na mu Halapolise.