Loma 10:19 - Livulu lya Shukulu Kalunga

¹⁹ Co njihula lalo ngwange, kuma vanu va Isalele kuvazivisisile ndi? Mosesa ikeya vavenya wakulivanga kukumbulula ngwendi, “Njikashangumuna muyati wakujeneka seo ngeci vanu vange vakale na lifuwa, njikashangumuna muyati wakujeneka mana ngeci valuvalese vanu vange.”

Loma 10:19 Iomraidhean Croise

Njelemiya 10:14

Vanu voshe vaje vaka-kufula tumponya twa ngolinde vanapu vilema, voshe vakaziva shwamwa, omwo tumponya tuje tuvakafulu tunapu twa makuli, co kuvesi na mwonyo.

Njelemiya 10:8

Voshe valemesa tumponya vapwa vilema. Vikajo vivalilongesa ku tumponya twa viti?

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Loma 10:18

Oloni njihula ngwange, mwa vushunga kuma kuvazivile lijwi ndi? Valizivile, omwo visoneka vyendeka ngwavyo, “Omo mutambi wa lijwi lyavo washandokelele mu kaye mwoshe, majwi avo etele na ku shongo ya asi oshe.”

Loma 11:11

Ngecivene, njihula ngwange, omo vaYunda vatanukile, kuma vawile nakunyonga ndi? Embwe kesi ngoco! Omwo valingile vuvi, kwamena kunaija kuli vaje kesi vaYunda, ngeci vaYunda vazivile lifuwa vaje kesi vaYunda.

Loma 11:14

Amo njasa kulingisa vanu va ku muyati wange lifuwa, ngeci njase kwamenako vamo.

Loma 3:26

oloni ku simbu ino alinakuhisa vuvi vwa vanu, mukumwesa vushunga vwendi. Mu ngila eyi vene Njambi alinakumwesa ngeci ikeye vavenya napu muka-vushunga, co munu woshe uje akulaela kuli Yesu Njambi amupwisa muka-vushunga.

1 Kolinte 1:12

Njilinakulumbununa ngwange, akati keni munu na munu alinakwendeka vyuma vyakulyangunuka. Umo endeka ngwendi, “Yange nji muka-Paulu”, mukwavo ngwendi, “Yange nji muka-Apolo”, weka ngwendi, “Yange nji muka-Petulu”, co weka ngwendi, “Yange nji muka-Kilistu.”

1 Kolinte 10:19

Kuma eci cinalumbunuka ngwange kamponya nambe vyakulya vyakukombelela ku kamponya vinakundama ku cuma cacivwa ndi?

1 Kolinte 11:22

Kuma kumwesi na vinjuvo vyeni ngeci mukalilemo nakunwilamo ndi? Nambe kuma mulinakushaula cikungulukilo ca Njambi nakuzivisa shwamwa vanu vaje vanajeneka ndi? Vikajo mushaka yange njendeke kuli yeni a cuma eci? Njimishangale ndi? Mwa vushunga vene kunjimishangala embwe!

1 Kolinte 12:2

Mwazivuka ngeci omo laja mwakele vaka-kujeneka kukulaela, vamitwamenenene nakumisevwisa mu vingila vyavingi mukulemesa tumponya kutwesi na mwonyo.

1 Kolinte 15:50

Eci njilumbununa, vavusamba vange, cikeco eci ngwange cije cinatundu ku situ na maninga kucasa kukovela mu Vumwene vwa Njambi, co cije cakuvola kucasa kuswana cije cakujeneka kuvola.

1 Kolinte 7:29

Evi vyalumbunuka ngeci, vavusamba vange, kukwesi simbu yakama yasalako, co kutunda a simbu ino kutwala kulutwe vaka-kwambata vanapande kuyoya ngwe kesi kuvesi na vanakazi,

Kwituluka mu Mashiko 32:21

Vananjiluvalesa na tumponya twavo, nakunjilingisa lifuwa na vinjambi vavo va makuli, vinjambi vaje kesi vinjambi va vushunga embwe. Ngecivene, njikashangumwina vaIsalele muyati wa vanu veka ngeci vavaluvalese, co njikavashangumwina lifuwa na muyati wa vulema.

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.